ຈັດສຳມະນາສື່ມວນຊົນລາວໃນຍຸກດີຈີຕອນ


...

    

ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ແລະ ສະມາຄົມນັກ ຂ່າວແຫ່ງ ສປປ ລາວ ໄດ້ຈັດ ກອງປະຊຸມສຳມະນາວິຊາ ການ ໃນຫົວຂໍ້ “ສື່ມວນຊົນ ລາວ ໃນຍຸກດີຈີຕອນ” ຂຶ້ນໃນ ວັນທີ 19 ກັນຍານີ້ ທີ່ໂຮງແຮມ ລ້ານຊ້າງ ນະຄອນຫຼວງວຽງ ຈັນ ໂດຍການເປັນປະທານ ຂອງທ່ານ ສະຫວັນຄອນ ຣາຊ ມຸນຕຣີ ຮອງລັດຖະມົນຕີກະ ຊວງ ຖວທ, ມີບັນດາຫົວໜ້າ ກົມ, ຮອງກົມ, ຫົວໜ້າອຳນວຍ ການ, ຮອງອຳນວຍການ ແລະ ພ້ອມດ້ວຍບັນດາພະແນກ ຖວທ ແຂວງ, ນັກວິຊາການ ວຽກງານເຕັກໂນໂລຊີຖະແຫຼງ ຂ່າວອ້ອມຂ້າງກະຊວງເຂົ້າຮ່ວມ. ການສຳມະນາວິຊາການ ຄັ້ງນີ້ ແມ່ນເພື່ອເຮັດໃຫ້ຜູ້ເຂົ້າ ຮ່ວມມີຄວາມເຂົ້າໃຈຢ່າງເລິກ ເຊິ່ງກ່ຽວກັບດີຈີຕອນວ່າມີ ຫຍັງ ແລະ ເປັນຫຍັງຈຶ່ງຫັນໄປ ສູ່ດີຈີຕອນ ແລະ ສື່ແບບໃໝ່ ແມ່ນນຳໃຊ້ແບບໃດດີ ຈຶ່ງຈະ ຖືກຕ້ອງເໝາະສົມ ມີປະສິດທິ ຜົນປະສິດທິພາບສູງ ຖືກຕ້ອງ ຕາມກົດໝາຍ ແລະ ລະບຽບ ບ້ານເມືອງ ລວມທັງໃຫ້ຜູ້ທີ່ ເຂົ້າຮ່ວມສາມາດເຂົ້າໃຈໄດ້ ເຖິງທ່າອ່ຽງວຽກງານຖະແຫຼງ ຂ່າວ ໃນຍຸກໃໝ່ດີຈີຕອນນີ້ ເຫັນໄດ້ການເຕີບໃຫຍ່ຂະ ຫຍາຍຕົວຢ່າງວ່ອງໄວຂອງ ເຕັກໂນໂລຊີດັ່ງກ່າວ ຊຶ່ງມີອິດ ທິພົນຢ່າງສູງໃນການພັດທະ ນາໃນວຽກງານສື່ມວນຊົນຂອງ ປະເທດເຮົາໃນຕໍ່ໜ້າ ໂດຍທີ່ ພວກເຮົາຕ້ອງໄດ້ກະກຽມຮອງ ຮັບໃນການປ່ຽນແປງຂະຫຍາຍ ຕົວຕໍ່ໜ້າໃຫ້ດີທີ່ສຸດ ແລະ ເພື່ອ ເປັນການສະເຫຼີມສະຫຼອງວັນ ສ້າງຕັ້ງສື່ມວນຊົນ ແລະ ການ ພິມຈຳໜ່າຍລາວ ຄົບຮອບ 67 ປີໃນປີນີ້ (13/8/1950-13/8/2017) ນຳອີກ. ທ່ານ ສະຫວັນຄອນ ຣາຊມຸນຕຣີ ກ່າວວ່າ: ໃນປັດຈຸ ບັນ ໂລກເຮົາໄດ້ກ້າວເຂົ້າສູ່ ຍຸກລະບົບເສດຖະກິດ-ສັງຄົມ ດີຈີຕອນ, ເຕັກໂນໂລຊີດີຈີ ຕອນ ບໍ່ເປັນພຽງເຄື່ອງມືອຳ ນວຍຄວາມສະດວກ ເພື່ອຮັບ ໃຊ້ຫ້ອງການຢ່າງດຽວອີກຕໍ່ໄປ ແລ້ວ ແຕ່ຫາກຈະເຊື່ອມສານ ເຂົ້າກັບຊີວິດຂອງມະນຸດເຮົາ ຢ່າງແທ້ຈິງ ແລະ ຈະປ່ຽນ ໂຄງສ້າງຮູບແບບກິດຈະກຳ ທາງດ້ານເສດຖະກິດ, ຂະບວນ ການຜະລິດ, ການຄ້າ, ການບໍ ລິການ ແລະ ຂະບວນການ ຂອງສັງຄົມອື່ນໆ ລວມເຖິງ ການພົວພັນລະຫວ່າງບຸກຄົນ ໄປຢ່າງສິ້ນເຊີງ ໂດຍສະເພາະ ໃນປະເທດກຸ່ມອາຊຽນຂອງ ພວກເຮົາກຳລັງເລັ່ງນຳເອົາ ເຕັກໂນໂລຊີດັ່ງກ່າວ ເພື່ອເປັນ ເຄື່ອງມືໃນການພັດທະນາປະ ເທດຂອງຕົນ ແລະ ໃຫ້ມີປະ ສິດທິພາບຢ່າງກະໂດດຂັ້ນ. ສປປ ລາວ ໄດ້ນຳໃຊ້ເຕັກ ໂນໂລຊີກະຈາຍພາບ, ກະຈາຍ ສຽງ ແລະ ເຜີຍແຜ່ຜະລິດຕະ ພັນທົ່ວປະເທດນັບແຕ່ປີ 2008 ເປັນຕົ້ນມາ ໂດຍການຮ່ວມມື ລະຫວ່າງໂທລະພາບແຫ່ງ ຊາດລາວກັບໂທລະພາບຢຸນ ນານ (ສປ ຈີນ) ສ້າງຕັ້ງບໍລິສັດ ແລະ ນຳໃຊ້ລະບົບ DTMB. ປັດຈຸບັນລະບົບດັ່ງກ່າວ ນຳໃຊ້ ຢູ່ 4 ແຂວງໃຫຍ່ຄື: ຫຼວງພະ ບາງ, ນະຄອນຫຼວງ, ສະຫວັນ ນະເຂດ ແລະ ຈຳປາສັກ. ກອງປະຊຸມມື້ນີ້ ພວກ ເຮົາໄດ້ຮັບຟັງການສັງເກດຕີ ລາຄາການພັດທະນາດີຈີຕອນ ເຕັກໂນໂລຊີ ແລະ ວິໄສທັດ ການພັດທະນາເຕັກໂນໂລຊີ ຖະແຫຼງຂ່າວ, ການກະຈາຍ ແຕ່ລະລະບົບດີຈີຕອນ ຊຶ່ງມີ ໃນໂລກປັດຈຸບັນ, ບົດຮຽນ ດ້ານການນຳໃຊ້ລະບົບດີຈີ ຕອນ DTMB ຂອງ ສປ ຈີນ ຊຶ່ງມີຫຼາຍປະເທດໄດ້ເອົານຳ ໃຊ້, ການກະຈາຍພາບຜ່ານ ທາງອິນເຕີເນັດ IPTV, ການ ເຮັດທຸລະກິດການຕະຫຼາດໃນ ໂທລະພາບລະບົບດີຈີຕອນ, ພ້ອມທັງໄດ້ຮຽນຮູ້ກ່ຽວກັບການ ນຳໃຊ້, ການຄຸ້ມຄອງສື່ແບບ ໃໝ່ໃນອິນເຕີເນັດໃຫ້ມີປະສິດ ທິພາບ ແລະ ປະສິດທິຜົນສູງ, ຖືກຕ້ອງຕາມກົດໝາຍ ແລະ ລະບຽບການ. (ຂ່າວ: ສະຫວັນຄຳ)