ໄຂກອງປະຊຸມຄະນະປະຈຳ ສນຊ ເປີດກວ້າງ ຄັ້ງທີ 2 ສະໄໝທີ X


...

     ສູນກາງແນວສ້າງຊາດ ໄດ້ດຳເນີນກອງປະຊຸມຄະນະ ປະຈຳສູນກາງແນວລາວສ້າງ ຊາດ (ສນຊ) ເປີດກວ້າງຄັ້ງທີ 2 ສະໄໝທີ X ຂຶ້ນເມື່ອວັນທີ 2 ຕຸລານີ້, ທີ່ສູນກາງແນວລາວສ້າງ ຊາດ, ໂດຍພາຍໃຕ້ການເປັນ ປະທານຂອງທ່ານ ໄຊສົມພອນ ພົມວິຫານ ກຳມະການກົມ ການເມືອງສູນກາງພັກ ປະທານ ສູນກາງແນວລາວສ້າງຊາດ ຜູ້ ຊີ້ນຳວຽກງານອົງການຈັດຕັ້ງ ມະຫາຊົນ, ມີບັນດາຮອງປະ ທານ ສນຊ, ບັນດາຄະນະປະ ຈຳພັກແຂວງ, ປະທານແນວ ລາວສ້າງຊາດແຂວງ-ນະຄອນ ຫຼວງເຂົ້າຮ່ວມ. ໃນພິທີ ທ່ານ ໄຊສົມພອນ ພົມວິຫານ ກ່າວໄຂກອງປະ ຊຸມວ່າ: ກອງປະຊຸມຄັ້ງນີ້ມີລັກສະນະວິຊາການມີຄວາມ ໝາຍສຳຄັນຈັດຂຶ້ນ ເພື່ອເປັນ ການສະຫຼຸຸບຕີລາຄາການຈັດ ຕັ້ງປະຕິບັດວຽກງານຂອງຄະ ນະປະຈຳ ສນຊ ໃນໄລຍະໜຶ່ງ ປີຜ່ານມາ ແລະ ວາງທິດທາງ ແຜນການໃນຕໍ່ໜ້າ, ເພື່ອຄົ້ນ ຄວ້າ, ປຶກສາຫາລືປະກອບຄຳ ຄິດຄຳເຫັນຕໍ່ເນື້ອໃນຮ່າງກົດ ໝາຍວ່າດ້ວຍແນວລາວສ້າງ ຊາດ, ຄຳແນະນຳການສ້າງຂະ ບວນການສະເຫຼີມສະຫຼອງວັນ ສ້າງຕັ້ງແນວລາວສ້າງຊາດ ຄົບຮອບ 70 ປີ ແລະ ບົດປະ ກອບຄຳເຫັນຂອງອົງການຈັດ ຕັ້ງມະຫາຊົນຕໍ່ກອງປະຊຸມສະ ໄໝສາມັນເທື່ອທີ 4 ຂອງສະ ພາແຫ່ງຊາດ ຊຸດທີ VIII ແລະ ບັນຫາສຳຄັນອື່ນໆ ເພື່ອຄວາມ ເປັນເອກະພາບ ແລະ ກ້າວໄປ ເຖິງການຈັດຕັ້ງປະຕິບັດຕົວຈິງ ເຊັ່ນ: ຮັບຟັງລາຍງານບົດສະ ຫຼຸຸບການເຄື່ອນໄຫວຂອງຄະນະ ປະຈຳສູນກາງແນວລາວສ້າງ ຊາດ ໃນສົກປີ 2016-2017 ແລະ ທິດທາງການເຄື່ອນໄຫວ ສົກ ປີ 2017-2018, ຮັບຟັງລາຍງານ ສະພາບວຽກງານສາສະໜາຢູ່ ສປປ ລາວ ໃນໄລຍະ 1ປີທີ່ ຜ່ານມາ, ແນວຄວາມຄິດກ່ຽວ ກັບການແກ້ໄຂຄວາມທຸກຍາກ ຕິດພັນກັບການສ້າງຄອບຄົວ ແລະ ບ້ານສາມັກຄີປອງດອງ ທົ່ວປວງຊົນ, ຟັງລາຍງານການ ຈັດຕັ້ງປະຕິບັດວຽກງານຂອງ ຄະນະທີ່ປຶກສາວຽກງານຄົນ ເຊື້ອຊາດລາວຢູ່ຕ່າງປະເທດ ແລະ ຄະນະທີ່ປຶກສາສາສະໜາ ຂອງສູນກາງແນວລາວສ້າງ ຊາດ, ປະກອບຄຳເຫັນຕໍ່ຮ່າງ ບົດຄຳເຫັນຂອງສູນກາງແນວ ລາວສ້າງຊາດ ແລະ ອົງການ ຈັດຕັ້ງມະຫາຊົນຕໍ່ກອງປະຊຸມ ສະໄໝສາມັນເທື່ອທີ 4 ຂອງ ສະພາແຫ່ງຊາດຊຸດທີ VIII, ໃນ ກອງປະຊຸມຍັງໄດ້ຮ່າງຄຳແນະ ນຳກ່ຽວກັບການສ້າງຂະບວນ ການຕ້ອນຮັບວັນສ້າງຕັ້ງແນວ ລາວສ້າງຊາດ ຄົບຮອບ 70 ປີ, ຮ່າງກົດໝາຍແນວລາວສ້າງ ຊາດ (ສະບັບປັບປຸງ), ຟັງການ ສະເໜີຄຳແນະນຳກ່ຽວກັບ ການຈັດຕັ້ງຜັນຂະຫຍາຍວຽກ ງານພົວພັນຕ່າງປະເທດຂອງ ແນວລາວສ້າງຊາດ. ທ່ານ ໄຊສົມພອນ ພົມວິ ຫານ ໄດ້ກ່າວໃຫ້ຮູ້ຕື່ມວ່າ: ກອງ ປະຊຸມຄະນະປະຈຳສູນກາງ ແນວລາວສ້າງຊາດ ເປີດກວ້າງ ຄັ້ງນີ້ ມີຄວາມໝາຍສຳຄັນໃນ ການພິຈາລະນາ, ປຶກສາຫາລື ແລະ ເປັນເອກະພາບຕໍ່ເນື້ອໃນ ເພື່ອພ້ອມກັນຈັດຕັ້ງປະຕິບັດ ໃນຕໍ່ໜ້າ. (ຂ່າວ: ພູວັນ)