ທ່ານ ສົມດີ ດວງດີ ສຳເລັດການຢ້ຽມຢາມລາຊະອານາຈັກກຳປູເຈຍ


...

    ໃນລະຫວ່າງວັນ 26-29 ກໍລະກົດຜ່ານມານີ້, ທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ ໄດ້ນຳພາຄະນະຜູ້ແທນ ສປປ ລາວ ຊຶ່ງມີບັນດາກົມກ່ຽວຂ້ອງ ຂອງກະຊວງການເງິນ ໄດ້ໄປ ເຄື່ອນໄຫວຢ້ຽມຢາມ ແລະ ເຮັດວຽກຢູ່ທີ່ນະຄອນຫຼວງພະ ນົມເປັນລາຊະອານາຈັກກຳ ປູເຈຍ. ໃນໄລຍະການເຄື່ອນ ໄຫວຢ້ຽມຢາມກຳປູເຈຍຄັ້ງນີ້ ທ່ານຮອງນາຍົກລັດຖະມົນຕີ ລັດຖະມົນຕີກະຊວງການເງິນ ໄດ້ພົບປະ ແລະ ເຮັດວຽກກັບ ທ່ານ ສົມເດັດ ອັກຄະມະຫາ ເສນາບໍດີ ເຕໂຈ ຮຸນເຊນ ນາ ຍົກລັດຖະມົນຕີ ແຫ່ງລາຊະ ອານາຈັກກຳປູເຈຍ, ທ່ານ ພອນໂມນີລົດ ລັດຖະມົນຕີອາ ວຸໂສ, ລັດຖະມົນຕີກະຊວງ ເສດຖະກິດ-ການເງິນ ລາຊະ ອານາຈັກກຳປູເຈຍ, ພ້ອມ ດ້ວຍພາກສ່ວນທີ່ກ່ຽວຂ້ອງ. ໃນໄລຍະຢູ່ຢ້ຽມຢາມຜູ້ ຕາງໜ້າກະຊວງເສດຖະກິດ- ການເງິນລາຊະອານາຈັກກຳປູ ເຈຍ ໄດ້ລາຍງານໂດຍສັງເຂບ ກ່ຽວກັບການພັດທະນາເສດ ຖະກິດຂອງກຳປູເຈຍ, ນະໂຍ ບາຍການເງິນ, ການຈັດຕັ້ງປະ ຕິບັດງົບປະມານ, ການນຳສະ ເໜີໂຄງການ ການປະຕິຮູບ ການເງິນງົບປະມານຂອງລັດ ແລະ ອື່ນໆ.
ຈຸດປະສົງຕົ້ນຕໍຂອງການ ໄປຢ້ຽມຢາມເຮັດວຽກຂອງ ທ່ານຮອງນາຍົກລັດຖະມົນຕີ ແລະ ບັນດາກົມກ່ຽວຂ້ອງກະ ຊວງການເງິນຄັ້ງນີ້ແມ່ນໃນ ຮອບຫຼາຍ 10 ປີ, ທັງເປັນການ ໄປແລກປ່ຽນບົດຮຽນກ່ຽວກັບ ວຽກງານຂະແໜງການເງິນ, ການປະຕິຮູບການເງິນ ສປປ ລາວ, ການປະຕິຮູບວຽກງານ ຂອງການນຳພາກະຊວງການ ເງິນ ເພື່ອຮັບປະກັນສະຖຽນ ລະພາບຂອງການຈັດເກັບ ລາຍຮັບເຂົ້າງົບປະມານໃຫ້ ເພີ່ມຂຶ້ນທຸກໆປີ, ປັບປຸງກົນໄກ ການຈັດເກັບລາຍຮັບ, ປັບປຸງ ການບໍລິຫານຂອງລັດເຮັດໃຫ້ ຜູ້ເສຍພາສີ-ອາກອນເຂົ້າໃຈ ແລະ ຈິງໃຈໃນການເສຍພັນ ທະໃຫ້ລັດຢ່າງຖືກຕ້ອງ. ຄຽງຄູ່ກັນນີ້, ຍັງໄດ້ແລກ ປ່ຽນບົດຮຽນກັບການນຳໃຊ້ ລະບົບ IT ເພື່ອໃຫ້ຜູ້ເສຍພັນ ທະເຂົ້າລັດຢ່າງໂປ່ງໃສ, ແນ ໃສ່ການຈັດເກັບລາຍຮັບເຂົ້າ ງົບປະມານໃຫ້ມີປະສິດທິ ພາບ, ເພີ່ມປະສິດທິພາບ,ໃນ ການບໍລິການ, ປັບປຸງນະໂຍ ບາຍການເມືອງຂອງລັດຖະ ບານໃນການນຳໃຊ້ງົບປະມານ ໃຫ້ຖືກຕ້ອງຕາມເປົ້າໝາຍ, ການປະຕິຮູບການເງິນຕ້ອງ ສາມາດຕອບສະໜອງກັບ ລາຍຈ່າຍຂອງປະເທດ ແລະ ຢ້ຽມຊົມສູນລະບົບຂໍ້ມູນຂ່າວ ສານຈັດການບໍລິຫານການ ເງິນຂອງກະຊວງເສດຖະກິດ-ການເງິນລາຊະອານາຈັກກຳ ປູເຈຍ.
ໃນໄລຍະການຢ້ຽມຢາມ ແລະ ເຮັດວຽກທີ່ລາຊະອານາ ຈັກກຳປູເຈຍຄັ້ງນີ້, ຮອງນາຍົກ ລັດຖະມົນຕີ ພ້ອມດ້ວຍຄະນະ ໄດ້ຕີລາຄາສູງເພາະມັນເປັນ ການແລກປ່ຽນບົດຮຽນບົນພື້ນ ຖານຂອງສອງກະຊວງການ ເງິນລາວ-ກຳປູເຈຍ, ເຫັນດີໃນ ການຮ່ວມມືຢ່າງຮອບດ້ານ ແລະ ການປະສານສົມທົບຂອງ ບັນດາກົມກ່ຽວຂ້ອງໃຫ້ມີການ ແລກປ່ຽນຢ້ຽມຢາມລະຫວ່າງ ສອງກະຊວງເປັນປົກກະຕິ.
ໃນໂອກາດດັ່ງກ່າວ ທ່ານ ຮອງລັດຖະມົນຕີ ໄດ້ສະແດງ ຄວາມປິຕິຍິນດີ ແລະ ຄວາມ ຂອບໃຈຢ່າງຈິງໃຈຕໍ່ການນຳ ແລະ ເຈົ້າໜ້າທີ່ຂັ້ນສູງຂອງກຳ ປູເຈຍທີ່ໄດ້ໃຫ້ການຕ້ອນຮັບ ຢ່າງອົບອຸ່ນ ແລະ ອຳນວຍ ຄວາມສະດວກທຸກປະການ ແກ່ການມາຢ້ຽມຢາມເຮັດວຽກ ໃນຄັ້ງນີ້ໂດຍສະແດງເຖິງຄວາມ ມຸ່ງມາດປາຖະໜາຂອງພັກ- ລັດ ແຫ່ງ ສປປ ລາວ ໃນການ ສືບຕໍ່ເສີມຂະຫຍາຍສາຍພົວ ພັນມິດຕະພາບ ແລະ ການ ຮ່ວມມືທີ່ດີຖານບ້ານໃກ້ເຮືອນ ຄຽງລະຫວ່າງປະຊາຊົນສອງ ຊາດລາວ-ກຳປູເຈຍ ໃຫ້ນັບມື້ ນັບຂະຫຍາຍຕົວຂຶ້ນຢ່າງບໍ່ຢຸດ ຢັ້ງ.
ໃນລະຫວ່າງການຢ້ຽມ ຢາມທ່ານຮອງນາຍົກລັດຖະ ມົນຕີ ຍັງໄດ້ນຳເອົາຄວາມ ຢ້ຽມຢາມຖາມຂ່າວຂອງທ່ານ ທອງລຸນ ສີສຸລິດ ນາຍົກລັດຖະ ມົນຕີ ແຫ່ງ ສປປ ລາວ ມາຍັງ ທ່ານ ສົມເດັດ ອັກຄະມະຫາ ເສນາບໍດີ ເຕໂຈ ຮຸນເຊນ ນາຍົກລັດຖະມົນຕີ ແຫ່ງລາ ຊາອານາຈັກກຳປູເຈຍ ພ້ອມ ທັງໄດ້ຊົມເຊີຍໃນການເລືອກ ຕັ້ງ, ການປະຕິຮູບຂະແໜງ ການເງິນ, ພ້ອມທັງຈະເພີ່ມທະ ວີການຮ່ວມມືຢ່າງແໜ້ນແຟ້ນ ກວ່າເກົ່າ ສປປ ລາວ-ລາຊະ ອານາຈັກກຳປູເຈຍ.
(ຂ່າວ: ກະຊວງການເງິນ)