ການຕຳນິ ເປັນການປາບພະຍາດກູ້ເອົາຄົນ

    ການຕຳນິຕິຊົມຕົນເອງ ແລະ ໝູ່ເພື່ອນ ບົນຈິດໃຈຮັກ ແພງ ແລະ ກໍ່ສ້າງຊຶ່ງກັນ ແລະ ກັນຢ່າງຈິງໃຈ ເປັນແວ່ນແຍງ ອັນໃສແຈ້ງ, ເປັນແວ່ນສ່ອງເງົາ ສ່ອງເຮົາ, ສ່ອງໝູ່ເພື່ອນ ສະຫາຍ ຫຼື ເປັນມະໂຫສົດທີ່ຄອຍປ້ອງກັນ ແລະ ປິ່ນປົວພະ ຍາດແນວຄິດທີ່ຜິດເຂວ ອອກຈາກລະບຽບກົດໝາຍ, ວັດທະ ນະທຳ, ຈັນຍາບັນ-ຈັນຍາທຳ... ຫາກເວົ້າໃຫ້ຖືກແທ້ ການຕຳ ນິຕິຊົມມີຄວາມສຳຄັນ ໃນການດຳເນີນຊີວິດການເມືອງໃນ ພາກລັດ-ເອກະຊົນ ແລະ ສະຖາບັນຄອບຄົວ ຊຶ່ງວຽກນີ້ໄດ້ ກາຍເປັນໃຈກາງ ໃນການສຶກສາອົບຮົມການເມືອງ-ແນວຄິດ, ເປັນການສ້າງຄົນ, ສ້າງອົງກອນ ແລະ ບໍ່ມີມະນຸດຄົນໃດຈະ ດີເລີດທຸກຢ່າງ ໂດຍບໍ່ມີຄວາມຜິດພາດ. ຫາກຜິດແລ້ວ ແລະ ໄດ້ຮັບການຕຳນິຕິຊົມຕົນເອງ ແລະ ໝູ່ເພື່ອນ ແມ່ນເປັນສິ່ງ ທີ່ດີທີ່ສຸດ ເພື່ອປ່ຽນແປງຕົນເອງໄປສູ່ຄວາມກ້າວໜ້າ.
ໃນການຕຳນິຊຶ່ງກັນ ແລະ ກັນ, ກ່ອນຈະຕຳນິໝູ່ ກໍຕ້ອງຕຳ ນິຕົນເອງກ່ອນ, ທາງທີ່ດີບໍ່ຄວນຕຳນິຄົນອື່ນແບບລັບຫຼັງ ເພາະ ມັນເປັນວິທີການທີ່ບໍ່ສົມເຫດສົມຜົນ ຫຼື ເວົ້າໃຫ້ຖືກແທ້ເປັນການຈົ່ມຂວັນ. ການຕຳນິຕິຊົມຕົນເອງ ກໍ ຕ້ອງມີການກັ່ນກອງ ແຕ່ບໍ່ແມ່ນເປັນການກັ່ນແກ້ງ ຫຼື ໂຄ່ນລົ້ມ ໂຈມຕີ ແນໃສ່ປົດປ່ອຍຄວາມຄິດ ແລະ ພຶດຕິກຳທີ່ບໍ່ຖືກຕ້ອງ ຮັບປະກັນເຮັດສຳເລັດໜ້າທີ່ວຽກງານ, ດັ່ງທີ່ພະນັກງານປະຕິ ວັດຮຸ່ນກ່ອນທີ່ເຄີຍສັ່ງສອນໄວ້ວ່າ: ຂີ້ໝິ່ນໝໍ້ທາໜ້າບໍ່ຮູ້ ຖ້າໝູ່ບໍ່ ບອກ, ແຕ່ບັນຫານີ້ ພະນັກງານຮຸ່ນໃໝ່ ຄວນໃສ່ໃຈເຮັດຢ່າງ ໃດບົວບໍ່ໃຫ້ຊ້ຳ ນ້ຳບໍ່ໃຫ້ຂຸ່ນ ໃຫ້ທຸກຄົນມີການຫັນປ່ຽນໄປສູ່ ສິ່ງທີ່ດີກວ່າ, ຖ້າເຮັດບໍ່ດີ ບັນຫາແຮງຈະເພີ່ມຂຶ້ນ, ສຳລັບວຽກ ນີ້ ສະໄໝສົງຄາມເພິ່ນຖືສຳຄັນຫຼາຍ ໃນການດຳເນີນຊີວິດ ການເມືອງ ແມ່ນໄດ້ຈິງໃຈຕຳນິຕົນເອງ ແລະ ໝູ່ສະຫາຍ ຈົນ ເຮັດໃຫ້ຜູ້ຖືກຕຳນິນ້ຳຕາໄຫຼ ແລະ ຍ້ອນຮູ້ຄຸນງາມຄວາມດີ ຂອງການຈັດຕັ້ງ, ຂອງໝູ່ທີ່ຈິງໃຈຊ່ວຍເຫຼືອ ກໍ່ສ້າງ, ສຸດທ້າຍກໍ ປ່ຽນແປງ ກາຍເປັນອ້າຍນ້ອງກອດຄໍກັນຈັບປືນໄລ່ຕີສັດຕູຈົນ ມີໄຊ.
