ສຶກສານະຄອນຫຼວງວຽງຈັນ ສະຫຼອງວັນຄູແຫ່ງຊາດ ຢ່າງຄຶກຄື້ນ


...

     (ຂປລ) ພະແນກສຶກສາ ທິການ ແລະ ກິລາ ນະຄອນ ຫຼວງວຽງຈັນ ໄດ້ຈັດພິທີສະ ຫຼອງວັນຄູແຫ່ງຊາດ 7 ຕຸລາ ຄົບຮອບ 23 ປີ ພ້ອມທັງສະ ຫຼຸຸບຜົນງານການສຶກສາ ແລະ ກິລາໃນສົກຮຽນຜ່ານມາຢ່າງ ຄຶກຄື້ນ ໃນວັນທີ 3 ຕຸລາ 2017, ໃຫ້ກຽດເຂົ້າຮ່ວມໂດຍ ມີທ່ານ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ, ມີທ່ານ ນາງ ແສງເດືອນ ຫຼ້າ ຈັນທະບູນ ລັດຖະມົນຕີກະ ຊວງສຶກສາທິການ ແລະ ກິລາ, ມີບັນດາເຈົ້າເມືອງ, ຫົວໜ້າ ພະແນກ-ຮອງພະແນກ, ຄູ- ອາຈານ ພ້ອມດ້ວຍນັກຮຽນ ເຂົ້າຮ່ວມ. ທ່ານ ຊົມພູ ແກ້ວປັນຍາ ຫົວໜ້າພະແນກສຶກສາທິການ ແລະ ກິລາ ນະຄອນຫຼວງວຽງ ຈັນ ກ່າວວ່າ: ຄູເປັນບຸກຄົນ ທີ່ ມີຄວາມສຳຄັນທີ່ສຸດຕໍ່ການພັດ ທະນາເສດຖະກິດ-ສັງຄົມ ແລະ ປະເທດຊາດ, ເປັນຜູ້ມີບົດບາດ ທີ່ນຳໜ້າເປັນເຈົ້າການ ໃນການ ຖ່າຍທອດຄວາມຮູ້ຕ່າງໆໃຫ້ແກ່ຜູ້ອື່ນ ພ້ອມທັງເປັນໜ້າທີ່ໃນການ ພັດທະນາບຸກຄະລາໃນສັງຄົມ ໃຫ້ມີຄວາມຈະເລີນຮຸ່ງເຮືອງ. ໃນໂອກາດນີ້, ທ່ານ ຊົມ ພູ ແກ້ວປັນຍາ ຍັງໄດ້ຍົກໃຫ້ ເຫັນຜົນງານໃນສົກຮຽນ 1 ປີ ຜ່ານມາທີ່ພະແນກສຶກສາ ນະ ຄອນຫຼວງວຽງຈັນ, ຈັດຕັ້ງປະຕິ ບັດສຳເລັດໃນຫຼາຍດ້ານ ເປັນ ຕົ້ນການຂະຫຍາຍຕົວຂອງ ໂຮງຮຽນທົ່ວນະຄອນຫຼວງ ພາກລັດ ແລະ ເອກະຊົນ ເຫັນວ່າມີຈຳນວນເພີ່ມຂຶ້ນ 38 ແຫ່ງ, ລວມທັງໝົດ 1.030 ກວ່າແຫ່ງ, ນັກຮຽນກໍມີຈຳນວນ ເພີ່ມຂຶ້ນຈາກ 1 ແສນກວ່າຄົນ, ເພີ່ມຂຶ້ນຕື່ມອີກເກືອບ 10 ພັນ ຄົນ. ໃນນັ້ນ ສາມາດຍາດໄດ້ນັກ ຮຽນເກັ່ງລະດັບປະເທດ ຊັ້ນ ປະຖົມອັນດັບ 1 ວິຊາຄະນິດ ສາດ ແລະ ພາສາລາວ, ອັນ ດັບ 2 ວິຊາໂລກອ້ອມຕົວ, ມ ຕົ້ນ ອັນດັບ 1 ຍາດໄດ້ 4 ວິຊາ ຄື: ວິຊາຄະນິດສາດ, ພາສາ ລາວ-ວັນນະຄະດີ, ຟີຊິກສາດ ແລະ ເຄມີສາດ, ຊັ້ນ ມປາຍ ໄດ້ອັນດັບ 2 ໃນ 4 ວິຊາ. ຂະ ນະດຽວກັນ ນະຄອນຫຼວງຍັງ ສ້າງໄດ້ໂຮງຮຽນຂຽວສະອາດ ຄຸນນະພາບດີ 34 ແຫ່ງ ແລະ ໄດ້ຮັບລາງວັນນິເວດອາຊຽນ 4 ແຫ່ງ. ສຳລັບສົກຮຽນນີ້ ພະແນກ ສຶກສາ ແລະ ກິລາ ນະຄອນ ຫຼວງວຽງຈັນ ຈະສູ້ຊົນໃຫ້ອັດ ຕາການເຂົ້າຮຽນຂອງເດັກອາ ຍຸ 5 ປີໃຫ້ໄດ້ 95,50%, ອັດ ຕາເຂົ້າຮຽນຊັ້ນປະຖົມຢູ່ໃນ ລະດັບ 100%. ພ້ອມນັ້ນ ກໍ ຈະພະຍາຍາມຫຼຸຸດຜ່ອນອັດ ຕາຄ້າງຫ້ອງປະຖົມໃຫ້ຢູ່ໃນ ລະດັບ 2% ແລະ ອັດຕາປະ ລະການຮຽນຊັ້ນປະຖົມໃຫ້ຢູ່ ໃນລະດັບ 1%, ມຕົ້ນ 2,80% ແລະ ມປາຍ 2%. (ຂ່າວ: ຂັນໄຊ, ພາບ: ເກດ)