ສານປະຊາຊົນສູງສຸດ ປາຖະກະຖາວັນເດັກນ້ອຍສາກົນ


...

    ສານປະຊາຊົນສູງສຸດໄດ້ ຈັດຕັ້ງປາຖະກະຖາວັນເດັກ ນ້ອຍສາກົນ, ວັນປູກຕົ້ນໄມ້ ແຫ່ງ ຊາດ 1 ມີຖຸນາ ແລະ ວັນລຶບ ລ້າງການໃຊ້ແຮງງານເດັກ 12 ມີຖຸນາ ຂຶ້ນເມື່ອວັນ ທີ 31 ພຶດ ສະພານີ້ ທີ່ສານພາກກາງໂດຍ ການໃຫ້ກຽດປາຖະກະຖາຂອງ ທ່ານ ຄຳພັນ ສິດທິດຳພາ ກຳມະການສູນກາງພັກ ປະ ທານສານປະຊາຊົນສູງສຸດ ຊຶ່ງມີບັນດາພະນັກງານສານ ດັ່ງກ່າວ ແລະ ສານພາກກາງ ເຂົ້າຮ່ວມ. ການປາຖະກະຖາໃນຄັ້ງ ນີ້, ທ່ານ ຄຳພັນ ສິດທິດຳພາ ໄດ້ຫວນຄືນປະຫວັດຄວາມ ເປັນມາຂອງວັນເດັກສາກົນ ຊຶ່ງໄດ້ຍົກໃຫ້ເຫັນວ່າ: ວັນທີ 1 ມີຖຸນາ ແມ່ນເລີ່ມໃນປີ 1924 ກອງປະຊຸມສະມັດຊາໃຫຍ່ຂອງ ສັນນິບາດນາໆຊາດ ໃນວັນທີ 16 ກັນຍາ 1924 ໄດ້ຮັບຮອງ ເອົາຖະແຫຼງການເຊີແນວກ່ຽວ ກັບສິດຂອງເດັກເປັນຄັ້ງທຳ ອິດ ຊຶ່ງໄດ້ປະກາດວ່າ: ເດັກ ນ້ອຍມີຄວາມຕ້ອງການໃຫ້ມີ ການປ້ອງກັນ ແລະ ດູແລເບິ່ງ ແຍງເປັນພິເສດລວມທັງການ ປົກປ້ອງທີ່ເໝາະສົມທາງດ້ານ ກົດໝາຍກ່ອນເກີດ ແລະ ຫຼັງ ເກີດ ຍ້ອນວ່າເດັກຍັງບໍ່ທັນມີ ວຸດທິພາວະທີ່ຄົບຖ້ວນທາງ ດ້ານຮ່າງກາຍ ແລະ ຈິດໃຈ. ໃນ ປີຕໍ່ມາກອງປະຊຸມໂລກ ເພື່ອ ຄວາມເປັນຢູ່ທີ່ດີຂອງເດັກຄັ້ງ ທຳອິດຈັດຂຶ້ນທີ່ປະເທດສະວິດ ໃນວັນທີ 1 ມີຖຸນາ 1925ແລະ ໄດ້ປະກາດເອົາວັນທີ 1 ມີຖຸນາ ເປັນວັນເດັກນ້ອຍສາກົນ. ນັບ ແຕ່ມື້ນັ້ນມາວັນເດັກນ້ອຍ ສາກົນໄດ້ຮັບການສະເຫຼີມສະ ຫຼອງຢູ່ໃນຫຼາຍປະເທດທົ່ວ ໂລກລວມທັງ ສປປ ລາວ. ພ້ອມກັນນີ້, ທ່ານຍັງໄດ້ ຍົກໃຫ້ເຫັນວັນສາກົນລຶບລ້າງ ການໃຊ້ແຮງງານເດັກ 12 ມີຖຸ ນາ ຊຶ່ງເປັນວັນທີ່ອົງການແຮງ ງານສາກົນທີ່ເປັນອົງການເຄືອ ຂ່າຍສະຫະປະຊາຊາດ ໄດ້ ປະກາດໃນປີ 2002 ໃຫ້ຖືເອົາ ວັນທີ 12 ມີຖຸນາ ຂອງແຕ່ລະ ປີເປັນວັນຕ້ານການໃຊ້ແຮງ ງານເດັກໃນທຸກຮູບແບບ ແລະ ໄດ້ຮຽກຮ້ອງໃຫ້ບັນດາປະເທດ ສະມາຊິກຂອງອົງການແຮງ ງານສາກົນໃຫ້ສັດຕະຍາບັນ ຊຶ່ງ ສປປ ລາວ ກໍໄດ້ໃຫ້ສັດຕະ ຍາບັນໃນວັນທີ 13 ມີຖຸນາ 2005. ນອກຈາກນີ້, ທ່ານຍັງ ໄດ້ຫວນຄືນປະຫວັດຄວາມ ເປັນມາຂອງວັນປູກຕົ້ນໄມ້ ແຫ່ງຊາດ ໂດຍໄດ້ຍົກໃຫ້ເຫັນ ຄວາມເປັນມາ, ຄວາມໝາຍ ຄວາມສຳຄັນຂອງວັນປູກຕົ້ນ ໄມ້ແຫ່ງຊາດ, ສະພາບການ ປູກໄມ້ຂອງປະເທດເຮົາໃນໄລ ຍະຜ່ານມາ ແລະ ທິດທາງໃນ ຕໍ່ໜ້າ. ໂອກາດດັ່ງກ່າວ ປະທານ ສານປະຊາຊົນສູງສຸດຍັງໄດ້ ແຈກຢາຍເຂົ້າໜົມ ແລະ ຂອງ ຂວັນໃຫ້ແກ່ຫຼານນ້ອຍພະນັກ ງານ ໂດຍຜ່ານຜູ້ປົກຄອງ. ໂອກາດດຽວກັນນີ້, ທີ່ສານ ປະຊາຊົນພາກກາງ ທ່ານປະ ທານສານປະຊາຊົນສູງສຸດ ແລະ ພະນັກງານຍັງໄດ້ຮ່ວມກັນປູກ ຕົ້ນໄມ້ ເພື່ອເຮັດໃຫ້ສຳນັກງານ ສານພາກກາງມີຄວາມຂຽວ ງາມ, ຮົມເຢັນມີອາກາດບໍລິ ສຸດ ຊຶ່ງຕົ້ນໄມ້ທີ່ນຳມາປູກຄັ້ງນີ້ ລວມມີຕົ້ນໄມ້ປະດັບ ແລະ ຕົ້ນ ໄມ້ອຸດສາຫະກຳຈຳນວນໜຶ່ງ.