ກະຊວງ ສສກ ມອບ-ຮັບໜ້າທີ່ຜູ້ບໍລິຫານລະດັບສູງ


...

    

ກະຊວງສຶກສາທິການ ແລະ ກິລາ (ສສກ) ໄດ້ຈັດພິທີ ມອບ - ຮັບໜ້າທີ່ຜູ້ບໍລິຫານລະ ດັບສູງຂອງກະຊວງສຶກສາທິ ການ ແລະ ກິລາຂຶ້ນເມື່ອທ້າຍ ອາທິດທີ່ຜ່ານມານີ້ທີ່ກະຊວງ ດັ່ງກ່າວ ໂດຍເປັນກຽດເຂົ້າ ຮ່ວມຂອງ ທ່ານ ກອງສີ ແສງ ມະນີ ຮອງລັດຖະມົນຕີກະຊວງ ສຶກສາທິການ ແລະ ກິລາ ຊຶ່ງມີ ແຂກຖືກເຊີນ ພ້ອມພາກສ່ວນ ກ່ຽວຂ້ອງເຂົ້າຮ່ວມ. ການມອບ - ຮັບໜ້າທີ່ຄັ້ງ ນີ້ ປະກອບມີຫົວໜ້າຫ້ອງການ ຫົວໜ້າກົມຈັດຕັ້ງ-ພະນັກງານ ກົມພົວພັນຕ່າງປະເທດ ກົມ ກວດກາ ກົມການເງິນ ແລະ ຜູ້ອຳນວຍການສະຖາບັນ ໃນ ນີ້ ໄດ້ແຕ່ງຕັ້ງ ທ່ານ ນາງ ຂັນ ທະລີ ສີລິພົງພັນ ເປັນຫົວໜ້າ ຫ້ອງການກະຊວງ, ທ່ານ ສີສະ ໝອນ ສິດທິຣາດວົງສາ ເປັນ ຫົວໜ້າກົມພົວພັນຕ່າງປະ ເທດ, ທ່ານ ນາງ ວຽງແກ້ວ ພົມມະວົງ ເປັນຜູ້ວ່າການກົມຈັດ ຕັ້ງພະນັກງານ, ທ່ານ ສີຊະນະ ບຸບຜາ ເປັນຫົວໜ້າກົມກວດ ກາ, ທ່ານ ນາງ ດາລາ ພະ ກອນຄຳ ເປັນຜູ້ວ່າການຫົວ ໜ້າກົມການເງິນ ແລະ ທ່ານ ຈັນສະໝຸດ ແກ້ວສຸດທາ ເປັນ ຜູ້ອຳນວຍການສະຖາບັນການ ພັດທະນາການບໍລິຫານການ ສຶກສາ ກະຊວງສຶກສາທິການ ແລະ ກິລາ. ໃນໂອກາດນີ້ ທ່ານ ກອງສີ ແສງມະນີ ກໍໄດ້ກ່າວສະແດງ ຄວາມຍ້ອງຍໍຊົມເຊີຍຕໍ່ຄະ ນະນຳດັ່ງກ່າວທີ່ໄດ້ຮັບການ ແຕ່ງຕັ້ງ ຍົກຍ້າຍໃຫ້ເຮັດໜ້າ ທີ່ໃໝ່ ພ້ອມທັງຊີ້ນຳໃນການ ເປັນແບບຢ່າງຫ້າວຫັນມີຫົວ ຄິດປະດິດສ້າງ ເພື່ອປະກອບ ສ່ວນຢ່າງຕັ້ງໜ້າເຂົ້າໃນການ ພັດທະນາວຽກງານການສຶກ ສາ ແລະ ກິລາ ໃຫ້ມີບາດກ້າວ ຂະຫຍາຍຕົວຢ່າງຕໍ່ເນື່ອງ. (ຂ່າວ: ມະລິ)