ລັດຖະມົນຕີກະຊວງການຕ່າງປະເທດ ຢ້ຽມຢາມອິນໂດເນເຊຍ


...

    ໂດຍຕອບສະໜອງຕາມ ຄຳເຊີນຂອງທ່ານ ນາງ ເລັດ ໂນ ມາຊຸດີ (Mrs. Retno L.P. Marsudi) ລັດຖະມົນຕີ ກະຊວງການຕ່າງປະເທດ ແຫ່ງ ສາທາລະນະລັດອິນໂດເນເຊຍ, ທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງ ປະເທດ ແຫ່ງ ສາທາລະນະ ລັດ ປະຊາທິປະໄຕ ປະຊາຊົນ ລາວ ພ້ອມດ້ວຍຄະນະໄດ້ເດີນ ທາງຢ້ຽມຢາມ ສ.ອິນໂດເນ ເຊຍ ຢ່າງເປັນທາງການ, ໃນ ລະຫວ່າງວັນທີ 26-28 ກໍລະ ກົດ 2017 ຊຶ່ງເປັນການຢ້ຽມ ຢາມຄັ້ງທຳອິດ ນັບແຕ່ດຳລົງ ຕຳແໜ່ງເປັນລັດຖະມົນຕີກະ ຊວງການຕ່າງປະເທດ ແຫ່ງ ສປປ ລາວ. ການຢ້ຽມຢາມຄັ້ງ ນີ້ ໄດ້ເປັນຂີດໝາຍອັນສຳຄັນ ໃນການເສີມຂະຫຍາຍ ແລະ ຮັດແໜ້ນສາຍພົວພັນມິດຕະ ພາບ ແລະ ການຮ່ວມມືອັນດີ ງາມ ທີ່ມີມາແຕ່ດົນນານລະ ຫວ່າງສອງປະເທດ ໃຫ້ນັບມື້ ນັບແໜ້ນແຟ້ນຂຶ້ນເລື້ອຍໆ ຊຶ່ງ ການຢ້ຽມຢາມຄັ້ງນີ້ ກໍພໍດີຖືກ ກັບປີຄົບຮອບ 60 ປີ ແຫ່ງ ການສ້າງຕັ້ງສາຍພົວພັນການ ທູດ ນຳກັນລະຫວ່າງ ສປປ ລາວ ແລະ ອິນໂດເນເຊຍ.
ໃນວັນທີ 27 ກໍລະກົດ ຜ່ານມາ, ທ່ານ ສະເຫຼີມໄຊ ກົມມະສິດ ໄດ້ພົບປະສອງ ຝ່າຍກັບຄູ່ຮ່ວມຕຳແໜ່ງ ທ່ານ ນາງ ເລັດໂນ ມາຊຸດີ ແລະ ສອງລັດຖະມົນຕີກະຊວງການ ຕ່າງປະເທດ ໄດ້ເປັນປະທານ ຮ່ວມໃນກອງປະຊຸມຄະນະກຳ ມະການຮ່ວມ ວ່າດ້ວຍການ ຮ່ວມມືສອງຝ່າຍ (JCBC) ລາວ-ອິນໂດເນເຊຍ ຄັ້ງທີ 5 ຊຶ່ງຈັດຂຶ້ນຢູ່ກະຊວງການຕ່າງ ປະເທດອິນໂດເນເຊຍ. ໃນໂອ ກາດນີ້ ສອງຝ່າຍໄດ້ແຈ້ງສະ ພາບການພັດທະນາເສດຖະ ກິດ-ສັງຄົມໂດຍຫຍໍ້ໃຫ້ກັນ ຊາບ, ພ້ອມທັງໄດ້ທົບທວນຄືນ ການພົວພັນຮ່ວມມືສອງຝ່າຍ ລາວ-ອິນໂດເນເຊຍ ໃນໄລຍະ ຜ່ານມາ ແລະ ປຶກສາຫາລື ກ່ຽວກັບແຜນການຮ່ວມມືໃນ ອະນາຄົດ ໂດຍສະເພາະແມ່ນ ການຮ່ວມມືທາງດ້ານການ ເມືອງ ເປັນຕົ້ນແຜນການຢ້ຽມ ຢາມ ສ.ອິນໂດເນເຊຍ ຢ່າງ ເປັນທາງການຂອງທ່ານນາຍົກ ລັດຖະມົນຕີແຫ່ງ ສປປ ລາວ ໃນທ້າຍປີ 2017, ດ້ານວຽກ ງານປ້ອງກັນຊາດ ແລະ ປ້ອງ ກັນຄວາມສະຫງົບ, ດ້ານການ ສຶກສາ, ໂທລະຄົມມະນາຄົມ ແລະ ການສື່ສານ, ດ້ານການ ຄ້າ ແລະ ການລົງທຶນ, ການ ພົວພັນດ້ານທະນາຄານ, ການ ຮ່ວມມືດ້ານໂຍທາທິການ ແລະ ຂົນສົ່ງ ແລະ ດ້ານກະສິ ກຳ ໂດຍສະເພາະການຮ່ວມມື ໃນດ້ານການຄົ້ນຄວ້າການຜະ ລິດ ແລະ ສະໜອງຝຸ່ນນຳໃຊ້ ໃນຂະແໜງກະສິກຳ. ພ້ອມ ນັ້ນ ສອງຝ່າຍເຫັນດີຈະວາງ ແຜນຂະຫຍາຍການແລກປ່ຽນ ວັດທະນະທຳ ແລະ ສົ່ງເສີມ ການທ່ອງທ່ຽວສອງຝ່າຍ.
ສຳລັບຂອບການຮ່ວມມື ຫຼາຍຝ່າຍ ທັງສອງລັດຖະມົນ ຕີ ໄດ້ຢ້ຳຄືນຄຳໝັ້ນສັນຍາທີ່ ຈະສົ່ງເສີມປະຊາຄົມອາຊຽນ ແລະ ເປົ້າໝາຍຂອງອາຊຽນ ກ່ຽວກັບການຮັກສາສັນຕິພາບ, ຄວາມໝັ້ນຄົງ ແລະ ສະຖຽນ ລະພາບຢູ່ໃນຂົງເຂດ ແລະ ໃນ ໂລກ. ນອກຈາກນັ້ນ ສອງຝ່າຍ ໄດ້ເຫັນດີທີ່ຈະສືບຕໍ່ສະໜັບ ສະໜູນຊຶ່ງກັນ ແລະ ກັນ ໃນ ການສະໝັກເຂົ້າເປັນສະມາ ຊິກ ໃນຂອບອົງການສະຫະປະ ຊາຊາດ ແລະ ອົງການສາກົນ ຕ່າງໆ, ພ້ອມທັງໄດ້ແລກປ່ຽນ ຄຳຄິດຄຳເຫັນນຳກັນກ່ຽວກັບ ສະພາບການພົ້ນເດັ່ນໃນພາກ ພື້ນ ແລະ ສາກົນ ທີ່ທັງສອງ ຝ່າຍມີຄວາມສົນໃຈຮ່ວມກັນ.
