ທຫລ ຂະຫຍາຍສາຂາພາກເໜືອທີ່ຊຽງຂວາງ


...

    ສາຂາທະນາຄານ ແຫ່ງ ສປປ ລາວ (ທຫລ) ພາກເໜືອ ແຂວງຊຽງຂວາງ ໄດ້ຈັດຕັ້ງພິ ທີໄຂສາຂາຂຶ້ນຢ່າງເປັນທາງ ການໃນວັນທີ 26 ກໍລະກົດ ຜ່ານມານີ້ ທີ່ບ້ານໂພນມີໄຊ ເມືອງແປກ ແຂວງຊຽງຂວາງ ໂດຍການໃຫ້ກຽດເຂົ້າຮ່ວມ ຂອງທ່ານ ສົມພາວ ໄຟສິດ ຜູ້ວ່າການ ທຫລ, ທ່ານ ວັນໄຊ ແພງຊຸມມາ ເຈົ້າແຂວງຫົວພັນ, ທ່ານ ບົວສອນ ສີນວນທອງ ຮອງເຈົ້າແຂວງຊຽງຂວາງ ແລະ ຜູ້ຕາງໜ້າແຂວງໄຊສົມ ບູນ, ມີແຂກຖືກເຊີນ ແລະ ພາກສ່ວນກ່ຽວຂ້ອງເຂົ້າຮ່ວມ.
ໃນພິທີ, ທ່ານ ສອນໄຊ ສິດພະໄຊ ຮອງຜູ້ວ່າການ ທຫລ ລາຍງານວ່າ: ໄລຍະຜ່ານມາ ໄດ້ສ້າງຕັ້ງສາຂາ ເພື່ອຄຸ້ມຄອງ ມະຫາພາກທາງດ້ານເງິນຕາ, ສິນເຊື່ອ, ຄຸ້ມຄອງທະນາຄານ ທຸລະກິດ ແລະ ສະຖາບັນການ ເງິນຢູ່ຂັ້ນທ້ອງຖິ່ນ ທີ່ຕົນຮັບ ຜິດຊອບປະຈຳຢູ່ແຕ່ລະພາກ ໃນນີ້ ມີ ທຫລ ສາຂາພາກ ເໜືອ ແຂວງອຸດົມໄຊ, ສາຂາ ພາກເໜືອ ແຂວງຫຼວງພະບາງ, ສາຂາພາກກາງ ແຂວງສະ ຫວັນນະເຂດ ແລະ ສາຂາ ພາກໃຕ້ ແຂວງຈຳປາສັກ ໂດຍ ເຫັນໄດ້ຄວາມຈຳເປັນໃນການ ຂະຫຍາຍວຽກງານການເງິນ- ທະນາຄານເຂົ້າສູ່ທ້ອງຖິ່ນ ເພື່ອສ້າງເງື່ອນໄຂຊຸກຍູ້ແຜນ ພັດທະນາເສດຖະກິດ-ສັງຄົມ ແລະ ຍູ້ແຮງການຈັດຕັ້ງປະຕິ ບັດວຽກງານ 3 ສ້າງໃຫ້ມີປະ ສິດທິຜົນ. ດັ່ງນັ້ນ ພັກ-ລັດ ກໍຄື ທຫລ ຈຶ່ງມີຄວາມຈຳເປັນໄດ້ ສ້າງຕັ້ງສາຂາ ທຫລ ພາກເໜືອ ແຂວງຊຽງຂວາງຂຶ້ນ ເພື່ອເປັນ ເສນາທິການໃຫ້ແກ່ຄະນະຜູ້ ວ່າການໃນການຄຸ້ມຄອງມະ ຫາພາກດ້ານເງິນຕາ ແລະ ຄຸ້ມຄອງການເຄື່ອນໄຫວວຽກ ງານການເງິນ-ການທະນາຄານ ຢູ່ແຂວງດັ່ງກ່າວ.
