ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດຊຸດທີVIII ອັດລົງດ້ວຍຜົນສຳເລັດ


...

    ກອງປະຊຸມສະໄໝສາ ມັນເທື່ອທີ 3 ຂອງສະພາແຫ່ງ ຊາດຊຸດທີ VIII ອັດລົງດ້ວຍ ຜົນສຳເລັດອັນຈົບງາມໃນວັນ ທີ 18 ພຶດສະພານີ້ ໂດຍການ ເປັນປະທານຂອງທ່ານນາງ ປານີ ຢາທໍ່ຕູ້ ປະທານສະພາ ແຫ່ງຊາດ ໂດຍເປັນກຽດເຂົ້າ ຮ່ວມຂອງທ່ານ ບຸນຍັງ ວໍລະ ຈິດ ເລຂາທິການໃຫຍ່ ປະທານ ປະເທດ, ມີບັນດາການນຳຂັ້ນ ສູງພັກ - ລັດ ແລະ ພາກສ່ວນ ທີ່ກ່ຽວຂ້ອງເຂົ້າຮ່ວມ. ໃນພິທີທ່ານນາງ ປານີ ຢາທໍ່ຕູ້ ໄດ້ກ່າວບາງຕອນທີ່ ສຳຄັນວ່າ: ຕະຫຼອດໄລຍະ 17 ວັນໃນການດຳເນີນກອງປະ ຊຸມສະໄໝສາມັນເທື່ອທີ 3 ຂອງສະພາແຫ່ງຊາດຊຸດທີ VIII ທີ່ເຕັມໄປດ້ວຍບັນຍາ ກາດທີ່ສ້າງສັນ ແລະ ມີຄວາມ ເປັນເອກະພາບສູງຂອງສະມາ ຊິກສະພາແຫ່ງຊາດໃນການ ຄົ້ນຄວ້າ, ປະກອບຄຳຄິດຄຳ ເຫັນຢ່າງກົງໄປກົງມາຕໍ່ບັນດາ ເນື້ອໃນທີ່ນຳມາພິຈາລະນາ ແລະ ຮັບຮອງເອົາໃນກອງປະ ຊຸມຄັ້ງນີ້: 1. ສະພາແຫ່ງຊາດໄດ້ ຮັບຟັງ ແລະ ພິຈາລະນາສະ ພາບການຈັດຕັ້ງປະຕິບັດແຜນ ພັດທະນາເສດຖະກິດ - ສັງ ຄົມ; ແຜນງົບປະມານແຫ່ງລັດ 6 ເດືອນຜ່ານມາ ແລະ ວຽກ ງານຈຸດສຸມທ້າຍປີ 2017; ພິ ຈາລະນາຮັບຮອງເອົາບົດລາຍ ງານກ່ຽວກັບການຄຸ້ມຄອງລາ ຄາສິນຄ້າ ແລະ ມາດຕະການ ແກ້ໄຂຈຳນວນໜຶ່ງ ເພື່ອຫຼຸຸດ ຜ່ອນຜົນກະທົບຕໍ່ການຜະລິດ ແລະ ຊີວິດການເປັນຢູ່ຂອງປະ ຊາຊົນ. ກອງປະຊຸມສະແດງ ຄວາມເຫັນດີເປັນເອກະພາບ ຕໍ່ບົດລາຍງານ ແລະ ສະເໜີ ໃຫ້ລັດຖະບານເອົາໃຈໃສ່ບາງ ບັນຫາດັ່ງນີ້: - ສືບຕໍ່ຊີ້ນຳ ແລະ ຊຸກຍູ້ ບັນດາກະຊວງ, ອົງການ, ຂະ ແໜງການ ແລະ ອົງການປົກ ຄອງທ້ອງຖິ່ນ ສູ້ຊົນຈັດຕັ້ງປະ ຕິບັດບັນດາຄາດໝາຍລວມ, ຄາດໝາຍແຕ່ລະດ້ານ, ທິດ ທາງວຽກງານ ແລະ ບັນດາ ມາດຕະການທີ່ໄດ້ກຳນົດໄວ້ ໃນມະຕິກອງປະຊຸມສະພາ ແຫ່ງຊາດ ເລກທີ 14,15,16/ ສພຊ ລົງວັນທີ 24/11/2016 ແລະ ເລກທີ 18/ສພຊ ລົງວັນ ທີ 28/11/2016 ກ່ຽວກັບແຜນ ພັດທະນາເສດຖະກິດ - ສັງ ຄົມ, ແຜນງົບປະມານແຫ່ງລັດ ປະຈຳປີ 2017 ກໍຄືແຜນການ ສ້າງ ແລະ ປັບປຸງກົດໝາຍປະ ຈຳປີ 2017 ແລະ ການປະກາດ ໃຊ້ນິຕິກຳລຸ່ມກົດໝາຍໃຫ້ສຳ ເລັດ ເພື່ອແນໃສ່ຮັບປະກັນ ເຮັດໃຫ້ເສດຖະກິດ - ສັງ ຄົມ ສືບຕໍ່ມີການຂະຫຍາຍຕົວຢ່າງ ຕໍ່ເນື່ອງ, ເສດຖະກິດມະຫາ ພາກມີຄວາມສະຫງົບ ແລະ ໝັ້ນທ່ຽງ, ເຮັດໃຫ້ການຄຸ້ມ ຄອງລັດ, ຄຸ້ມຄອງເສດຖະກິດ - ສັງຄົມ ມີຄວາມສັກສິດ ແລະ ໄດ້ຮັບການປັບປຸງ ແລະ ເສີມ ຂະຫຍາຍເປັນລະບົບຄົບຊຸດ ດີຂຶ້ນ, ຫັນລັດໄປສູ່ການຄຸ້ມ ຄອງ ແລະ ບໍລິຫານດ້ວຍກົດ ໝາຍເທື່ອລະກ້າວ. - ຊີ້ນຳບັນດາກະຊວງ, ອົງການ ແລະ ຂະແໜງການ ເພີ່ມທະວີຄວາມຮັບຜິດຊອບ ການເມືອງຂອງຕົນໃນການ ຈັດຕັ້ງປະຕິບັດພາລະບົດບາດ ແລະ ສິດ - ໜ້າທີ່ ຕາມທີ່ກຳ ນົດໄວ້ໃນກົດໝາຍ, ສູ້ຊົນຈັດ ຕັ້ງຜັນຂະຫຍາຍແຜນພັດທະ ນາເສດຖະກິດ - ສັງຄົມ ແລະ ແຜນງົບປະມານແຫ່ງລັດປະ ຈຳປີ 2017 ໃຫ້ເປັນແຜນງານ, ວຽກງານຈຸດສຸມໃນຂະແໜງ ການຂອງຕົນ ແລະ ໄດ້ຮັບ ການຈັດຕັ້ງຜັນຂະຫຍາຍເຂົ້າ ສູ່ຊີວິດຕົວຈິງ, ພ້ອມທັງແກ້ໄຂ ບັນດາຂໍ້ຄົງຄ້າງໃນຂົງເຂດວຽກ ງານທີ່ຂະແໜງການຕົນຮັບຜິດ ຊອບໃຫ້ຫຼຸຸດລົງເທື່ອລະກ້າວ. - ຊີ້ນຳ ບັນດາກະຊວງທີ່ ກ່ຽວຂ້ອງ ຮີບຮ້ອນຈັດຕັ້ງຜັນ ຂະຫຍາຍເນື້ອໃນກົດໝາຍວ່າ ດ້ວຍການສົ່ງເສີມການລົງທຶນ ສະບັບປັບປຸງ ປີ 2016 ໃຫ້ ເປັນຮູບປະທຳ ເພື່ອສືບຕໍ່ດຶງ ດູດການລົງທຶນທັງພາຍໃນ ແລະ ຕ່າງປະເທດໃນຂະແໜງ ການຕ່າງໆໃຫ້ເພີ່ມຂຶ້ນ, ປະ ກອບສ່ວນເຂົ້າໃນການຊຸກຍູ້ ການເຕີບໂຕເສດຖະກິດແຫ່ງ ຊາດ, ສ້າງຖານລາຍຮັບທີ່ໝັ້ນ ຄົງໃຫ້ແກ່ລັດ ກໍຄືການສ້າງ ວຽກເຮັດງານທຳໃຫ້ແກ່ປະຊາ ຊົນ ແລະ ອື່ນໆ. - ຊີ້ນຳກະຊວງອຸດສາຫະ ກຳ ແລະ ການຄ້າ ປະສານສົມ ທົບກັບບັນດາກະຊວງ, ອົງ ການທີ່ກ່ຽວຂ້ອງ ສືບຕໍ່ຄົ້ນຄວ້າ ແລະ ສະເໜີລັດຖະບານປະ ກາດໃຊ້ນະໂຍບາຍ, ມາດຕະ ການຊຸກຍູ້ ແລະ ສົ່ງເສີມການ ຜະລິດສະບຽງອາຫານ ແລະ ການຜະລິດສິນຄ້າທີ່ຈຳເປັນ ໃຫ້ແກ່ການບໍລິໂພກປະຈຳວັນ ຂອງປະຊາຊົນໃຫ້ມີການຂະ ຫຍາຍຕົວ ແລະ ມີຄວາມຫຼາກ ຫຼາຍທາງດ້ານຜະລິດຕະພັນທີ່ ມີຄຸນນະພາບ, ດ້ວຍລາຄາທີ່ ເໝາະສົມ ແລະ ໝັ້ນທ່ຽງ, ປູກ ຈິດສຳນຶກ ແລະ ສົ່ງເສີມການ ນຳໃຊ້ຜະລິດຕະພັນທີ່ລາວຜະ ລິດ - ລາວໃຊ້ໃຫ້ກວ້າງຂວາງ ແລະ ມີຄວາມຍືນຍົງ; ຄຸ້ມຄອງ ລາຄາສິນຄ້າ ທີ່ກະທົບໄວຕໍ່ ການຜະລິດ ແລະ ຊີວິດການ ເປັນຢູ່ຂອງປະຊາຊົນ; ເອົາໃຈ ໃສ່ຄົ້ນຄວ້າໂຄງປະກອບລາ ຄາສິນຄ້າ ທີ່ເປັນທ່າແຮງຂອງ ປະເທດ ເພື່ອຫຼຸຸດຜ່ອນຕົ້ນທຶນ ການຜະລິດ, ການບໍລິການ ແລະ ສາມາດແຂ່ງຂັນໄດ້ໃນ ເງື່ອນໄຂເຊື່ອມໂຍງເສດຖະ ກິດກັບພາກພື້ນ ແລະ ສາກົນ. 2. ກອງປະຊຸມໄດ້ພິຈາ ລະນາຮັບຮອງເອົາບົດລາຍ ງານຂອງອົງການໄອຍະການ ປະຊາຊົນສູງສຸດ ກ່ຽວກັບການ ປະຕິບັດສິດສັ່ງຟ້ອງຄະດີອາ ຍາຂຶ້ນສານ ແລະ ການເຂົ້າ ຮ່ວມການດຳເນີນຄະດີແພ່ງຢູ່ ທີ່ປະຊຸມສານ ແລະ ບົດລາຍ ງານຂອງສານປະຊາຊົນສູງ ສຸດກ່ຽວກັບການດຳເນີນຄະດີ ຢູ່ສານຂັ້ນຕົ້ນ ແລະ ສານຂັ້ນ ອຸທອນໃນໄລຍະຜ່ານມາ, ທິດ ທາງປັບປຸງ ແລະ ຍົກສຸງຄຸນ ນະພາບວຽກງານໃນຊຸມປີຕໍ່ ໜ້າ. ກອງປະຊຸມສະເໜີໃຫ້ ສອງອົງການດັ່ງກ່າວຈົ່ງເອົາ ໃຈໃສ່ປັບປຸງ ກົງຈັກການຈັດ ຕັ້ງຂອງຕົນຢູ່ແຂວງ ແລະ ເມືອງໃຫ້ມີຄວາມເຂັ້ມແຂງ, ມີ ຄຸນນະພາບ, ຮັບປະກັນການ ປະຕິບັດພາລະບົດບາດ, ສິດ ໜ້າທີ່ຕາມທີ່ໄດ້ກຳນົດໄວ້ໃນ ກົດໝາຍ. ເອົາໃຈໃສ່ຄົ້ນຄວ້າ ແລະ ປະກາດໃຊ້ນິຕິກຳລຸ່ມກົດ ໝາຍ, ການສ້າງປຶ້ມຄູ່ມືແນະ ນຳທາງດ້ານວິຊາສະເພາະ ຕິດພັນກັບການຝຶກອົບຮົມ ເພື່ອຍົກລະດັບຄວາມຮູ້ທາງ ດ້ານການເມືອງແນວຄິດ, ທັດ ສະນະຫຼັກໝັ້ນ, ຈັນຍາບັນ, ຈັນຍາທຳ, ການກຳແໜ້ນວິຊາ ສະເພາະ ແລະ ກົດໝາຍໃຫ້ ແກ່ພະນັກງານໄອຍະການ ແລະ ຜູ້ພິພາກສາຂອງສານປະ ຊາຊົນໃນແຕ່ລະຂັ້ນ; ປັບປຸງ ລະບອບແບບແຜນວິທີເຮັດ ວຽກ ແລະ ກົນໄກການຕິດ ຕາມກວດກາພາຍໃນຂອງ ສອງອົງການດັ່ງກ່າວໃຫ້ເປັນ ລະບົບ ແລະ ດຳເນີນການ ກວດກາເປັນປົກກະຕິ ໂດຍ ສະເພາະແມ່ນໃນວຽກງານສັ່ງ ຟ້ອງຄະດີອາຍາຂຶ້ນສານ, ການປະຕິບັດໜ້າທີ່ຕິດຕາມ ກວດກາການດຳເນີນຄະດີ ແພ່ງຢູ່ທີ່ປະຊຸມສານຂອງເຈົ້າ ໜ້າທີ່ໄອຍະການ ກໍຄືການພິ ພາກສາຄະດີຂອງສານປະຊາ ຊົນແຕ່ລະຂັ້ນ ໃຫ້ມີຄວາມຖືກ ຕ້ອງຕາມກົດໝາຍ, ເປີດ ກວ້າງການມີສ່ວນຮ່ວມໃນ ການຕິດຕາມກວດກາຂອງສັງ ຄົມ ຕໍ່ກັບການປະຕິບັດໜ້າທີ່ ຂອງເຈົ້າໜ້າທີ່ໄອຍະການ ແລະ ສານປະຊາຊົນແຕ່ລະ ຂັ້ນ ເພື່ອແນໃສ່ເຮັດໃຫ້ກົງຈັກ ຂອງສອງອົງການດັ່ງກ່າວມີ ຄວາມເຂັ້ມແຂງ, ປອດໃສ, ຍຸ ຕິທຳ, ມີຄວາມໃກ້ຊິດ ແລະ ມີຄວາມເຂົ້າໃຈປະຊາຊົນ, ມີ ການຊ່ວຍເຫຼືອ ແລະ ຮ່ຳຮຽນ ນຳປະຊາຊົນ, ເປັນທີ່ເພິ່ງຂອງ ປະຊາຊົນໃນການປົກປ້ອງ ຄວາມຍຸຕິທຳໃນສັງຄົມ, ຮັບ ປະກັນປະຕິບັດຫຼັກການສັ່ງ ຟ້ອງຄະດີອາຍາ, ຫຼັກການໃນ ການດຳເນີນຄະດີຢູ່ສານກໍຄື ການຕິດຕາມກວດກາ, ການ ປະຕິບັດກົດໝາຍໃນການສືບ ສວນສອບສວນ, ການສັ່ງຟ້ອງ ແລະ ການດຳເນີນຄະດີຢູ່ທີ່ປະ ຊຸມສານໃຫ້ຖືກຕ້ອງຕາມກົດ ໝາຍ. ເພີ່ມທະວີການຊີ້ນຳໆ ພາຂອງອົງຄະນະພັກແຕ່ລະ ຂັ້ນຕໍ່ກັບວຽກງານໄອຍະການ ແລະ ສານປະຊາຊົນ ເພື່ອຮັບ ປະກັນເຮັດໃຫ້ວຽກງານດັ່ງ ກ່າວໄດ້ຮັບການຈັດຕັ້ງປະຕິ ບັດ ຖືກຕ້ອງຕາມກົດໝາຍ, ມີ ຄວາມຍຸຕິທຳ, ປະກອບສ່ວນ ເຂົ້າໃນການປົກປັກຮັກສາ ຄວາມສະຫງົບ ແລະ ຄວາມເປັນ ລະບຽບຮຽບຮ້ອຍໃນສັງຄົມ. 3. ກອງປະຊຸມໄດ້ພິຈາ ລະນາ ແລະ ເລືອກຕັ້ງເອົາ ທ່ານນາງ ວຽງທອງ ສີພັນດອນ ເປັນປະທານອົງການກວດ ສອບແຫ່ງລັດອີກສະໄໝໜຶ່ງ ຕາມການສະເໜີຂອງປະທານ ປະເທດ. ກອງປະຊຸມໄດ້ພິຈາລະ ນາ ແລະ ຮັບຮອງເອົາບົດສະ ຫຼຸຸບການເຄື່ອນໄຫວວຽກງານ ຂອງອົງການກວດສອບແຫ່ງ ລັດ ໃນໄລຍະ 5 ປີຜ່ານມາ ແລະ ທິດທາງແຜນການເຄື່ອນ ໄຫວວຽກງານໃນໄລຍະ 5 ປີຕໍ່ ໜ້າ (2017 - 2021). ກອງ ປະຊຸມໄດ້ສະເໜີໃຫ້ອົງການ ກວດສອບແຫ່ງລັດເອົາໃຈໃສ່ ບາງດ້ານດັ່ງນີ້: ສືບຕໍ່ປັບປຸງ ແລະ ຍົກສູງການເຄື່ອນໄຫວ ວຽກງານກວດສອບໃຫ້ມີຄຸນ ນະພາບ, ເອົາໃຈໃສ່ປະເມີນ ຜົນການປະຕິບັດກົດໝາຍງົບ ປະມານ ແລະ ກົດໝາຍທີ່ກ່ຽວ ຂ້ອງຢູ່ໃນບັນດາກະຊວງ - ອົງ ການ, ຂະແໜງການ ແລະ ອົງ ການປົກຄອງທ້ອງຖິ່ນທຸກຂັ້ນ ລວມທັງລັດວິສາຫະກິດໃນ ການຄຸ້ມຄອງ, ການນຳໃຊ້ງົບ ປະມານ ແລະ ຊັບສິນຂອງລັດ ໂດຍຜ່ານຜົນຂອງການກວດ ສອບເພື່ອສະເໜີລັດຖະບານ ມີມາດຕະການ ແລະ ວິທີການ ແກ້ໄຂຢ່າງເໝາະສົມ ແລະ ທັນເວລາ ເພື່ອເຮັດໃຫ້ການນຳ ໃຊ້ຊັບສິນຂອງລັດ ຖືກຕ້ອງ ຕາມກົດໝາຍ ແລະ ລະບຽບ ການ, ປະຢັດ, ມີຄວາມໂປ່ງ ໃສ ແລະ ສາມາດກວດໄດ້; ເອົາໃຈໃສ່ແກ້ໄຂຜົນຂອງການ ກວດສອບຕາມຂອບເຂດສິດ ທີ່ກຳນົດໄວ້ໃນກົດໝາຍ, ເພີ່ມ ທະວີການປະສານສົມທົບລະ ຫວ່າງອົງການກວດສອບແຫ່ງ ລັດກັບອົງການພາຍນອກເປັນ ຕົ້ນບັນດາກຳມາທິການຂອງ ສະພາແຫ່ງຊາດ, ອົງການ ກວດກາລັດ, ສະພາປະຊາຊົນ ຂັ້ນແຂວງ ແລະ ບັນດາເປົ້າ ໝາຍທີ່ຖືກກວດສອບ ເພື່ອຮັບ ປະກັນຄວາມເປັນເອກະພາບ ຕໍ່ຜົນການກວດສອບ ແລະ ສາມາດແກ້ໄຂຜົນການກວດ ສອບໃຫ້ມີຄວາມວ່ອງໄວ, ຊັດ ເຈນ ແລະ ມີຄວາມຖືກຕ້ອງ ຕາມກົດໝາຍ. 4. ກອງປະຊຸມໄດ້ພິຈາ ລະນາ ແລະ ຮັບຮອງເອົາການ ສະເໜີແຕ່ງຕັ້ງທ່ານ ອຳໄພ ຈິດ ມານົນ ເປັນຮອງປະທານກຳ ມາທິການກົດໝາຍຕາມການ ສະເໜີຂອງຄະນະປະຈຳສະ ພາແຫ່ງຊາດ. ກອງປະຊຸມໄດ້ຮັບຟັງ ການລາຍງານການປະຕິບັດ ໜ້າທີ່ຂອງຄະນະປະຈຳສະພາ ແຫ່ງຊາດ ລະຫວ່າງສອງກອງ ປະຊຸມ ແລະ ທິດທາງວຽກງານ 9 ເດືອນປະຈຳປີ 2017, ກອງ ປະຊຸມສະເໜີຄະນະປະຈຳສະ ພາແຫ່ງຊາດເອົາໃຈໃສ່ຊີ້ນຳ ບາງດ້ານດັ່ງນີ້: ເພີ່ມທະວີການ ຊີ້ນຳຂອງຄະນະປະຈຳສະພາ ແຫ່ງຊາດ ຕໍ່ກັບການປັບປຸງ ກົງຈັກການຈັດຕັ້ງ - ການເຄື່ອນ ໄຫວວຽກງານຂອງຄະນະສະ ມາຊິກສະພາແຫ່ງຊາດປະຈຳ ເຂດເລືອກຕັ້ງ, ສະພາປະຊາ ຊົນຂັ້ນແຂວງ ລວມທັງການ ຍົກລະດັບຄວາມຮູ້ຄວາມສາ ມາດ, ການສະໜອງງົບປະ ມານໃຫ້ແກ່ການປັບປຸງພື້ນ ຖານໂຄງລ່າງ ເພື່ອອຳນວຍ ຄວາມສະດວກແກ່ການເຄື່ອນ ໄຫວວຽກງານຂອງສະມາຊິກ ສະພາແຫ່ງຊາດ, ສະມາຊິກ ສະພາປະຊາຊົນຂັ້ນແຂວງ ແລະ ກົງຈັກການຈັດຕັ້ງໃຫ້ມີ ຄວາມສະຫງົບ, ຮັບປະກັນ ການປະຕິບັດພາລະບົດບາດ ຂອງອົງການຕົວແທນແຫ່ງສິດ ແລະ ຜົນປະໂຫຍດຂອງປະຊາ ຊົນຢູ່ຂັ້ນທ້ອງຖິ່ນໃຫ້ມີປະສິດ ທິຜົນດີຂຶ້ນ; ຄົ້ນຄວ້າ ແລະ ປະກາດໃຊ້ນິຕິກຳຮ່ວມ ວ່າ ດ້ວຍການປະສານສົມທົບວຽກ ງານລະຫວ່າງ ຄະນະປະຈຳ ສະພາແຫ່ງຊາດກັບລັດຖະ ບານ, ອົງການຍຸຕິທຳ ແລະ ປົກປ້ອງກົດໝາຍ, ອົງການ ແນວລາວສ້າງຊາດ ແລະ ອົງ ການຈັດຕັ້ງມະຫາຊົນ; ລະ ຫວ່າງສະພາແຫ່ງຊາດ ກັບສະ ພາປະຊາຊົນຂັ້ນແຂວງ ກໍຄືລະ ຫວ່າງສະພາປະຊາຊົນຂັ້ນ ແຂວງ ກັບ ອົງການປົກຄອງ ທ້ອງຖິ່ນ ແລະ ບັນດາພະແນກ ການອ້ອມຂ້າງແຂວງ, ນະ ຄອນຫຼວງ; ລວມທັງການຄົ້ນ ຄວ້າ ແລະ ປະກາດໃຊ້ນິຕິກຳ ກ່ຽວກັບລະບອບແບບແຜນລົງ ພົບປະກັບປະຊາຊົນກໍຄືການ ເກັບກຳຂໍ້ສະເໜີຂອງປະຊາ ຊົນຕໍ່ກັບການຄຸ້ມຄອງ ແລະ ບໍ ລິຫານຂອງລັດໃຫ້ມີຄວາມຈະ ແຈ້ງ ແລະ ເປັນລະບົບ. ເພີ່ມ ທະວີການປະສານສົມທົບກັບ ລັດຖະບານ ເພື່ອຊຸກຍູ້ກະຊວງ - ອົງການ, ຂະແໜງການ ແລະ ອົງການປົກຄອງທ້ອງຖິ່ນ ເອົາ ໃຈໃສ່ແກ້ໄຂຜົນການຕິດຕາມ ກວດກາບັນຫາທີ່ມີລັກສະນະ ເລັ່ງດ່ວນ ທີ່ພົວພັນເຖິງຜົນປະ ໂຫຍດສ່ວນຫຼວງຫຼາຍຂອງປະ ຊາຊົນກໍຄືການປະພຶດຂອງພະ ນັກງານລັດທີ່ລະເມີດກົດໝາຍ ແລະ ລະເມີດສິດທິອັນຊອບ ທຳຂອງພົນລະເມືອງ. 5. ກອງປະຊຸມໄດ້ພິຈາ ລະນາ ແລະ ຮັບຮອງເອົາກົດ ໝາຍ 14 ສະບັບ ໃນຂົງເຂດ ເສດຖະກິດ - ສັງຄົມ, ການ ປ້ອງກັນຊາດ - ປ້ອງກັນຄວາມ ສະຫງົບ, ການປົກຄອງ ແລະ ຍຸຕິທຳ, ອົງການຈັດຕັ້ງມະຫາ ຊົນ ແລະ ການຕ່າງປະເທດ ຊຶ່ງເປັນການເພີ່ມເຄື່ອງມືຄຸ້ມ ຄອງລັດ, ຄຸ້ມຄອງເສດຖະກິດ - ສັງຄົມໃນຂະແໜງການຕ່າງໆ ໃຫ້ມີຄວາມສົມບູນ ແລະ ຄົບ ຖ້ວນຂຶ້ນກວ່າເກົ່າ. ພ້ອມນັ້ນ, ກອງປະຊຸມຍັງໄດ້ປະກອບ ຄວາມຄິດຄວາມເຫັນຕໍ່ຮ່າງ ປະມວນກົດໝາຍແພ່ງ ຊຶ່ງເປັນ ຮ່າງກົດໝາຍທີ່ສຳຄັນໃນການ ກຳນົດການພົວພັນທາງແພ່ງ ໃນສັງຄົມ, ກອງປະຊຸມສະເໜີ ໃຫ້ລັດຖະບານຊີ້ນຳກະຊວງ, ອົງການທີ່ກ່ຽວຂ້ອງຈົ່ງໄດ້ສືບ ຕໍ່ນຳເອົາຄວາມຄິດເຫັນຂອງ ກອງປະຊຸມໄປປັບປຸງໃສ່ຮ່າງ ປະມວນກົດໝາຍແພ່ງໃຫ້ມີ ຄວາມສອດຄ່ອງ ແລະ ສົມບູນ ຂຶ້ນກວ່າເກົ່າແລ້ວນຳໄປທາບ ທາມຄວາມຄິດເຫັນຈາກອົງ ການຈັດຕັ້ງລັດ, ອົງການຈັດ ຕັ້ງມະຫາຊົນ, ອົງການຈັດຕັ້ງ ສັງຄົມ, ສະພາການຄ້າ, ນັກທຸ ລະກິດ, ນັກກົດໝາຍ ແລະ ປະຊາຊົນຢ່າງກວ້າງຂວາງ ດ້ວຍຫຼາຍຮູບການແລ້ວຈຶ່ງນຳ ມາປັບປຸງ ແລະ ສະເໜີຕາມ ຂັ້ນຕອນກ່ອນທີ່ຈະນຳເຂົ້າ ລາຍງານຕໍ່ກອງປະຊຸມສະໄໝ ສາມັນຂອງສະພາແຫ່ງຊາດ ໃນທ້າຍປີ 2018.