ລາວ-ຈີນ ລົງນາມໃນສັນຍາການປູກມອນ-ລ້ຽງມ້ອນ


...

    

ອີງຕາມບົດບັນທຶກລະຫວ່າງ ກະຊວງວິທະຍາສາດ ແລະ ເຕັກໂນໂລຊີ ສປປ ລາວ ແລະ ມະຫາວິທະຍາໄລ ຊູໂຈວ ສປ ຈີນ ເຫັນດີເປັນເອກະພາບ ຮ່ວມມືດ້ານການພັດທະນາຂະ ແໜງການປູກມອນ - ລ້ຽງ ມ້ອນ ເປັນອຸດສາຫະກຳ ແລະ ທັນສະໄໝ ແລະ ເປີດປ້າຍສ້າງ ສູນວິໄຈການປູກມອນ - ລ້ຽງ ມ້ອນ, ວັນທີ 29 ພະຈິກ ທີ່ ຜ່ານມາ ໄດ້ມີພິທີເຊັນສັນຍາ ຮ່ວມມືຂຶ້ນທີ່ໂຮງແຮມແລນ ມາກ ນະຄອນຫຼວງວຽງຈັນ. ຕາງໜ້າໃຫ້ກັບກະຊວງ ວິທະຍາສາດ ແລະ ເຕັກໂນ ໂລຊີ ລົງນາມໂດຍ ທ່ານ ລັດ ສະໝີ ພັນທະວົງ ຮັກສາການ ຫົວໜ້າສະຖາບັນນິເວດວິທະ ຍາ ແລະ ເຕັກໂນໂລຊີຊີວະ ພາບ ກະຊວງວິທະຍາສາດ ແລະ ເຕັກໂນໂລຊີ: ທ່ານ ລູ່ຈຽນເມີຍ ຮອງອະທິການບໍດີ ມະຫາວິທະຍາໄລ ຊູໂຈວ ສປ ຈີນ ໂດຍການເຂົ້າຮ່ວມເປັນ ສັກຂີພິຍານຂອງທ່ານ ບໍ່ວຽງ ຄຳ ວົງດາລາ ກຳມະການສູນ ກາງພັກ ລັດຖະມົນຕີກະຊວງ ວິທະຍາສາດ ແລະ ເຕັກໂນໂລ ຊີ, ທ່ານ ນາງແກ້ວສາຍໃຈ ໄຊຍະສອນ ພັນລະຍາອະດີດ ປະທານປະເທດ, ພ້ອມດ້ວຍ ແຂກທີ່ຖືກເຊີນ. ສຳລັບການກໍ່ສ້າງບ່ອນ ບໍລິການສວນສາທິດການປູກ ມອນ - ລ້ຽງມ້ອນ ແມ່ນສ້າງຢູ່ ສວນສາທິດຂອງບໍລິສັດ ສອງ ມືນາງ ແລະ ສວນການຝືກອົບ ຮົມພະນັກງານ ແມ່ນຢູ່ມະຫາ ວິທະຍາໄລຊູໂຈວ ສປປ ລາວ, ສ້າງຕັ້ງສູນສົ່ງເສີມສຳເລັດໃຊ້ ເວລາ 2 ປີ, ແນະນຳ ແລະ ດຶງ ດູດບັນດານັກທຸລະກິດໃຫຍ່ ຂອງ ສປ. ຈີນ ເຂົ້າຮ່ວມໃນ ການກໍ່ສ້າງພື້ນຖານໂຄງລ່າງ ທີ່ມີມູນຄ່າປະມານ 2.100.000 ໂດລາ ທຶນດັ່ງກ່າວ ຮັບຜິດຊອບໂດຍ ພາກລັດ ຂອງນະຄອນຊູໂຈວ, ສະຖາ ບັນຄົ້ນຄ້ວາເຕັກນິກອຸດສາຫະ ກຳແຂວງ ຈຽງຊູ ແລະ ລັດຖະ ບານລາວ. (ຂ່າວ: ແສງຈັນ )