ຄະນະຜູ້ແທນ ສນຊ ເຂົ້າຮ່ວມງານວິສາຂະບູຊາສາກົນ ທີ່ປະເທດສີລັງກາ


...

    ຄະນະຜູ້ແທນຂັ້ນສູງ ຄະນະກຳມະການສູນກາງແນວລາວ ສ້າງຊາດ (ສນຊ) ນຳໂດຍທ່ານ ຄຳໃບ ດຳລັດ ຮອງປະທານ ຄະນະປະຈຳສູນກາງແນວລາວສ້າງຊາດ ພ້ອມດ້ວຍຄະນະ ແລະ ຄະນະຝ່າຍພະສົງ ນຳໂດຍ ພະອາຈານໃຫຍ່ ມະຫາງອນ ດຳລົງບຸນ ປະທານສູນກາງ ອົງການພຸດທະສາສະໜາສຳ ພັນລາວ ໄດ້ສຳເລັດການເຂົ້າ ຮ່ວມງານສະເຫຼີມສະຫຼອງວັນ ວິສາຂະບູຊາສາກົນ ຄັ້ງທີ 14 ຊຶ່ງຈັດຂຶ້ນທີ່ປະເທດສີລັງ ກາ ລະຫວ່າງວັນທີ 12-14 ພຶດສະພາ ຜ່ານມານີ້. ງານວິສາຂະບູຊາ ເປັນ ວັນທີ່ມີຄວາມໝາຍສຳຄັນຢ່າງ ຍິ່ງສຳລັບຊາວພຸດທຸກນິກາຍ ໃນທົ່ວໂລກ ທີ່ໄດ້ພ້ອມໃຈກັນ ສະເຫຼີມສະຫຼອງງານບຸນດັ່ງ ກ່າວຂຶ້ນທຸກໆປີ ເພາະເປັນ ເຫດການໜຶ່ງທີ່ສຳຄັນທາງພຸດ ທະສາສະໜາຄື: ວັນປະສູດ, ວັນຕັດສະຣຸ ແລະ ວັນປະຣິນິ ພານ ຂອງອົງສຳມາສຳພຸດທະ ເຈົ້າ, ວົງຄະນາຍາດສາກົນ ກໍຄືອົງການສະຫະປະຊາຊາດ ກໍໄດ້ຮັບຮອງເອົາວັນວິສາຂະ ບູຊາ ເປັນວັນວິສາຂະບູຊາສາ ກົນ ນັບແຕ່ວັນທີ 13 ພຶດສະ ພາ 1999. ໃນງານສະເຫຼີມ ສະຫຼອງງານບຸນວິສາຂະບູຊາ ສາກົນຄັ້ງນີ້ ພາຍໃຕ້ຫົວຂໍ້: "ຄຳສອນພຸດທະສາສະໜາ ເພື່ອຄວາມຍຸຕິທຳທາງສັງຄົມ ແລະ ຄວາມສະຫງົບສຸກອັນ ຍືນຍົງຂອງໂລກ" ໂດຍມີຜູ້ ແທນເຂົ້າຮ່ວມຫຼາຍກວ່າ 400 ທ່ານ ທີ່ມາຈາກບັນດາປະ ເທດທີ່ນັບຖືສາສະໜາພຸດໃນ ທົ່ວໂລກ. ພ້ອມດຽວກັນນີ້ ຄະນະ ຍັງໄດ້ເຂົ້າຢ້ຽມພົບປະທ່ານ ໄວຢາດາສະ ຣາຈະປາຊີ ລັດຖະມົນຕີກະຊວງຍຸຕິທຳ ແລະ ສາສະໜາ ແຫ່ງ ສີລັງກາ ຊຶ່ງທ່ານໄດ້ສະແດງຄວາມ ຕ້ອນຮັບ ແລະ ຊົມເຊີຍຄະນະ ຜູ້ແທນຝ່າຍລາວ ທີ່ໄດ້ສະຫຼະ ເວລາມາຮ່ວມງານສະເຫຼີມສະ ຫຼອງໃນຄັ້ງນີ້ ແລະ ທ່ານຮອງ ປະທານ ສນຊ ກໍໄດ້ສະແດງ ຄວາມຂອບໃຈເປັນຢ່າງຍິ່ງ ໃນການຕ້ອນຮັບຢ່າງອົບອຸ່ນ ຂອງລັດຖະບານສີລັງກາ ຊຶ່ງ ມີຄວາມໝາຍຄວາມສຳຄັນ ໃນການພົວພັນຮ່ວມມືລະ ຫວ່າງສອງລັດຖະບານ. ນອກຈາກນັ້ນ ຄະນະຜູ້ ແທນຂັ້ນສູງຄະນະກຳມະການ ສນຊ ຍັງໄດ້ຢ້ຽມຊົມງານວາງ ສະແດງພາຍໃນງານ, ຢ້ຽມຊົມ ວັດວາອາຮາມ ແລະ ພື້ນຖານ ວັດທະນະທຳຈຳນວນໜຶ່ງ ພາຍໃນເມືອງໂຄລົມໂບ ແລະ ເມືອງແຄນດີຕື່ມອີກ.