ສະພາແຫ່ງຊາດ ປາຖະກະຖາວັນສຳຄັນຂອງຊາດ


...

    ສະພາແຫ່ງຊາດ ໄດ້ຈັດຕັ້ງ ປາຖະກະຖາວັນສຳຄັນຂອງ ຊາດຄື: ວັນເກີດຂອງທ່ານປະ ທານ ສຸພານຸວົງ ຄົບຮອບ 108 ປີ (13 ກໍລະກົດ 1909-13 ກໍ ລະກົດ 2017) ແລະ ສອງວັນ ປະຫວັດສາດລາວ-ຫວຽດນາມ ຄື: ວັນເຊັນສົນທິສັນຍາມິດຕະ ພາບ-ການຮ່ວມມືລາວ-ຫວຽດ ນາມ ຄົບຮອບ 40 ປີ (18 ກໍ ລະກົດ 1977-18 ກໍລະກົດ 2017) ແລະ ວັນສ້າງຕັ້ງສາຍພົວພັນ ການທູດລາວ-ຫວຽດນາມ ຄົບ ຮອບ 55 ປີ (5 ກັນຍາ 1962- 5 ກັນຍາ 2017) ຂຶ້ນໃນວັນທີ 31 ກໍລະກົດນີ້ ທີ່ສະໂມສອນ ຄະນະໂຄສະນາອົບຮົມສູນ ກາງພັກ ໂດຍໃຫ້ກຽດປາຖະ ກະຖາຂອງ ສະຫາຍ ພົນໂທ ແສງນວນ ໄຊຍະລາດ ຄະນະ ເລຂາທິການສູນກາງພັກ ຮອງ ປະທານສະພາແຫ່ງຊາດ ແລະ ສະຫາຍ ສົມສະຫວາດ ເລັ່ງ ສະຫວັດ ທີ່ປຶກສາຄະນະບໍລິ ຫານງານສູນກາງພັກ ດ້ານວຽກ ງານຄົ້ນຄວ້າທິດສະດີ, ພຶດຕິ ກຳຂອງພັກ ແລະ ແນວຄິດ ໄກສອນ ພົມວິຫານ ຜັດປ່ຽນ ປາຖະກະຖາ.
ໃນການປາຖະກະຖາຄັ້ງ ນີ້ ໄດ້ຍົກໃຫ້ເຫັນຊີວິດ ແລະ ການເຄື່ອນໄຫວປະຕິວັດຂອງ ປະທານ ສຸພານຸວົງ ແລະ ຜົນ ງານຄຸນງາມຄວາມດີທີ່ມີຕໍ່ ການປະຕິວັດ, ຕໍ່ປະເທດຊາດ ແລະ ຕໍ່ປະຊາຊົນລາວບັນດາ ເຜົ່າ ກໍຄືຕໍ່ປະເທດເພື່ອນມິດ ສາກົນ, ປະທານ ສຸພານຸວົງ ແມ່ນຜູ້ນຳທີ່ມີຄວາມຈົງຮັກ ພັກດີຕໍ່ອຸດົມການປະຕິວັດຢ່າງ ເດັດຂາດ, ແມ່ນຜູ້ນຳປັນຍາ ຊົນຜູ້ຍິ່ງໃຫຍ່ ເປັນເຊື້ອເຈົ້າຜູ້ ໜຶ່ງທີ່ມີນ້ຳໃຈຮັກຊາດອັນດູດ ດື່ມ, ມີນ້ຳໃຈຕໍ່ສູ້ທີ່ອາດຫານ ກ້າແກ່ນ ມີທັດສະນະຫຼັກໝັ້ນ ອັນໜັກແໜ້ນ ແລະ ນ້ຳໃຈ ເສຍສະຫຼະອັນສູງສົ່ງ ເພື່ອ ຊາດ ເພື່ອປະຊາຊົນ, ເລີ່ມ ຈາກນັກຮັກຊາດທີ່ແທ້ຈິງກາຍ ເປັນນັກປະຕິວັດທີ່ກ້າແກ່ນ, ເປັນໜຶ່ງໃນບັນດາຜູ້ນຳທີ່ດີ ເດັ່ນ ແລະ ເຄົາລົບຮັກຂອງປະ ຊາຊົນລາວບັນດາເຜົ່າ, ຈາກ ນັ້ນ ທີ່ປະຊຸມກໍໄດ້ປາຖະກະ ຖາສອງວັນປະຫວັດສາດລາວ ຫວຽດນາມ ຊຶ່ງໄດ້ຍົກໃຫ້ເຫັນ ສະພາບແວດລ້ອມແຫ່ງການ ກຳເນີດ ແລະ ເຕີບໃຫຍ່ຂະ ຫຍາຍຕົວຂອງຄວາມສາມັກ ຄີພິເສດ ແລະ ການຮ່ວມມື ຮອບດ້ານລະຫວ່າງລາວ- ຫວຽດນາມ ໃນແຕ່ລະໄລຍະ, ໝາກຜົນອັນພົ້ນເດັ່ນຂອງການ ພົວພັນມິດຕະພາບ ແລະ ການ ຮ່ວມມືລະຫວ່າງສອງປະເທດ ພ້ອມທັງສືບຕໍ່ເສີມຂະຫຍາຍ ສາຍພົວພັນມິດຕະພາບອັນ ຍິ່ງໃຫຍ່, ຄວາມສາມັກຄີພິ ເສດ ແລະ ການຮ່ວມມືຮອບ ດ້ານ ລະຫວ່າງລາວ-ຫວຽດ ນາມ ທີ່ມີມູນເຊື້ອ, ມີອຸດົມຄະ ຕິ ແລະ ຄວາມມຸ້ງມາດປາຖະ ໜາອັນດຽວກັນຄື: ຢາກມີ ຄວາມເປັນເອກະລາດ, ສັນຕິ ພາບ ແລະ ຮັ່ງມີຜາສຸກ, ປະ ຊາຊົນສອງຊາດມີມູນເຊື້ອສາ ມັກຄີຊ່ວຍເຫຼືອຊຶ່ງກັນ ແລະ ກັນ ເປັນພັນໆປີໃນການກໍ່ຕັ້ງ ແລະ ປົກປັກຮັກສາປະເທດ ຊາດຂອງໃຜລາວ, ພັກປະຊາ ຊົນ ປະຕິວັດລາວ ແລະ ພັກ ກອມມູນິດຫວຽດນາມ ມີ ຄວາມຜູກພັນສາມັກຄີ ແລະ ຊ່ວຍເຫຼືອຊຶ່ງກັນ ແລະ ກັນທີ່ ເປັນມູນເຊື້ອດີງາມມາແຕ່ດົນ ນານແລ້ວນັ້ນ ໄດ້ເພີ່ມຄວາມ ແໜ້ນແຟ້ນ ແລະ ເຕີບໃຫຍ່ ກາຍເປັນຄວາມສາມັກຄີພິ ເສດ ແລະ ການພົວພັນຮ່ວມມື ຮອບດ້ານຂອງສອງຊາດລາວ- ຫວຽດນາມ ໂດຍແມ່ນປະ ທານ ໂຮ່ຈິມິນ ແລະ ປະທານ ໄກສອນ ພົມວິຫານ, ປະທານ ສຸພານຸວົງ ເປັນຜູ້ລິເລີ່ມ, ຈາກ ນັ້ນມາ ການນຳແຕ່ລະຮຸ່ນຂອງ ສອງພັກ, ສອງລັດ ແລະ ປະ ຊາຊົນສອງປະເທດ ຕ່າງກໍໄດ້ ເອົາໃຈໃສ່ປັບປຸງເສີມຂະຫຍາຍ ໃຫ້ກາຍເປັນການພົວພັນສາ ມັກຄີອັນບໍລິສຸດຜຸດຜ່ອງທີ່ຫາ ຍາກໃນການພົວພັນສາກົນ ແລະ ກາຍເປັນມໍລະດົກອັນລ້ຳ ຄ່າຂອງສອງຊາດລາວ-ຫວຽດ ນາມໃນທຸກວັນນີ້.
(ຂ່າວ: ພູວຽງຄຳ, ພາບ: ສຸກສາຄອນ)