ເຖິງຢ່າງໃດກໍຕາມ ບັນຫາການຕຳນິຕິຊົມຍັງມີຄຸນຄ່າ ເປັນສິ່ງຈຳເປັນສຳລັບພະນັກງານ, ທະຫານ, ຕຳຫຼວດ ແລະ ທຸກພາກສ່ວນ, ນັບທັງສະຖາບັນຄອບຄົວທີ່ເປັນຈຸລັງຂອງ ສັງຄົມ ໂດຍສະເພາະໃນຍຸກກົນໄກເສດຖະກິດຕະຫຼາດ ມັນ ຍິ່ງເລັ່ງທວງໃຫ້ຖັນແຖວພະນັກງານ ເພີ່ມທະວີການເມືອງ ແນວຄິດໃຫ້ສູງຂຶ້ນ ຊຶ່ງໃນປັດຈຸບັນກໍຢູ່ໃນທ່າມກາງບັ້ນດຳເນີນຊີວິດການເມືອງປັບປຸງປົວແປງພັກ ນັບແຕ່ຂັ້ນເທິງລົງ ຮອດຂັ້ນລຸ່ມ, ເຮັດຢ່າງຕັ້ງໜ້າ, ຊອກໃຫ້ໄດ້ຜົນງານທີ່ພົ້ນເດັ່ນ ຊອກໃຫ້ເຫັນຂໍ້ຄົງຄ້າງ ແລ້ວແກ້ໄຂຢ່າງທັນການ, ແຕ່ສິ່ງສຳ ຄັນຕ້ອງສ້າງຂະບວນການໃຫ້ເກີດຂຶ້ນ ມີວຽກດີຄົນເດັ່ນບໍ່ເຮັດ ແບບມ້າມແປະພຸງ, ໃນການລາຍງານຕ້ອງເປັນຈິງ ຢ່າລາຍ ງານແບບດອກໄມ້, ພ້ອມນັ້ນ ກໍຕັ້ງໜ້າຕຳນິກໍ່ສ້າງຢ່າງເອົາຈິງ ເອົາຈັງ, ຕຳນິໃຫ້ຖືກບ່ອນຜິດ ເກົາໃຫ້ຖືກບ່ອນຄັນ, ບໍ່ປົກປ້ອງ ຜູ້ກະທຳຜິດ ຕ້ອງກ້າຫານປາບພະຍາດກູ້ເອົາຄົນ ຢ່າຄິດວ່າ: ຕຳນິນາຍ ພາຍຖົງໜີ ຫຼື ຕຳນິນາຍ ຕາຍທັງຢືນ ຖ້າມີກໍແມ່ນ ກະໂຕຜູ້ກະທຳຜິດຫັ້ນລະຊິຕາຍທັງຢືນ ຍ້ອນຂັ້ນເທິງລົງໂທດ ເພາະທຸກຄົນຢູ່ພາຍໃຕ້ກົດໝາຍດຽວກັນ.
ການຕຳນິຕິຊົມ ເນື້ອແທ້ແມ່ນການຂູດເກົາເຜົາລ້າງເອົາ ຈຸດອ່ອນ-ຂໍ້ຄົງຄ້າງ, ສິ່ງທີ່ກະທຳຜິດທີ່ເກີດຂຶ້ນໃນຕົວບຸກຄົນ ແລະ ອົງກອນໃຫ້ໝົດໄປ, ເມື່ອເປັນເຊັ່ນນັ້ນ ໃນສະພາບການ ໃໝ່ ມັນຈຶ່ງເລັ່ງທວງໃຫ້ທຸກຄົນໃນສັງຄົມ ຕ້ອງຍອມຮັບເອົາ ການຕຳນິກໍ່ສ້າງຢ່າງຈິງໃຈ ເຮັດໃຫ້ພະນັກງານມີຄຸນທາດການ ເມືອງໜັກແໜ້ນ ດຳລົງຊີວິດຢ່າງປອດໃສ, ມີຄວາມຈົງຮັກພັກ ດີ ແລະ ເຊື່ອໝັ້ນຢ່າງຕາຍໃຈ ຕໍ່ການນຳພາຂອງພັກ, ເປັນ ແບບຢ່າງໃນການປະຕິບັດໜ້າທີ່, ມີຄວາມຊື່ສັດໂປ່ງໃສ, ມີ ນ້ຳໃຈປະຢັດ, ມີຄວາມອົດທົນ ແລະ ນັບຖືກົດລະບຽບຂອງ ອົງກອນ-ກົດໝາຍບ້ານເມືອງ ແລະ ໄດ້ກາຍເປັນມູນເຊື້ອ ເປັນ ໜຶ່ງໃນຫົວບົດ ຂອງບັ້ນດຳເນີນຊີວິດການເມືອງປັບປຸງປົວແປງ ທົ່ວພັກ ເພື່ອເສີມຂະຫຍາຍມູນເຊື້ອ, ຜົນງານດ້ານດີຂອງພັກ ໃນໄລຍະຜ່ານມາ, ແກ້ໄຂຈຸດອ່ອນ, ຂໍ້ບົກຜ່ອງສິ່ງທ້າທາຍທົດ ສອບ ໃຫ້ມີການຫັນປ່ຽນໃໝ່ທີ່ຕັ້ງໜ້າດ້ວຍຈິດໃຈບຸກທະລຸ, ສ້າງຄວາມເປັນແບບຢ່າງ, ສ້າງຄວາມເປັນເອກະພາບ ແລະ ຄວາມຕັດສິນໃຈສູງຂອງທົ່ວພັກ ໃນການກຳນົດທິດທາງມາດ ຕະການແກ້ໄຂຕົວຈິງ ແຕ່ເທິງລົງລຸ່ມ ເດັດດ່ຽວປົກປັກຮັກສາ ແລະ ພັດທະນາປະເທດຊາດ ກ້າວຂຶ້ນສູ່ຈຸດໝາຍສັງຄົມນິຍົມ ຢ່າງໜັກແໜ້ນ.
(ໂດຍ: ຣັດສະໝີ ດວງສັດຈະ)