ກອງປະຊຸມຊີ້ນຳ ແລະ ຊຸກຍູ້ວຽກງານ3 ສ້າງ


...

    

ກະຊວງພະລັງງານ ແລະ ບໍ່ແຮ່ໄດ້ຈັດກອງປະຊຸມຊີ້ນຳ ແລະ ຊຸກຍູ້ວຽກງານທີ່ຕິດພັນ ກັບວຽກງານ 3 ສ້າງ, ບັນດາ ໂຄງການໄຟຟ້າຂອງຂະແໜງ ພະລັງງານ ແລະ ບໍ່ແຮ່ຂຶ້ນໃນ ວັນທີ 29 ພະຈິກຜ່ານມານີ້ ທີ່ແຂວງຈຳປາສັກ ໂດຍການ ເປັນປະທານຂອງທ່ານ ຄຳມະ ນີ ອິນທິລາດ ລັດຖະມົນຕີກະ ຊວງພະລັງງານ ແລະ ບໍ່ແຮ່, ທ່ານ ບຸນຖອງ ດີວິໄຊ ເຈົ້າ ແຂວງຈຳປາສັກ, ມີບັນດາຫົວ ໜ້າກົມ, ຮອງກົມ, ພະແນກ ການທີ່ກ່ຽວຂ້ອງເຂົ້າຮ່ວມ. ກອງປະຊຸມໃນຄັ້ງນີ້ບັນ ດາຜູ້ເຂົ້າຮ່ວມໄດ້ປຶກສາຫາລື, ແລກປ່ຽນຄຳຄິດຄຳເຫັນເຂົ້າ ໃນວຽກງານພະລັງງານ ແລະ ບໍ່ແຮ່ເພື່ອເຮັດໃຫ້ວຽກງານ ມີບາດກ້າວບຸກທະລຸເປັນ ກ້າວໆ, ພ້ອມທັງສົ່ງເສີມຊຸກຍູ້ ວຽກງານ 3 ສ້າງທີ່ຕິດພັນກັບ ຂະແໜງພະລັງງານ ແລະ ບໍ່ແຮ່ໃຫ້ປາກົດຜົນເປັນຈິງ ຕາມລະດັບຄາດໝາຍຢ່າງ ໜັກແໜ້ນຊຶ່ງວຽກງານທີ່ສຳ ຄັນໃນບັນດາແຂວງພາກໃຕ້ ປະກອບມີ 4 ໂຄງການສຳຄັນ ຕົ້ນຕໍຄື: ໂຄງການເຂື່ອນໄຟ ຟ້າເຊປຽນ - ເຊນ້ຳນ້ອຍ, ເຂື່ອນ ໄຟຟ້ານ້ຳກົງ 2, ເຂື່ອນໄຟຟ້າ ເຊຂະໝານ 1 ແລະ ເຂື່ອນໄຟ ຟ້າດອນສະໂຮງທີ່ເປັນ 4 ໂຄງ ການທີ່ມີຄວາມໝາຍຄວາມ ສຳຄັນໃນການພັດທະນາເສດ ຖະກິດ - ສັງຄົມຂອງ ສປປ ລາວ ທັງນີ້ກໍເພື່ອເປັນການສ້າງ ລາຍຮັບໃຫ້ລັດຖະບານແຫ່ງ ສປປ ລາວ ໃນອະນາຄົດ, ພ້ອມດຽວກັນກໍເປັນການສົ່ງ ເສີມວຽກເຮັດງານທຳໃຫ້ແກ່ ປະຊາຊົນໃນເຂດພັດທະນາ ຂອງໂຄງການລວມເຖິງການ ປະກອບສ່ວນແກ້ໄຂຄວາມ ທຸກຍາກໃຫ້ແກ່ປະຊາຊົນໄດ້ ອີກທາງໜຶ່ງ. ໃນທີ່ປະຊຸມທ່ານ ຄຳມະ ນີ ອິນທິລາດ ໄດ້ກ່າວບາງ ຕອນສຳຄັນວ່າ: ຕະຫຼອດໄລ ຍະ 40 ກວ່າປີແຫ່ງການດຳ ເນີນພາລະກິດປົກປັກຮັກສາ ແລະ ສ້າງສາພັດທະນາປະ ເທດຊາດ ພາຍໃຕ້ການນຳພາ ຂອງພັກ, ປະເທດຂອງພວກ ເຮົາໄດ້ຮັບການພັດທະນາ ຫຼາຍດ້ານໃຫ້ຂະຫຍາຍຕົວທີ່ ຕໍ່ເນື່ອງ ແລະ ໝັ້ນທ່ຽງ, ເວົ້າ ສະເພາະໃນຊຸມປີມໍ່ໆມານີ້ ການພັດທະນາດ້ານເສດຖະ ກິດແຫ່ງຊາດໄດ້ສືບຕໍ່ຂະ ຫຍາຍຕົວດ້ວຍຈັ່ງຫວະທີ່ໄວ ຊຶ່ງໂດຍສະເລ່ຍ 