ເຊັນສັນຍາຮ່ວມມືການສ້າງລາຍຮັບເພື່ອພັດທະນາແມ່ຍິງ ແລະ ເດັກນ້ອຍ


...

    

ສູນກາງສະຫະພັນແມ່ຍິງ ລາວ (ສສຍລ) ແລະ ວິສາຫະ ກິດຫັດຖະກຳປະດິດຈຳປາ ລາວ ໄດ້ຈັດພິທີເຊັນສັນຍາ ຮ່ວມມືການສ້າງລາຍຮັບ ເພື່ອ ພັດທະນາແມ່ຍິງ ແລະ ເດັກ ນ້ອຍ ຂຶ້ນໃນວັນທີ 18 ກັນຍານີ້ ທີ່ສູນກາງສະຫະພັນແມ່ຍິງ ລາວ ໂດຍການລົງນາມລະຫວ່າງ ທ່ານ ນາງ ສຸດາລາ ຈັນທະ ວີທອງ ຫົວໜ້າຫ້ອງການ ສສຍລ ແລະ ທ່ານ ໄພລັດ ຈະ ເລີນທັງສົມບັດ ປະທານວິສາ ຫະກິດຫັດຖະກຳປະດິດຈຳປາ ລາວ. ໂດຍໃຫ້ກຽດເປັນສັກຂີ ພິຍານຂອງທ່ານນາງ ອິນລາ ວັນ ແກ້ວບຸນພັນ ກຳມະການ ສູນກາງພັກ ປະທານສູນກາງ ແມ່ຍິງແຫ່ງຊາດລາວ ພ້ອມ ດ້ວຍບັນດາແຂກຖືກເຊີນ ແລະ ພາກສ່ວນກ່ຽວຂ້ອງເຂົ້າຮ່ວມ. ການເຊັນສັນຍາຄັ້ງນີ້ຈຸດ ປະສົງ ແລະ ເປົ້າໝາຍແມ່ນ ການຮ່ວມມືສ້າງລາຍຮັບເພື່ອ ພັດທະນາແມ່ຍິງ ແລະ ເດັກ ນ້ອຍຢູ່ຊົນນະບົດຫ່າງໄກສອກ ຫຼີກ ທີ່ຍັງຂາດການພັດທະນາ ແລະ ສະພາບການເປັນຢູ່ໃຫ້ ມີຊີວິດດີຂຶ້ນ. ພ້ອມກັນນີ້ຍັງ ເປັນການສ້າງລາຍຮັບໃຫ້ແມ່ ຍິງຜູ້ບໍ່ມີວຽກເຮັດງານທຳໃຫ້ ມີລາຍໄດ້, ເພື່ອພັດທະນາສີມື ຂອງແມ່ຍິງລາວໃນການປະ ດິດຄິດສ້າງໃຫ້ທຽບເທົ່ານາໆ ປະເທດ ແລະ ຍັງເປັນໂອກາດ ທີ່ໄດ້ຊ່ວຍເຫຼືອ ແລະ ພັດທະ ນາແມ່ຍິງລາວຕື່ມອີກ. (ຂ່າວ: ສະຫວັນຄຳ)