ສາຂາ ທຫລ ພາກເໜືອ ແຂວງຊຽງຂວາງ ປະກອບ ດ້ວຍ 7 ພະແນກຄື: ພະແນກ ຫ້ອງການ-ຈັດຕັ້ງ, ພະແນກ ກວດກາພາຍໃນ, ພະແນກຄຸ້ມ ຄອງທະນາຄານທຸລະກິດ, ພະ ແນກຄຸ້ມຄອງສະຖາບັນການ ເງິນ, ພະແນກເສດຖະກິດ-ເງິນ ຕາ ແລະ ຄຸ້ມຄອງເງິນຕາຕ່າງ ປະເທດ, ພະແນກບໍລິການ- ການບັນຊີ ແລະ ພະແນກສາງ-ຄັງເງິນສົດ ຊຶ່ງມີຫົວໜ້າສາຂາ 1 ທ່ານ ແລະ ຮອງ 2 ທ່ານ.
ໂອກາດດັ່ງກ່າວ ທ່ານຜູ້ ວ່າການ ທຫລ ໄດ້ກ່າວບາງ ຕອນວ່າ: ວຽກງານການຄຸ້ມ ຄອງທາງດ້ານການເງິນ-ເງິນ ຕາ, ຄຸ້ມຄອງບັນດາທະນາ ຄານທຸລະກິດ ແລະ ສະຖາບັນ ການເງິນ ເປັນວຽກງານໜຶ່ງທີ່ ພັກ ແລະ ລັດຖະບານ ໄດ້ເອົາ ໃຈໃສ່ເປັນພິເສດ ໂດຍສະ ເພາະວຽກງານຮັກສາສະຖຽນ ລະພາບທາງດ້ານເງິນຕາແຫ່ງ ຊາດ, ຄຸ້ມຄອງອັດຕາແລກ ປ່ຽນໃຫ້ມີຄວາມສະຫງົບ ແລະ ຮັບປະກັນການຄຸ້ມຄອງທະນາ ຄານທຸລະກິດ ແລະ ສະຖາບັນ ການເງິນໃຫ້ມີຄວາມເຂັ້ມແຂງ ແລະ ສາມາດເຄື່ອນໄຫວຮັບ ໃຊ້ສັງຄົມໄດ້ເປັນປົກກະຕິ, ຊຸກຍູ້ການໃຫ້ສິນເຊື່ອແກ່ວິສາ ຫະກິດຂະໜາດນ້ອຍ, ຂະ ໜາດກາງໃຫ້ທົ່ວເຖິງ, ຊຸກຍູ້ ສົ່ງເສີມໃຫ້ປະຊາຊົນຜູ້ທີ່ມີ ລາຍໄດ້ຕ່ຳ ສາມາດເຂົ້າເຖິງ ແຫຼ່ງທຶນໄດ້ສະດວກຍິ່ງຂຶ້ນ ຕອບສະໜອງນະໂຍບາຍຫຼຸຸດ ຜ່ອນຄວາມທຸກຍາກຂອງລັດ ຖະບານ ໂດຍສະເພາະວຽກ ງານ 3 ສ້າງ ໃຫ້ມີປະສິດທິຜົນ ດີ. ພ້ອມດຽວກັນ ທ່ານຍັງຮຽກ ຮ້ອງມາຍັງອຳນາດການປົກ ຄອງທັງ 3 ແຂວງ ຂໍໃຫ້ສືບຕໍ່ ອຸ້ມຊູຊ່ວຍເຫຼືອ, ໃຫ້ການຮ່ວມ ມືໃນດ້ານຕ່າງໆ ທີ່ຕິດພັນກັບ ການເຄື່ອນໄຫວປະຕິບັດພາ ລະບົດບາດໜ້າທີ່ຂອງສາຂາ ທຫລ ໃນການປະກອບສ່ວນ ພັດທະນາເສດຖະກິດ-ສັງຄົມ ຂອງທ້ອງຖິ່ນດັ່ງກ່າວໃຫ້ມີ ໂສມໜ້າອັນໃໝ່ທີ່ຕັ້ງໜ້າກວ່າ ເກົ່າ. (ຂ່າວ-ພາບ: ຣັດສະໝີ ດວງສັດຈະ)