7-8% ຕໍ່ປີ, ໃນນັ້ນລວມຍອດຜະລິດຕະ ພັນຂອງຂະແໜງພະລັງງານ ເພີ່ມຂຶ້ນປະມານ 9,22% ກວມເອົາປະມານ 12% ຂອງ ຍອດຜະລິດຕະພັນພາຍໃນ, ມາຮອດປັດຈຸບັນອຸດສາຫະກຳ ໄຟຟ້າ ແລະ ບໍ່ແຮ່ໄດ້ກາຍ ເປັນພື້ນຖານທີ່ສຳຄັນໃນລະ ບົບເສດຖະກິດແຫ່ງຊາດ, ສະ ເພາະຄວາມຕ້ອງການດ້ານ ພະລັງງານເພີ່ມຂຶ້ນສະເລ່ຍ 10-15% ຕໍ່ປີ. ສປປ ລາວ ໄດ້ກຳນົດ ເອົາການພັດທະນາແຫຼ່ງຜະ ລິດພະລັງງານໄຟຟ້າດ້ວຍ ການນຳໃຊ້ແຫຼ່ງນ້ຳທຳມະ ຊາດ ຊຶ່ງແມ່ນທ່າແຮງທີ່ສຳຄັນ ຂອງປະເທດ ແນໃສ່ຈັດສັນ ແລະ ນຳໃຊ້ຊັບພະຍາກອນທຳ ມະຊາດໃຫ້ມີປະສິດທິຜົນສູງ ຕາມທິດພັດທະນາແບບເປັນ ມິດກັບສິ່ງແວດລ້ອມ ແລະ ມີລັກສະນະຍືນຍົງ, ປັດຈຸບັນ ສປປ ລາວ ມີເຂື່ອນຜະລິດພະ ລັງງານໄຟຟ້າທັງໝົດ 47 ແຫ່ງ ດ້ວຍກຳລັງຕິດຕັ້ງທັງໝົດ 6.465 ເມກາວັດ ແລະ ສາ ມາດຜະລິດພະລັງງານໄຟຟ້າ ໄດ້ເຖິງ 35.120 ກິກະວັດໂມງ ຕໍ່ປີ, ນອກຈາກນີ້ພວກເຮົາຍັງ ມີແຫຼ່ງຜະລິດພະລັງງານໄຟ ຟ້າອີກ 53 ແຫ່ງ ທີ່ມີກຳລັງ ຕິດຕັ້ງທັງໝົດ 6.597 ເມກາ ວັດ ແລະ ສາມາດຜະລິດພະລັງ ງານໄຟຟ້າໄດ້ເຖິງ 31.824 ກິກະວັດໂມງຕໍ່ປີ ຊຶ່ງຢູ່ໃນໄລ ຍະພວມລົງມືກໍ່ສ້າງ ແລະ ກຳລັງຈະລົງມືກໍ່ສ້າງ ໂດຍຄາດ ຄະເນວ່າບັນດາໂຄງການທັງ ໝົດຈະສຳເລັດ ໃນສົກປີ 2020-2021 ທີ່ຈະມາເຖິງນີ້ ແລະ ໃນເວລານັ້ນ ສປປ ລາວ ຈະມີແຫຼ່ງຜະລິດພະລັງ ງານໄຟຟ້າທັງໝົດຈຳນວນ 100 ແຫ່ງ ມີກຳລັງຕິດຕັ້ງທັງ ໝົດປະມານ 13.062 ເມກາ ວັດ ແລະ ມີກຳລັງຜະລິດ ທັງໝົດປະມານ 66.944 ກິກະວັດໂມງຕໍ່ປີ, ໃນນັ້ນ ປະ ມານ 85% ຄາດວ່າຈະສົ່ງ ອອກໄປຈຳໜ່າຍຢູ່ຕ່າງປະ ເທດ, ນອກຈາກນີ້ຢູ່ບັນດາ ແຂວງຊາຍແດນຂອງລາວຍັງ ມີການເຊື່ອມລະບົບຕາຂ່າຍ 22 ກິໂລໂວນ ເພື່ອຊື້ - ຂາຍ, ແລກປ່ຽນພະລັງງານຮ່ວມກັນ ກັບປະເທດໃກ້ຄຽງອີກດ້ວຍ, ພິເສດອີກອັນໜຶ່ງພວກເຮົາໄດ້ ສຳເລັດການເຊັນສັນຍາຊື້ - ຂາຍພະລັງງານກັບປະເທດມາ ເລເຊຍ 100 ກິໂລວັດໂດຍ ຜ່ານປະເທດໄທ ແລະ ຄາດ ວ່າຈະສົ່ງຂາຍພະລັງງານໃນ ຕົ້ນປີ 2018 ນີ້. (ຂ່າວ - ພາບ: ສຸກສາຄອນ)