ໄຂແລ້ວງານວາງສະແດງສິນຄ້າເຟີນີເຈີ ຄັ້ງທີ 2 ປະຈຳປີ 2017


...

       ງານວາງສະແດງສິນ ຄ້າເຟີນີເຈີ ຄັ້ງທີ 2 ປະຈຳປີ 2017 ໄດ້ໄຂຂຶ້ນຢ່າງເປັນ ທາງການໃນຕອນແລງວັນທີ 3 ເມສານີ້ທີ່ສູນການຄ້າລາວ - ໄອເຕັກ ຈົນຮອດວັນທີ 9 ເມ ສານີ້ ຊຶ່ງມີ 118 ຫ້ອງວາງສະ ແດງ ໃນນັ້ນຈາກຕ່າງແຂວງມີ 13 ຫົວໜ່ວຍທຸລະກິດ ນອກ ຈາກວາງສະແດງສິນຄ້າເຟີນີ ເຈີແລ້ວພາຍໃນງານຍັງມີກິດ ຈະກຳການສາທິດການແກະສະຫຼັກ ໄມ້ເສດເຫຼືອ, ກິດຈະກຳການ ແຂ່ງຂັນຮ້ອງເພງ, ກິດຈະກຳ ແຂ່ງຂັນດົນຕີເຕັມວົງ, ກິດຈະ ກຳປະກວດຊຸດປີໃໝ່ລາວຂອງ ຫຼານນ້ອຍຊັ້ນອະນຸບານ, ຊັ້ນ ປະຖົມ. ງານວາງສະແດງສິນຄ້າ ເຟີນີເຈີຈັດຂຶ້ນເພື່ອເປັນການ ຈັດຕັ້ງປະຕິບັດ ແລະ ຜັນຂະ ຫຍາຍຕາມເນື້ອໃນຈິດໃຈ ຂອງຂັ້ນເທິງວາງອອກໃຫ້ປະ ກົດຜົນເປັນຈິງໄປເທື່ອລະ ກ້າວ, ເພື່ອເປັນການອະນຸລັກ ຮັກສາປ່າໄມ້, ການນຳໃຊ້ໄມ້ ໃຫ້ເກີດປະໂຫຍດສູງສຸດ ແລະ ມີໄມ້ໄວ້ໃຊ້ຢ່າງຍືນຍົງ ໂດຍ ການປຸງແຕ່ງໃຫ້ເປັນຜະລິດ ຕະພັນສຳເລັດຮູບມາຈາກໄມ້, ຫວາຍ ແລະ ໄມ້ປ່ອງໃຫ້ມີ ຫຼາກຫຼາຍຜະລິດຕະພັນຕາມ ທີ່ສັງຄົມປັດຈຸບັນຕ້ອງການ ແລະ ເປັນທີ່ນິຍົມກັນຢູ່ດ້ວຍ ການນຳໃຊ້ເຕັກໂນໂລຊີທີ່ທັນ ສະໄໝ ແລະ ທັງເປັນການສ້າງ ມູນຄ່າເພີ່ມໃຫ້ກັບຜະລິດຕະ ພັນເຟີນີເຈີໄມ້ລາວໃຫ້ກາຍ ເປັນສິນຄ້າທີ່ມີຄຸນນະພາບ ແລະ ລາຄາສູງຕາມຄວາມ ຕ້ອງການຂອງລູກຄ້າ ແລະ ຕະ ຫຼາດ ເຮັດໃຫ້ສາມາດສົ່ງອອກ ຕ່າງປະເທດໄດ້, ຍັງເປັນການ ສ້າງວຽກເຮັດງານທຳໃຫ້ກັບ ປະຊາຊົນບັນດາເຜົ່າ, ຕ້ານໄພ ວ່າງງານ ແລະ ຊ່ວຍໃຫ້ຫຼຸຸດ ພົ້ນຈາກຄວາມທຸກຍາກຕື່ມ ອີກໃນອະນາຄົດ, ເພື່ອໃຫ້ສັງ ຄົມໄດ້ຮູ້ຈັກກັບຜະລິດຕະພັນ ເຟີນີເຈີໄມ້ລາວຫຼາຍຂຶ້ນ ແລະ ກວ້າງຂວາງໄປເລື້ອຍໆ, ເພື່ອ ສົ່ງເສີມ ແລະ ສ້າງຄວາມເຂັ້ມ ແຂງໃຫ້ກັບສີໄມ້ລາຍມືຂອງ ຄົນລາວເຮົາ ແລະ ຫົວໜ່ວຍທຸ ລະກິດເຟີນີເຈີໄມ້ລາວໃຫ້ຂະ ຫຍາຍຕົວ ແລະ ສາມາດເຂົ້າ ສູ່ຕະຫຼາດພາກພື້ນ ແລະ ສາ ກົນໄດ້ໃນອະນາຄົດຂ້າງໜ້າ, ເພື່ອສືບຕໍ່ຈາກການຈັດງານ ວາງສະແດງເຟີນີເຈີວຽງຈັນ ຄັ້ງທີ 1 ທີ່ຜ່ານໃຫ້ຕໍ່ເນື່ອງ. ເຂົ້າຮ່ວມໄຂງານວາງສະ ແດງສິນຄ້າເຟີນີເຈີ ຄັ້ງທີ 2 ປະຈຳປີ 2017 ນີ້ມີທ່ານ ສົມ ຫວັງ ນິນທະວົງ ຫົວໜ້າກົມສົ່ງ ເສີມການຄ້າ ກະຊວງອຸດສາ ຫະກຳ ແລະ ການຄ້າ, ມີທ່ານ ຮອງປະທານສະພາການຄ້າ ແລະ ອຸດສາຫະກຳແຫ່ງຊາດ ລາວ, ມີຫົວໜ້າພະແນກທີ່ກ່ຽວ ຂ້ອງຂອງນະຄອນຫຼວງວຽງ ຈັນ ພ້ອມດ້ວຍປະທານສະມາ ຄົມເຟີນີເຈີລາວ. (ຂ່າວ: ພູວຽງຄຳ)