ອົບຮົມທັກສະການຖ່າຍຮູບ ແລະ ບັນນາທິການຮູບຂ່າວສານ


...

    ສະຖາບັນສື່ມວນຊົນ, ວັດທະນະທຳ ແລະ ທ່ອງທ່ຽວ ກະຊວງຖະແຫຼງຂ່າວ, ວັດທະ ນະທຳ ແລະ ທ່ອງທ່ຽວ (ຖວທ) ແຫ່ງ ສປປ ລາວ ແລະ ກົມສື່ ມວນຊົນ ກະຊວງຖະແຫຼງຂ່າວ ແລະ ສື່ສານ ສສ ຫວຽດນາມ ໄດ້ຈັດຊຸດອົບຮົມ ພາຍໃຕ້ຫົວ ຂໍ້ "ທັກສະການຖ່າຍຮູບ ແລະ ບັນນາທິການຮູບຂ່າວສານໃຫ້ ແກ່ນັກຂ່າວ, ນັກຖ່າຍຮູບຂ່າວ" ຂຶ້ນ ເມື່ອວັນທີ 31 ກໍລະກົດນີ້ ທີ່ສະຖາບັນສື່ມວນຊົນ, ວັດ ທະນະທຳ ແລະ ທ່ອງທ່ຽວ ໂດຍໃຫ້ກຽດເຂົ້າຮ່ວມຂອງ ທ່ານ ສະຫວັນຄອນ ຣາຊມຸນ ຕຣີ ຮອງລັດຖະມົນຕີກະຊວງ ຖວທ, ທ່ານ ຮ່ວງ ຫວິງ ບ້າວ ຮອງລັດຖະມົນຕີກະຊວງຖະ ແຫຼງຂ່າວ ແລະ ສື່ສານ ສສ ຫວຽດນາມ ຊຶ່ງມີນັກຂ່າວສູນ ກາງ ແລະ ທ້ອງຖິ່ນເຂົ້າຮ່ວມ.
ຊຸດອົບຮົມດັ່ງກ່າວ ແມ່ນ ສືບເນື່ອງຈາກຊຸດອົບຮົມທີ່ ຜ່ານມາ ໂດຍແນໃສ່ເພື່ອເປັນ ການຍົກລະດັບຄວາມຮູ້, ຄວາມສາມາດໃຫ້ແກ່ນັກຂ່າວ, ນັກຖ່າຍຮູບຂ່າວໃຫ້ມີທັກສະ ໃນການຖ່າຍຮູບ, ຮູ້ວິເຄາະ, ວິໄຈຮູບພາບຂ່າວສານ ແລະ ຮູ້ ບັນນາທິການຢ່າງຖືກຕ້ອງ ຕາມສະພາບຄວາມເປັນຈິງ ແລ້ວ ຈຶ່ງນຳໄປອອກທາງສື່ ມວນຊົນ ແລະ ສອດຄ່ອງຕາມ ທິດທາງນະໂຍບາຍຂອງພັກ- ລັດໃນໄລຍະໃໝ່ ແລະ ເຮັດ ໃຫ້ນັກຂ່າວສື່ມວນຊົນ ທີ່ໄດ້ ເຂົ້າຮ່ວມໃນຊຸດອົບຮົມທີ່ຜ່ານ ມາ ໄດ້ຍົກລະດັບຄວາມຮູ້ ຄວາມສາມາດໃຫ້ສູງຂຶ້ນຕື່ມ ອີກບາດກ້າວໜຶ່ງ ມີຄວາມລະ ອຽດ ແລະ ເລິກເຊິ່ງກວ່າເກົ່າ ແນໃສ່ຕອບສະໜອງກັບຄວາມ ຮຽກຮ້ອງຕ້ອງການຂອງໜ້າທີ່ ວຽກງານທີ່ພັກ-ລັດ ໄດ້ມອບ ໝາຍໃຫ້ ໃຫ້ຫຼ້ອນໜ້າທີ່. ຊຸດ ອົບຮົມຄັ້ງນີ້ ຈະດຳເນີນເປັນ ເວລາ 5 ວັນຈຶ່ງຈະສຳເລັດ.