ທູດ ຣັດເຊຍ ປະດັບຫຼຽນໄຊມິດຕະພາບໃຫ້ທ່ານ ນາງ ປານີ ຢາທໍ່ຕູ້


...

       ທ່ານ ມີຄາອິນ ບາ ຣານນົບ ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສະຫະພັນຣັດເຊຍ ປະຈຳລາວ ໄດ້ຈັດພິທີປະດັບຫຼຽນໄຊມິດ ຕະພາບ ໃຫ້ທ່ານ ນາງ ປານີ ຢາທໍ່ຕູ້ ປະທານສະພາແຫ່ງ ຊາດ, ໃນວັນທີ 3 ເມສານີ້, ທີ່ ສະຖານທູດຣັດເຊຍ ປະຈຳ ນະຄອນຫຼວງວຽງຈັນ. ເປັນກຽດໃນພິທີມີ ທ່ານ ບໍ່ວຽງຄຳ ວົງດາລາ ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ, ທ່ານ ແສງເພັດ ຮຸ່ງບຸນຍວງ ຮອງລັດຖະມົນຕີກະຊວງການຕ່າງປະເທດ, ມີ ບັນດາທ່ານແຂກທີ່ຖືກເຊີນ ພ້ອມດ້ວຍພະນັກງານທັງສອງ ຝ່າຍເຂົ້າຮ່ວມ. ທ່ານ ນາງ ປານີ ຢາທໍ່ຕູ້ ໄດ້ກ່າວວ່າ: ຂ້າພະເຈົ້າດີໃຈ ຫຼາຍທີ່ໄດ້ຮັບຫຼຽນໄຊມິດຕະ ພາບຈາກປະທານາທິບໍດີ ປູຕິນ ແຫ່ງຣັດເຊຍ ໃນບັ້ນປະ ກອບສ່ວນທາງດ້ານການເມືອງ ຊຶ່ງຖືວ່າ ເປັນກຽດອັນສູງສົ່ງ, ເປັນກຽດແກ່ສະພາ, ພັກ ແລະ ລັດຖະບານ ກໍຄື ປະຊາຊົນ ລາວ ທີ່ໄດ້ປະກອບສ່ວນເຂົ້າ ໃນສາຍພົວພັນ ແຫ່ງການພົວ ພັນຮ່ວມມືລະຫວ່າງສອງຊາດ ລາວ - ຣັດເຊຍ, ເຖິງວ່າ: ຂ້າ ພະເຈົ້າບໍ່ໄດ້ໄປສຶກສາຢູ່ປະ ເທດຣັດເຊຍ ກໍຕາມແຕ່ຍາມໃດ ຂ້າພະເຈົ້າກໍມີຄວາມຮັກປະ ເທດຣັດເຊຍ ໃນປັດຈຸບັນ ກໍຄື ໃນເມື່ອກ່ອນ ຊິ່ງໃນເມື່ອກ່ອນ ປະເທດຣັດເຊຍເປັນປະເທດ ວິລະຊົນທີ່ຍິ່ງໃຫຍ່ຍາດເອົາ ສັນຕິພາບມາໃຫ້ບັນດາປະ ເທດຕ່າງໆໃນໂລກ, ຍ້ອນມີ ມູນເຊື້ອ ແລະ ຄວາມສາມັກຄີ ທີ່ຍາວນານ ພັກ ແລະ ລັດຖະ ບານ ກໍຄືປະຊາຊົນລາວ - ຣັດ ເຊຍ ຈຶ່ງເພີ່ມພູນຄູນສ້າງສາຍ ພົວພັນນັ້ນໃຫ້ຍືນຍົງຕະຫຼອດ ມາ ແລະ ໃນໂອກາດດັ່ງກ່າວ ທ່ານ ນາງ ປານີ ຢາທໍ່ຕູ້ ກໍໄດ້ ຂອບໃຈລັດຖະບານຣັດເຊຍ ກໍ ຄື ລັດຖະສະພາຣັດເຊຍ ແລະ ສະຖານທູດຣັດເຊຍ ປະຈຳ ລາວ ທີ່ໄດ້ຈັດພິທີປະດັບ ຫຼຽນໄຊມິດຕະພາບໃນຄັ້ງນີ້, ຂ້າພະເຈົ້າຂໍອວຍພອນໃຫ້ກັບ ສາຍພົວພັນມິດຕະພາບການ ຮ່ວມມືຍຸດທະສາດຮອບດ້ານ ລະຫວ່າງ ລາວ - ຣັດເຊຍ ຈົ່ງໝັ້ນຄົງຂະໜົງແກ່ນຕະ ຫຼອດໄປ. (ຂ່າວ: ແສງຈັນ)