ທ່ານ ຈະເລີນ ເຢຍປາວເຮີ ໂອ້ລົມສະຫະກອນ ຢາງພາລາບ້ານຫາດຍາວ


...

...

    ທ່ານ ຈະເລີນ ເຢຍປາວເຮີ ລັດຖະມົນຕີປະຈຳສຳນັກງານ ນາຍົກລັດຖະມົນຕີ ພ້ອມ ດ້ວຍຄະນະ ໄດ້ລົງເຄື່ອນໄຫວ ພົບປະໂອ້ລົມກັບສະຫະກອນ ຢາງພາລາບ້ານຫາດຍາວ ເມືອງ ແລະ ແຂວງຫຼວງນ້ຳທາ ໃນວັນທີ 29 ກໍລະກົດຜ່ານມາ ນີ້ ໂດຍມີອຳນາດການປົກ ຄອງປະຊາຊົນຊາວບ້ານຫາດ ຍາວເຂົ້າຮ່ວມ.
ໂອກາດດັ່ງກ່າວ ທ່ານ ນາວ ມາລີ ຫົວໜ້າສະຫະ ກອນຢາງພາລາບ້ານຫາດຍາວ ໄດ້ລາຍງານໃຫ້ຊາບວ່າ: ບ້ານ ຫາດຍາວມີ 402 ຫຼັງຄາເຮືອນ ມີພົນລະເມືອງທັງໝົດ 1.910 ຄົນ, ຍິງ 925 ຄົນ, ປະຊາຊົນ ສ່ວນໃຫຍ່ແມ່ນມີອາຊີບປູກ ຝັງ-ລ້ຽງສັດ, ພົ້ນເດັ່ນກວ່າໝູ່ ແມ່ນການປູກຢາງພາລາ ໂດຍ ໄດ້ເລີ່ມປູກມາແຕ່ກາງປີ 1994 ເປັນຕົ້ນມາ, ເບື້ອງຕົ້ນມີເນື້ອ ທີ່ 334 ເຮັກຕາ, ຈາກນັ້ນໄດ້ ຂະຫຍາຍເພີ່ມຂຶ້ນ, ມາຮອດ ປັດຈຸບັນມີເນື້ອທີ່ປູກຢາງພາ ລາທັງໝົດ 1.242 ເຮັກຕາ, ມີຕົ້ນຢາງພາລາທັງໝົດ 560.000 ຕົ້ນ ແລະ ມີກຳລັງ ແຮງງານກີດຢາງທັງໝົດ 885 ຄົນ.
ໃນປີ 2002 ໄດ້ເລີ່ມກີດ ຢາງພາລາ ແລະ ເຫັນວ່າການ ປູກຢາງພາລາມີການຂະຫຍາຍ ຕົວ ແລະ ມີລາຍຮັບທີ່ດີ. ມາ ຮອດວັນທີ 23 ຕຸລາ 2013 ຈຶ່ງໄດ້ປະກາດເປັນສະຫະກອນ ຢາງພາລາ. ສຳລັບຮູບແບບ ຂອງສະຫະກອນຢາງພາລາ ບ້ານຫາດຍາວແມ່ນເຮັດແບບ ລວມໝູ່ ແຕ່ຈະແບ່ງໃຫ້ແຕ່ລະ ຄອບຄົວ ຫຼື ບຸກຄົນຮັບຜິດ ຊອບ ໂດຍຈະແບ່ງຕາມກຳລັງ ແຮງງານຂອງແຕ່ລະຄອບຄົວ, ສະເລ່ຍແລ້ວໃນ 1 ເຮັກຕາ ສາມາດປູກຢາງພາລາໄດ້ 450-470 ຕົ້ນ, ໃນນີ້ ຄົນໜຶ່ງ ຈະຕ້ອງໄດ້ປູກປະມານ 300 ກວ່າຕົ້ນ, ສຳລັບຮູບແບບການ ຈຳໜ່າຍແມ່ນມີພໍ່ຄ້າມາເກັບ ຊື້ ເພື່ອສົ່ງອອກຂາຍໄປ ສປ ຈີນ ໂດຍໃນໜຶ່ງເດືອນຈະມີ ການຈຳໜ່າຍເທື່ອໜຶ່ງແລ້ວ ຈຶ່ງນຳເງິນມາປັນໃຫ້ສະມາຊິກ ສະຫະກອນ ຊຶ່ງນັບແຕ່ປີ 2002 ຈົນເຖິງປັດຈຸບັນນີ້ ສະຫະກອນ ຢາງພາລາບ້ານຫາດຍາວ ສາ ມາດກີດຢາງພາລາໄດ້ທັງໝົດ 9.449 ໂຕນ, ມູນຄ່າປະມານ 76 ຕື້ກວ່າກີບ, ຄາດຄະເນວ່າ ໃນປີ 2017 ຈະສາມາດກີດ ຢາງພາລາໄດ້ທັງໝົດປະມານ 2.400 ກວ່າໂຕນ ແລະ ຈະ ຂາຍໄດ້ເງິນປະມານ 16 ຕື້ ກວ່າກີບ ລາຍໄດ້ສະເລ່ຍປະ ມານ 1.000 ໂດລາສະຫະລັດ ຕໍ່ຄົນຕໍ່ປີ.
ໃນໂອກາດນີ້, ທ່ານ ຈະ ເລີນ ເຢຍປາວເຮີ ໄດ້ສະແດງ ຄວາມຍ້ອງຍໍຊົມເຊີຍຕໍ່ໝາກ ຜົນທີ່ສະຫະກອນຢາງພາລາ ບ້ານຫາດຍາວ ຍາດມາໄດ້ ພ້ອມທັງຊີ້ນຳໃຫ້ອຳນາດການ ປົກຄອງບ້ານ ກໍຄືສະຫະກອນ ຢາງພາລາບ້ານຫາດຍາວ ຈົ່ງ ສືບຕໍ່ຮັກສາມູນເຊື້ອໃນການ ປູກຢາງພາລາຕໍ່ໄປ ແລະ ພ້ອມກັນຮັກສາຜົນງານທີ່ເຮັດ ມາໄດ້ໃນໄລຍະທີ່ຜ່ານມາ. ພ້ອມດຽວກັນນີ້ ກໍໃຫ້ເອົາໃຈ ໃສ່ສືບຕໍ່ພັດທະນາບ້ານໃຫ້ມີ ຄວາມຮຸ່ງເຮືອງສີວິໄລ, ຮັກສາ ໄດ້ຄວາມສາມັກຄີ ແລະ ຄວາມສະຫງົບປອດໄພ ເພື່ອ ກາຍເປັນຕົວແບບ ແລະ ເປັນ ແບບຢ່າງໃນການປູກ ແລະ ຜະລິດຢາງພາລາຂອງແຂວງ ຫຼວງນ້ຳທາ.