ສອງລັດຖະມົນຕີໄດ້ຕີ ລາຄາສູງຕໍ່ສາຍພົວພັນມິດຕະ ພາບອັນເປັນມູນເຊື້ອ ທີ່ມີມາ ແຕ່ດົນນານລະຫວ່າງປະຊາ ຊົນສອງຊາດ ແລະ ການຮ່ວມ ມືອັນດີງາມລະຫວ່າງສອງປະ ເທດ ທີ່ໄດ້ຮັບການພັດທະນາ ແລະ ຂະຫຍາຍຕົວດີຂຶ້ນ ເລື້ອຍໆ ຊຶ່ງເຫັນໄດ້ຈາກສອງ ປະເທດມີການແລກປ່ຽນການ ຢ້ຽມຢາມນຳກັນຢ່າງເປັນປົກ ກະຕິລະຫວ່າງຜູ້ແທນຂັ້ນສູງ ຈົນຮອດລະດັບວິຊາການໃນ ຂະແໜງການຕ່າງໆ. ພ້ອມກັນ ນັ້ນ ສອງຝ່າຍໄດ້ສະແດງ ຄວາມຊົມເຊີຍທີ່ສອງປະເທດ ໄດ້ບັນລຸການລົງນາມໃນບົດ ບັນທຶກຄວາມເຂົ້າໃຈລະຫວ່າງ ກອງທຶນປົກປ້ອງຜູ້ຝາກເງິນ, ທະນາຄານ ແຫ່ງ ສປປ ລາວ ກັບ ປະກັນໄພເງິນຝາກອິນ ໂດເນເຊຍ ໃນລະຫວ່າງວັນທີ 17-21 ກໍລະກົດ 2017 ຜ່ານ ມາ ແລະ ໄດ້ເອົາໃຈໃສ່ກະ ກຽມຈັດກິດຈະກຳຕ່າງໆເຊັ່ນ: ການແລກປ່ຽນການຢ້ຽມຢາມ ຂອງການນຳຂັ້ນສູງ, ການ ແລກປ່ຽນທາງດ້ານວັດທະນະ ທຳ, ການປາຖະກະຖາ, ການ ວາງສະແດງສິນຄ້າ ແລະ ຮູບ ພາບ ລວມທັງການຈັດໃຫ້ມີ ການພົບປະລະຫວ່າງນັກທຸລະ ກິດ ເພື່ອຈະສະເຫຼີມສະຫຼອງ ຄົບຮອບ 60 ປີ (30 ສິງຫາ 1957-30 ສິງຫາ 2017) ແຫ່ງ ການສ້າງຕັ້ງສາຍພົວພັນການ ທູດ ລະຫວ່າງ ສປປ ລາວ ແລະ ສ.ອິນໂດເນເຊຍ.
ໃນໂອກາດນີ້ ທ່ານ ສະ ເຫຼີມໄຊ ກົມມະສິດ ໄດ້ສະ ແດງຄວາມຂອບໃຈໃນການ ຕ້ອນຮັບອັນອົບອຸ່ນ ແລະ ສົມ ກຽດຕໍ່ການຢ້ຽມຢາມອິນໂດ ເນເຊຍຂອງທ່ານໃນຄັ້ງນີ້, ພ້ອມທັງໄດ້ສະແດງຄວາມ ຂອບໃຈຕໍ່ລັດຖະບານ ສ.ອິນ ໂດເນເຊຍ ທີ່ໃຫ້ການຊ່ວຍ ເຫຼືອດ້ານການພັດທະນາຊັບ ພະຍາກອນມະນຸດ ໃນຂະ ແໜງການປ້ອງກັນຊາດ ແລະ ປ້ອງກັນຄວາມສະຫງົບ, ການ ສຶກສາ, ໂທລະຄົມມະນາຄົມ ແລະ ການສື່ສານ ແລະ ຂະ ແໜງການອື່ນໆໃນໄລຍະຜ່ານ ມາ ລວມທັງການສະໜັບສະ ໜູນ ສປປ ລາວ ໃນການເປັນ ປະທານອາຊຽນ ໃນປີ 2016 ຜ່ານມາ ໃຫ້ສຳເລັດຢ່າງຈົບ ງາມ.
ໃນໂອກາດດຽວກັນ, ທ່ານ ນາງ ເລັດໂນ ມາຊຸດີ ກໍໄດ້ສະແດງຄວາມຍິນດີຕ້ອນ ຮັບຕໍ່ການຢ້ຽມຢາມ ສ.ອິນໂດ ເນເຊຍ ຂອງທ່ານລັດຖະມົນຕີ ກະຊວງການຕ່າງປະເທດ ແຫ່ງ ສປປ ລາວ ແລະ ຄະນະໃນຄັ້ງ ນີ້, ພ້ອມທັງໄດ້ສະແດງຄວາມ ຂອບໃຈລັດຖະບານ ສປປ ລາວ ຕໍ່ການສະໜັບສະໜູນ ສ.ອິນໂດເນເຊຍ ໃນການສະ ໝັກເລືອກຕັ້ງເປັນປະທານອົງ ການ ແລະ ສະມາຊິກອົງການ ຕ່າງໆໃນຂອບອົງການສະຫະ ປະຊາຊາດຂອງອິນໂດເນເຊຍ ໃນໄລຍະຜ່ານມາ.
