ງານວາງສະແດງສິນຄ້າຈີນ-ອາຊຽນ ຄັ້ງທີ 14 ອັດລົງ ດ້ວຍຜົນສຳເລັດ


...

    

ງານວາງສະແດງສິນຄ້າ ຈີນ - ອາຊຽນ ຄັ້ງທີ 14 ຊຶ່ງໄດ້ ຈັດຂຶ້ນໃນວັນທີ 12 - 15 ກັນ ຍາ 2017 ໄດ້ສຳເລັດຜົນຢ່າງ ຈົບງາມ, ທ່ານ ຫວັງ ເຫຼ (Wang Lei) ຄະນະກຳມະການກອງ ເລຂາຈັດງານວາງສະແດງສິນ ຄ້າ ຈີນ - ອາຊຽນ ໄດ້ຖະແຫຼງ ຂ່າວຕໍ່ສື່ມວນຊົນວ່າ: ງານວາງ ສະແດງສິນຄ້າຈີນ-ອາຊຽນ ຄັ້ງທີ 14 ຊຶ່ງໄດ້ເລີ່ມມາແຕ່ວັນ ທີ 12 ເຖິງ 15 ກັນຍາ 2017 ແມ່ນໄດ້ສຳເລັດຜົນຢ່າງຈົບງາມ, ໃນງານວາງສະແດງສິນຄ້າຄັ້ງນີ້ ແມ່ນເປັນໜຶ່ງໃນກິດຈະກຳ ເພື່ອສະເຫຼີມສະຫຼອງວັນສ້າງ ຕັ້ງອາຊຽນ ຄົບຮອບ 50 ປີ ທັງເປັນການປະຕິບັດ ຂໍ້ລິເລີ່ມ ຂອງປະທານ ສີຈິ້ນຜິງ ຄື “ໜຶ່ງ ແລວທາງໜຶ່ງເສັ້ນທາງ” ເພື່ອ ຮັດແໜ້ນການພົວພັນຮ່ວມມື ລະຫວ່າງຈີນ - ອາຊຽນ. ທ່ານໄດ້ກ່າວຕື່ມອີກວ່າ: ການປະຕິບັດນະໂຍບາຍແນວ ຄິດລິເລີ່ມຂອງປະທານ ສີຈິ້ນຜິງ ແມ່ນເປັນການເຊື່ອມໂຍງເສັ້ນ ທາງການຄ້າ, ການລົງທຶນຂອງ ສປ ຈີນ ແລະ ອາຊຽນໃນຫຼາຍ ເສັ້ນທາງເຊັ່ນ: ທາງລົດໄຟ, ທາງລົດ, ທາງອາກາດ ແລະ ທາງທະເລ ໃນນັ້ນກໍເປັນເສັ້ນ ທາງຄົມມະນາຄົມຂອງປະຊາ ຊົນ ຈາກ ສປ ຈີນ ກັບ ປະຊາ ຊົນອາຊຽນ. ທັງເປັນການດຶງ ດູດການລົງທຶນ, ການທ່ອງ ທ່ຽວ, ພາຍໃນ ຈີນ - ອາຊຽນ, ນອກຈາກນີ້ຍັງເປັນການດຶງ ດູດການຄ້າ, ການລົງທຶນ ແລະ ການທ່ອງທ່ຽວຈາກບັນ ດາປະເທດຄູ່ຮ່ວມເຈລະຈາ ຂອງອາຊຽນທີ່ຢູ່ນອກວົງຄະ ນາຍາດອາຊຽນ. ໃນງານວາງ ສະແດງສິນຄ້າ ຈີນ - ອາຊຽນ ຄັ້ງນີ້ຍັງມີກອງປະຊຸມປິ່ນອ້ອມ ລະຫວ່າງ ຈີນ - ອາຊຽນ, ເປັນ ຕົ້ນແມ່ນກອງປະຊຸມການເງິນ - ການທະນາຄານ, ກອງປະ ຊຸມສົ່ງເສີມການຄ້າ - ການລົງ ທຶນໃນເຂດນິຄົມອຸດສາຫະກຳ ຈີນ - ລາວ, ກອງປະຊຸມສົ່ງ ເສີມການພັດທະນາຂະແໜງ ພະລັງງານ ຈີນ - ອາຊຽນ ແລະ ກອງປະຊຸມອື່ນໆທີ່ສົ່ງເສີມ ການລົງທຶນອຸດສາຫະກຳການ ທ່ອງທ່ຽວ ແລະ ການຄົມມະ ນາຄົມ ເພື່ອປຶກສາຫາລືຮ່ວມ ກັນທັງໝົດເຫຼົ່ານີ້ແມ່ນເປັນ ການປະຕິບັດນະໂຍບາຍຂອງ ປະທານ ສີຈິ້ນຜິງ ກໍຄື: “ຮ່ວມ ກັນສ້າງເສັ້ນທາງສາຍໄໝທາງ ທະເລແຫ່ງສະຕະວັດທີ 21 ສົ່ງ ເສີມການເຊື່ອມໂຍງເສດຖະ ກິດພາກພື້ນຜ່ານວຽກງານ ການທ່ອງທ່ຽວ”. ສຳລັບ ສປປ ລາວມີບັນ ດາຫົວໜ່ວຍທຸລະກິດທັງພາກ ລັດ ແລະ ເອກະຊົນສົ່ງຜະລິດ ຕະພັນເຂົ້າຮ່ວມຫຼາຍກ່ວາ 50 ບໍລິສັດຊຶ່ງປະກອບມີ 6 ໝວດ ຜະລິດຕະພັນຄື: ເຟີນີເຈີ ແລະ ແກະສະຫຼັກ, ເຄື່ອງປະດັບອັນ ຍະມະນີ, ເຄື່ອງຫັດຖະກຳແຜ່ນ ແພ, ກະສິກຳປຸງແຕ່ງ, ອາຫານ ແລະ ເຄື່ອງດື່ມ ໃນນັ້ນມີບັນ ດາຫົວໜ່ວຍທຸລະກິດທັງພາຍ ໃນ ແລະ ຕ່າງປະເທດເຂົ້າ ຮ່ວມຫຼາຍກ່ວາ 2.700 ຫົວ ໜ່ວຍທຸລະກິດ ລວມມີ 6.600 ກ່ວາຮ້ານທີ່ມາຈາກບັນດາປະ ເທດອາຊຽນ 1.700 ກ່ວາຮ້ານ, ພິເສດໃນປີນີ້ ລັດຖະບານ ແຫ່ງ ສປປ ລາວ ໄດ້ເລືອກ ເອົາແຂວງໄຊຍະບູລີເປັນເມືອງ ແຫ່ງສະເໜ່ມານຳສະເໜີ ເພື່ອ ດຶງດູດການຄ້າ - ການລົງທຶນ, ການທ່ອງທ່ຽວ ແລະ ເຜີຍແຜ່ ວັດທະນະທຳອັນດີງາມຂອງ ຊາດລາວຕໍ່ເວທີສາກົນ. (ຂ່າວ - ພາບ : ສຸກສາຄອນ)