ຍີ່ປຸ່ນ ຊ່ວຍເຫຼືອອາຫານທ່ຽງ ໂຮງຮຽນໃນ 7 ແຂວງທົ່ວປະເທດ


...

    

ລັດຖະບານປະເທດຍີ່ປຸ່ນ ໄດ້ເຊັນສັນຍາໃຫ້ການຊ່ວຍ ເຫຼືອອາຫານທ່ຽງໃຫ້ແກ່ນັກ ຮຽນຈຳນວນ 1.450 ໂຮງຮຽນ ໃນ 32 ເມືອງເປົ້າໝາຍຢູ່ 7 ແຂວງມີ: ແຂວງຜົ້ງສາລີ, ອຸດົມໄຊ,ຫຼວງນ້ຳທາ, ຫຼວງພະ ບາງ, ສາລະວັນ, ເຊກອງ ແລະ ແຂວງອັດຕະປື ຊຶ່ງລວມມີມູນ ຄ່າປະມານ 350 ລ້ານເຢັນ (ສະກຸນເງິນຍີ່ປຸ່ນ) ຫຼື ປະມານ 3,2 ລ້ານໂດລາສະຫະລັດ ປະ ກອບມີ ປ໋ອງປາຈຳນວນ 450 ໂຕນ ແລະ ເຂົ້າສານຈ້າວ 250 ໂຕນ. ໂຄງການດັ່ງກ່າວ ຈະ ໄດ້ຈັດຕັ້ງໂດຍຜ່ານອົງການ ອາຫານໂລກ. ພິທີເຊັນມອບ-ຮັບໄດ້ຈັດ ຂຶ້ນ ໃນວັນທີ 18 ກັນຍາຜ່ານ ມານີ້ ທີ່ນະຄອນຫຼວງວຽງຈັນ ລະຫວ່າງທ່ານ ອີວາໂຣະ ໂຮຣິ ອິ (Iwaro Horii) ຮອງລັດຖະ ມົນຕີກະຊວງການຕ່າງປະເທດ ຍີ່ປຸ່ນ ກັບທ່ານ ຮາການ ທອງ ກຸນ (Hakan Tongul) ຮອງ ຜູ້ອຳນວຍການ, ຜູ້ຕາງໜ້າອົງ ການອາຫານໂລກ ປະຈຳ ສປປ ລາວ ໂດຍມີທ່ານ ບຸນ ປັນ ໄຊມົນຕີ ຫົວໜ້າກົມແຜນ ການ ກະຊວງສຶກສາທິການ ແລະ ກິລາ, ບັນດາຫົວໜ້າກົມ, ຮອງກົມ, ເອກອັກຄະລາຊະ ທູດຍີ່ປຸ່ນ ປະຈຳ ສປປ ລາວ, ພ້ອມດ້ວຍພາກສ່ວນທີ່ກ່ຽວຂ້ອງ ເຂົ້າຮ່ວມເປັນສັກຂີພິຍານ. ທ່ານ ບຸນປັນ ໄຊມົນຕີ ກ່າວວ່າ: ການລຶບລ້າງການ ຂາດອາຫານ ແມ່ນໜຶ່ງໃນບັນ ຫາທາງດ້ານນະໂຍບາຍທີ່ສຳ ຄັນຂອງ ສປປ ລາວ ທີ່ຕ້ອງ ຮັບປະກັນວ່າ: ແຜນງານເຫຼົ່ານີ້ ຖືກຈັດຕັ້ງປະຕິບັດດ້ວຍວິທີ ການທີ່ມີຄວາມຍືນຍົງ, ດ້ວຍ ການລິເລີ່ມ ແລະ ຄວາມເປັນ ເຈົ້າການຂອງຊຸມຊົນ. ການ ຊ່ວຍເຫຼືອອາຫານ ຊຶ່ງແມ່ນ ແຜນງານອາຫານທ່ຽງສຳລັບ ນັກຮຽນໃນເຂດທີ່ບໍ່ມີອາຫານ ໃນໂຮງຮຽນ ໂດຍສະເພາະ ເຂດຫ່າງໄກສອກຫຼີກຢູ່ 32 ເມືອງເປົ້າໝາຍ ແລະ 7 ແຂວງ ໃນທົ່ວປະເທດ ຊຶ່ງຈະມີຜູ້ໄດ້ ຮັບຜົນປະໂຫຍດຫຼາຍກວ່າ 62.500-140.000 ຄົນ. ທ່ານ ບຸນປັນ ໄຊມົນຕີ ກ່າວຕື່ມວ່າ: ລັດຖະບານຍີ່ປຸ່ນ ມີເປົ້າໝາຍພັດທະນາຂີດ ຄວາມສາມາດໃຫ້ປະຊາຊົນ ລາວ ໂດຍຄຽງຄູ່ກັບການໃຫ້ ທຶນການສຶກສາໃນທຸກລະດັບ ແກ່ນັກສຶກສາລາວ ເພື່ອສາ ມາດພັດທະນາເສດຖະກິດ-ສັງ ຄົມ, ການຫຼຸຸດພົ້ນຈາກຄວາມ ທຸກຍາກໃນປີ 2020.