ໃນຕອນທ້າຍຂອງກອງ ປະຊຸມ, ທ່ານ ສະເຫຼີມໄຊ ກົມມະສິດ ໄດ້ເຊື້ອເຊີນທ່ານ ລັດຖະມົນຕີກະຊວງການຕ່າງ ປະເທດອິນໂດເນເຊຍ ແລະ ຄະນະ ມາຢ້ຽມຢາມ ແລະ ເຂົ້າຮ່ວມກອງປະຊຸມຄະນະ ກຳມະການຮ່ວມ ວ່າດ້ວຍການ ຮ່ວມມືສອງຝ່າຍລາວ-ອິນໂດ ເນເຊຍ ຄັ້ງທີ 6 ທີ່ ສປປ ລາວ ໃນປີ 2019. ພາຍຫຼັງສຳເລັດການພົບ ປະ, ສອງລັດຖະມົນຕີກະຊວງ ການຕ່າງປະເທດ ກໍໄດ້ຮ່ວມ ໄຂປ້າຍກາໝາຍ 60 ປີ ແຫ່ງ ການສະເຫຼີມສະຫຼອງວັນສ້າງ ຕັ້ງສາຍພົວພັນການທູດລາວ- ອິນໂດເນເຊຍ ແລະ ໄດ້ຖະ ແຫຼງຂ່າວຮ່ວມກັນຕໍ່ສື່ມວນ ຊົນກ່ຽວກັບຜົນຂອງກອງປະ ຊຸມຄະນະກຳມະການຮ່ວມ ວ່າດ້ວຍການຮ່ວມມືສອງຝ່າຍ ລາວ-ອິນໂດເນເຊຍ ຄັ້ງທີ 5 ຢູ່ ສ.ອິນໂດເນເຊຍ ໃນຄັ້ງນີ້.
ໃນໂອກາດຢ້ຽມຢາມ ສ.ອິນໂດເນເຊຍ ໃນຄັ້ງນີ້, ທ່ານ ສະເຫຼີມໄຊ ກົມມະສິດ ແລະ ຄະນະ ຍັງໄດ້ເຂົ້າຢ້ຽມ ຂ່ຳນັບ ທ່ານ ມູຮຳມັດ ຈູຊຸບ ຄາລາ (Muhammad Jusut Kalla) ຮອງປະທານາທິບໍດີ ແຫ່ງ ສ.ອິນໂດເນເຊຍ ທີ່ທຳ ນຽບຮອງປະທານາທິບໍດີ.
ໃນ ໂອກາດນີ້, ທ່ານລັດຖະມົນຕີ ກະຊວງການຕ່າງປະເທດລາວ ໄດ້ນຳເອົາຄວາມຢື້ຢາມຖາມ ຂ່າວຈາກທ່ານ ພັນຄຳ ວິພາວັນ ຮອງປະທານປະເທດ ແລະ ທ່ານ ທອງລຸນ ສີສຸລິດ ນາຍົກ ລັດຖະມົນຕີ ແຫ່ງ ສປປ ລາວ ເຖິງທ່ານຮອງປະທານາທິບໍດີ ອິນໂດເນເຊຍ ພ້ອມທັງໄດ້ ແຈ້ງໃຫ້ຊາບກ່ຽວກັບຜົນສຳ ເລັດຂອງກອງປະຊຸມຄະນະ ກຳມະການຮ່ວມ ວ່າດ້ວຍການ ຮ່ວມມືສອງຝ່າຍລາວ-ອິນໂດ ເນເຊຍ ຄັ້ງທີ 5. ນອກຈາກນັ້ນ ທ່ານ ສະເຫຼີມໄຊ ກົມມະສິດ ແລະ ຄະນະ ຍັງໄດ້ຢ້ຽມຢາມ ສູນການສຶກສາ ແລະ ຝຶກອົບ ຮົມຂອງກະຊວງການຕ່າງປະ ເທດອິນໂດເນເຊຍ ແລະ ພົບ ປະກັບບັນດາບໍລິສັດຂອງອິນ ໂດເນເຊຍຈຳນວນໜຶ່ງ