ສົ່ງເສີມການປູກເຂົ້າຄຸນນະພາບນຳໃຊ້ເຕັກໂນໂລຊີ ທັນສະໄໝ


...

       ທ່ານ ພົງສະຫວັນ ສິດທະ ວົງ ເຈົ້າແຂວງໄຊຍະບູລີ ໄດ້ລົງ ຢ້ຽມຢາມ ແລະ ຊຸກຍູ້ໂຄງການ ສົ່ງເສີມການປູກເຂົ້າຄຸນນະ ພາບ ໂດຍນຳໃຊ້ເຕັກໂນໂລຊີ ທັນສະໄໝເຂົ້າໃນການຜະລິດ ໃນວັນທີ 18 ເມສາຜ່ານມານີ້, ທີ່ສູນທົດລອງບ້ານນາໂສມ ເມືອງພຽງ ແຂວງໄຊຍະບູລີ ໂດຍການຕ້ອນຮັບ ແລະ ນຳພາ ເບິ່ງສູນທົດລອງດັ່ງກ່າວ ໂດຍ ທ່ານ ສົມຫວັງ ແກ້ວວິໄລສັກ ເຈົ້າເມືອງໆພຽງ. ທ່ານເຈົ້າແຂວງໄດ້ຮັບຟັງ ການອະທິບາຍກ່ຽວກັບເຕັກ ນິກ, ຂັ້ນຕອນໃນການບົວລະ ບັດຮັກສາເຂົ້າຄຸນນະພາບຈາກບໍລິສັດກ້າວໜ້າລາວ, ໂຄງການ ສົ່ງເສີມການປູກເຂົ້າຄຸນນະ ພາບ ໂດຍນຳໃຊ້ເຕັກໂນໂລຊີ ທັນສະໄໝເປັນໂຄງການປູກ ເຂົ້າທົດລອງໃນເນື້ອທີ່ 25 ເຮັກ ຕາ ໃນນີ້ໄດ້ປູກເຂົ້າຈ້າວພັນ ຫອມມະລິ ຈີນ ແລະ ປູກເຂົ້າ ໜຽວພັນ ເຊບັ້ງໄຟ. ປັດຈຸບັນ ແມ່ນຂັ້ນຕອນການບົວລະບັດ ຮັກສາ, ການໃສ່ຝຸ່ນ ຊຶ່ງສະກັດ ຈາກທຳມະຊາດ ໂດຍນຳໃຊ້ ອຸປະກອນທີ່ທັນສະໄໝ, ຝຸ່ນ ດັ່ງກ່າວເປັນຢາບຳລຸງຊ່ວຍໃຫ້ ຕົ້ນເຂົ້າເພີ່ມປະລິມານຂອງ ເມັດເຂົ້າໄດ້ 30%, ສະເລ່ຍ ສະມັດຖະພາບເຂົ້າແມ່ນຈະ ໃຫ້ໄດ້ 3,5-4 ໂຕນ/ເຮັກຕາ ແລະ ຄາດວ່າຈະໄດ້ເກັບກ່ຽວ ຜົນຜະລິດໃນກາງເດືອນພຶດ ສະພານີ້, ຈາກນັ້ນທ່ານເຈົ້າ ແຂວງໄດ້ສະແດງຄວາມຊົມ ເຊີຍບໍລິສັດທີ່ໄດ້ເລືອກເອົາ ເມືອງພຽງ ແຂວງໄຊຍະບູລີ ເປັນສູນທົດລອງປູກເຂົ້າໂດຍ ນຳໃຊ້ເຕັກໂນໂລຊີໃໝ່ ແລະ ຫວັງຢ່າງຍິ່ງວ່າຖ້າໂຄງການ ໄດ້ຮັບຜົນສຳເລັດແລ້ວຄົງຈະ ຈະໄດ້ຮັບການຜັນຂະຫຍາຍ ເຕັກນິກວິທີການ, ຂັ້ນຕອນ ໃຫ້ປະຊາຊົນແຕ່ລະທ້ອງຖິ່ນ ນຳໄປຈັດຕັ້ງປະຕິບັດເພື່ອໃຫ້ ປະລິມານ ແລະ ຄຸນນະພາບ ຂອງເຂົ້າໄດ້ຫຼາຍຂຶ້ນກວ່າເກົ່າ. (ຂ່າວ: ອຸ່ນເຮືອນ ໂພທິລັກ)