ລັດຖະມົນຕີ ປທສ ເຂົ້າຮ່ວມກອງປະຊຸມ ໄອທີຢູ


...

     ທ່ານ ທັນສະໄໝ ກົມມະ ສິດ ລັດຖະມົນຕີກະຊວງ ໄປ ສະນີ, ໂທລະຄົມມະນາຄົມ ແລະ ການສື່ສານ (ປທສ) ພ້ອມ ດ້ວຍຄະນະໄດ້ເດີນທາງເຂົ້າ ຮ່ວມກອງປະຊຸມ 2017 ໂທລະ ຄົມ ໂລກ ຫຼື ITU Telecom World 2017 ທີ່ເມືອງບູຊານ ສ.ເກົາຫຼີ, ໃນລະຫວ່າງວັນທີ 24-28 ກັນຍາ 2017 ນີ້. ກອງປະຊຸມດັ່ງກ່າວໄດ້ ຈັດຂຶ້ນໂດຍ ສະຫະພາບໂທລະ ຄົມມະນາຄົມສາກົນ ຫຼື ITU ຊຶ່ງເປັນຜູ້ທີ່ຮັບຜິດຊອບກ່ຽວ ກັບມາດຕະຖານດ້ານໂທລະ ຄົມ ແລະ ວຽກງານສົ່ງເສີມໂທ ລະຄົມມະນາຄົມ ຫຼື ICT ສາກົນ, ງານ ITU Telecom World ແມ່ນໄດ້ຈັດຂຶ້ນທຸກໆ ປີ. ພ້ອມນີ້, ຍັງມີງານວາງສະ ແດງດ້ານ ICT ເພື່ອເປັນ ເວທີໃຫ້ກັບບັນດາກະຊວງ ແລະ ອົງກາລັດຖະບານ, ຜູ້ວາງ ນະໂຍບາຍຂະແໜງ ICT, ຜູ້ປະກອບການຂະແໜງການ ICT ແລະ ສະຕາດອັບ (ICT StarUp) ຕ່າງໆໄດ້ມາພົບປະ ກັນຜ່ານກອງປະຊຸມສຳມະນາ ແລະ ງານວາງສະແດງ. ນອກ ນັ້ນ, ຍັງເປັນເວທີ ໃນການສ້າງ ໂອກາດອັນດີໃນການຮ່ວມມື, ການລົງທຶນຮ່ວມກັນ ແລະ ແລກປ່ຽນບົດຮຽນລະຫວ່າງ ພາກພື້ນ ແລະ ສາກົນ. ຊຶ່ງໃນ ງານວາງສະແດງຄັ້ງນີ້ ໄດ້ມີ ຫຼາຍກວ່າ 450 ບູດ ວາງສະ ແດງທີ່ມາຈາກພາກສ່ວນລັດ ຖະບານ ແລະ ເອກະຊົນຈາກ ທົ່ວໂລກ ໂດຍສະເພາະຈາກ ບັນດາປະເທດອາຊຽນ ແລະ ອາຟຣິກກາ ແລະ ມີຜູ້ເຂົ້າຮ່ວມ ຊົມງານຫຼາຍກວ່າ 9.000 ຄົນ. ກອງປະຊຸມຄັ້ງນີ້ ແມ່ນ ໄດ້ປຶກສາຫາລືກ່ຽວກັບເຕັກ ໂນໂລຊີທີ່ກຳລັງໂດດເດັ່ນ ໃນ ປັດຈຸບັນເຊັ່ນ: ລະບົບປັນຍາ ປະດິດ (Artificial Intelligence -AI), ການສື່ສານຄວາມໄວສູງ (5G) ແລະ ການຫັນເປັນລະ ບົບດີຈີຕອນທີ່ທັນສະໄໝ (Smart Digital Transfomation) ຊຶ່ງເປັນເຕັກໂນໂລຊີ ທີ່ກຳລັງຂັບເຄື່ອນເສດຖະກິດ ໂລກ ໃນທຸກຂະແໜງການ. ໃນໂອກາດນີ້, ທ່ານລັດ ຖະມົນຕີກະຊວງ ປທສ ພ້ອມ ດ້ວຍຄະນະຍັງໄດ້ເຂົ້າຮ່ວມ ກອງປະຊຸມສຳມະນາລະດັບ ສາກົນ, ກອງປະຊຸມສຸດຍອດ ຜູ້ນຳຂະແໜງ ICT, ກອງ ປະຊຸມໂຕະມົນຄະນະລັດຖະ ມົນຕີ ICT ແລະ ກອງປະຊຸມ ແລກປ່ຽນບົດຮຽນການຄຸ້ມ ຄອງ, ພັດທະນາ ແລະ ສົ່ງເສີມ ດ້ານ ICT ລະຫວ່າງຂົງເຂດ ອາຊີ-ປາຊີຟິກ, ຊຶ່ງຈຸດປະສົງ ຂອງກອງປະຊຸມໄດ້ສຸມໃສ່ວິ ທີການໃນການຮ່ວມມື, ໜ້າທີ່ ຂອງລັດຖະບານໃນການຄຸ້ມ ຄອງ ແລະ ພັດທະນາເສດຖະ ກິດດີຈີຕອນ (Digital Economy), ການແລກປ່ຽນບົດຮຽນ ວິທີການຄຸ້ມຄອງ ແລະ ດັດສົມ, ການຄຸ້ມຄອງ ແລະ ສົ່ງເສີມ ການນຳໃຊ້ AI ແລະ 5G ເພື່ອ ສົ່ງເສີມໃຫ້ວຽກງານທຸກຂະ ແໜງການຂະຫຍາຍຕົວ, ປະ ຢັດງົບປະມານ ແລະ ເພີ່ມມູນ ຄ່າຂອງຜະລິດຕະພັນໃຫ້ສູງ ຂຶ້ນ, ພ້ອມທັງ ກາລະໂອກາດ ແລະ ສິ່ງທ້າທາຍຕ່າງໆ. ນອກ ຈາກນັ້ນ, ທ່ານລັດຖະມົນຕີ ພ້ອມດ້ວຍຄະນະ ກໍໄດ້ເຂົ້າຊົມ ງານວາງສະແດງ ແລະ ໄດ້ລົງ ຢ້ຽມຢາມບັນດາຮ້ານວາງສະ ແດງຂອງປະເທດອາຊີ ແລະ ອາຟຣິກກາ, ບໍລິສັດ ຜູ້ໃຫ້ບໍລິ ການດ້ານ ICT ແຖວໜ້າຂອງ ໂລກ ເປັນຕົ້ນບໍລິສັດ Korea Tetecom (KT), ບໍລິສັດ Samsung, ບໍລິສັດ Huawei ແລະ ອື່ນໆ. ພ້ອມທັງ, ເປັນໂອກາດອັນດີຂອງ ສປປ ລາວ ກໍຄືກະຊວງ ປທສ ເພື່ອຮຽນຮູ້ບັນດາເຕັກໂນ ໂລຊີໃໝ່ໆດ້ານ ICT ຂອງ ພາກພື້ນ ແລະ ສາກົນ ທີ່ໄດ້ ປຶກສາຫາລືແນວທາງການ ຮ່ວມມືໃນການພັດທະນາບຸກ ຄະລາກອນ ແລະ ເຕັກໂນ ໂລຊີ ອິນເຕີເນັດຄວາມໄວສູງ ຂອງ ສປປ ລາວ ເພື່ອພັດທະ ນາດ້ານ ICT ຂອງລາວ ແລະ ສົ່ງເສີມໃຫ້ຕ່າງປະເທດເຂົ້າ ມາລົງທຶນ ແລະ ພັດທະນາດ້ານ ICT ຢູ່ລາວ ໃນອະນາຄົດ ໂດຍ ສະເພາະທິດທາງພັດທະນາ ໂຄງລ່າງພື້ນຖານທີ່ເປັນອັນ ຂັບເຄື່ອນໄປສູ່ທັນສະໄໝ ເຊັ່ນ: ການກຳນົດນະໂຍບາຍ ແລະ ລະບຽບການເພື່ອຮອງຮັບ ການພັດທະນາເສດຖະກິດດີຈີ ຕອນ (ເສດຖະກິດຍຸກທີ 4). (ຂ່າວ: ກົມໄອທີ, ປທສ)