ມອບລາງວັນໂຄງການປະກວດແຕ້ມຮູບ ລົດໂຕໂຍຕ້າ ໃນຝັນ ປະຈຳປີ


...

       ວັນທີ 1 ເມສານີ້, ທີ່ ສູນການຄ້າວຽງຈັນເຊັນເຕີ ບໍລິສັດ ໂຕໂຍຕ້າ ມໍເຕີ ປະເທດ ໄທ ຈຳກັດ ໄດ້ຈັດໃຫ້ມີພິທີ ມອບ - ຮັບລາງວັນລະດັບປະ ເທດຈາກໂຄງການປະກວດ ແຕ້ມຮູບໃນຫົວຂໍ້ "ລົດໂຕໂຍ ຕ້າ ໃນຝັນຂອງຂ້ອຍ" ປະຈຳປີ 2017 ຂຶ້ນເພື່ອເປັນການສົ່ງ ເສີມການສຶກສາໃຫ້ກັບເຍົາວະ ຊົນລາວ ໂດຍການເຂົ້າຮ່ວມ ເປັນປະທານຂອງ ທ່ານ ຄຳຜ່າຍ ສີສະຫວັນ ຮອງລັດຖະມົນຕີ ກະຊວງສຶກສາທິການ ແລະ ກິລາ ແລະ ທ່ານ ປະກອນ ວົງ ວິທະຍາພິຣົມ ປະທານຝ່າຍ ປະຕິບັດການສາຍງານຍ່ອຍ ເຂດພູມມີພາກແມ່ນ້ຳຂອງ ບໍລິສັດ ໂຕໂຍຕ້າ ມໍເຕີ ປະເທດ ໄທ ຈຳກັດ ພ້ອມດ້ວຍຕົວແທນ ຈຳໜ່າຍໂຕໂຍຕ້າ ໃນ ສປປ ລາວ ຄະນະກຳມະການບັນດາ ຄູ - ອາຈານ - ນັກຮຽນ ພ້ອມ ດ້ວຍສື່ມວນຊົນເຂົ້າຮ່ວມ. ທ່ານ ປະກອນ ວົງວິທະ ຍາພິຣົມ ກ່າວວ່າ: ໂຄງການ ປະກວດແຕ້ມຮູບໃນຫົວຂໍ້ "ລົດໂຕໂຍຕ້າ ໃນຝັນຂອງ ຂ້ອຍ" ແມ່ນໄດ້ຈັດຂຶ້ນເປັນຄັ້ງ ທີ 11 ໃນລະດັບສາກົນ ຊຶ່ງ ໃນປີ 2017 ນີ້ໄດ້ຈັດຂຶ້ນ ຢ່າງຍິ່ງໃຫຍ່ ດ້ວຍການເປີດ ກວ້າງການປະກວດຂຶ້ນທົ່ວປະ ເທດ ໂດຍໄດ້ຮັບຄວາມສົນໃຈ ຈາກເຍົາວະຊົນ ແລະ ພໍ່ແມ່ ຜູ້ປົກຄອງເປັນຈຳນວນຫຼາຍ ແລະ ມີຜູ້ສະໝັກທັງໝົດ 4.660 ຄົນ ໃນທົ່ວປະເທດ ໂດຍໄດ້ຮັບກຽດເປັນຄະນະ ກຳມະການຈາກພາກສ່ວນ ກ່ຽວຂ້ອງເຊັ່ນ: ກະຊວງສຶກສາ ທິການ ແລະ ກິລາ, ກະຊວງຖະ ແຫຼງຂ່າວ, ວັດທະນະທຳ ແລະ ທ່ອງທ່ຽວ ແລະ ກົມວິຈິດສິນ ແຫ່ງຊາດ ເພື່ອມາຄັດເລືອກ ຮູບແຕ້ມຈົນໄດ້ຜູ້ຊະນະເລີດ ໃນແຕ່ລະປະເພດອາຍຸມາຮັບ ລາງວັນ ໂດຍເຍົາວະຊົນຜູ້ຊະ ນະເລີດຈະໄດ້ຮັບທຶນການສຶກ ສາ, ຂັນລາງວັນ, ໃບປະກາສະ ນີຍະບັດ ແລະ ໂຮງຮຽນທີ່ສົ່ງ ເຂົ້າປະກວດກໍຈະໄດ້ຮັບການ ສະໜັບສະໜູນໃນຈຳນວນທີ່ ເທົ່າກັນ. ນອກຈາກນີ້ ໂຕໂຍຕ້າ ໄດ້ເພີ່ມລາງວັນພິເສດສຳ ລັບຜູ້ຊະນະເລີດໃນແຕ່ລະ ປະເພດອາຍຸດ້ວຍການໄປທັດ ສະນະສຶກສາ ທີ່ກຸງເທບ ປະ ເທດໄທ ພ້ອມຜູ້ປົກຄອງ 1 ທ່ານ ເປັນເວລາ 2 ມື້ 1 ຄືນ ຊຶ່ງຈະເປັນໂອກາດທີ່ຈະໄດ້ໄປ ທ່ຽວຊົມຫໍພິພິທະພັນສິລະປະ ທີ່ປະເທດໄທ ເພື່ອເປັນແຮງ ບັນດານໃຈໃນການສ້າງຜົນ ງານຄັ້ງຕໍ່ໄປໃນອະນາຄົດ (ລວມມູນຄ່າລາງວັນທັງໝົດ ກວ່າ 128.000.000 ກີບ). ນອກຈາກນີ້ຜົນງານຂອງ ຜູ້ທີ່ໄດ້ຮັບລາງວັນຊະນະເລີດ ອັນດັບທີ 1, 2, 3 ໃນແຕ່ລະ ປະເພດອາຍຸໄດ້ຖືກສົ່ງເຂົ້າ ຮ່ວມປະກວດໃນລະດັບໂລກ ທີ່ປະເທດຍີ່ປຸ່ນ ຊຶ່ງຈະໄດ້ປະ ກາດລາງວັນໃນເດືອນກໍລະ ກົດ 2017 ນີ້ ແລະ ຖ້າຜົນ ງານຫາກຕິດ ອັນດັບ 1 ໃນ 3 ກໍຈະໄດ້ເດີນທາງໄປຮັບເອົາ ລາງວັນດ້ວຍຕົວເອງທີ່ປະ ເທດຍີ່ປຸ່ນ. ການແຂ່ງຂັນແຕ້ມຮູບ ປະກອບມີ 3 ຮຸ່ນຄື: ຮຸ່ນເຍົາ ວະຊົນອາຍຸ 8 ປີ, ຮຸ່ນເຍົາວະ ຊົນອາຍຸ 8 - 11 ປີ ແລະ ຮຸ່ນ ເຍົາວະຊົນອາຍຸ 12 -15 ປີ. ໃນແຕ່ລະຮຸ່ນປະກອບມີ 3 ລາງວັນ ແລະ ລາງວັນຊົມເຊີຍ ຮຸ່ນລະ 2 ລາງວັນ. ສຳລັບລາງ ວັນທີ 1 ໄດ້ຮັບເງິນສົດ 5 ລ້ານ ກີບ, ລາງວັນທີ 2 ໄດ້ຮັບເງິນ ສົດ 4 ລ້ານກີບ, ລາງວັນທີ 3 ໄດ້ຮັບເງິນສົດ 3 ລ້ານກີບ, ລາງວັນຊົມເຊີຍລາງວັນລະ 1 ລ້ານກີບ. ນອກນີ້ໂຮງຮຽນຍັງ ໄດ້ຮັບເງິນລາງວັນເທົ່າກັນກັບ ເຍົາວະຊົນທີ່ໄດ້ຮັບລາງວັນ ໃນແຕ່ລະຮຸ່ນທີ່ສັງກັດໃນໂຮງ ຮຽນຂອງຕົນ. (ຂ່າວ: ພູວຽງຄຳ)