ລາວ - ຫວຽດນາມ ເສີມຂະຫຍາຍ ການຮ່ວມມືວຽກງານພາຍໃນ


...

     ທ່ານ ຄຳໝັ້ນ ສູນວິເລີດ ລັດຖະມົນຕີກະຊວງພາຍໃນ ພ້ອມດ້ວຍຄະນະ ໄດ້ເດີນ ທາງໄປຢ້ຽມຢາມ ແລະ ເຮັດ ວຽກຮ່ວມກັບກະຊວງພາຍໃນ ສສ ຫວຽດນາມ ທີ່ນະຄອນ ຫຼວງຮ່າໂນ້ຍ ໃນລະຫວ່າງ ວັນທີ 27-30 ກັນຍາທີ່ຜ່ານ ມານີ້. ການເດີນທາງໄປຢ້ຽມ ຢາມ ແລະ ເຮັດວຽກຢູ່ ສສ ຫວຽດນາມ ໃນຄັ້ງນີ້ ເພື່ອເປັນ ການສືບຕໍ່ຮັດແໜ້ນຄວາມສາ ມັກຄີ ແລະ ເສີມຂະຫຍາຍ ສາຍພົວພັນມິດຕະພາບແບບ ພິເສດລະຫວ່າງສອງພັກ, ສອງລັດ ແລະ ປະຊາຊົນສອງ ຊາດລາວ - ຫວຽດນາມ ກໍຄືການຮ່ວມ ມືຂອງສອງກະຊວງພາຍໃນ ລາວ ແລະ ຫວຽດນາມ ໃນການ ພົວພັນຮ່ວມມືດ້ານວິຊາການ ແລະ ແລກປ່ຽນບົດຮຽນກ່ຽວ ກັບວຽກງານຂະແໜງພາຍໃນ ໃຫ້ມີຄວາມເຕີບໃຫຍ່ຂະຫຍາຍ ຕົວຂຶ້ນຢ່າງບໍ່ຢຸດຢັ້ງ ໂດຍສະ ເພາະແມ່ນການຮ່ວມມືແລກ ປ່ຽນບົດຮຽນນຳຄະນະກົມສຳ ເນົາ ແລະ ເກັບມ້ຽນເອກະສານ ແຫ່ງລັດ, ຄະນະຈັດຕັ້ງສູນກາງ ພັກ, ຄະນະນຳສູນເກັບມ້ຽນ ເອກະສານແຫ່ງຊາດ ເລກ I, ຄະນະນຳສະຖາບັນການປົກ ຄອງແຫ່ງຊາດ ສສ ຫວຽດນາມ. ໃນໂອກາດເດີນທາງຢ້ຽມ ຢາມ ແລະ ເຮັດວຽກຢູ່ ສສ ຫວຽດນາມ ຄັ້ງນີ້ ທ່ານ ຄຳໝັ້ນ ສູນວິເລີດ ລັດຖະມົນຕີກະຊວງ ພາຍໃນ ໄດ້ຕາງໜ້າໃຫ້ພັກ- ລັດຖະບານປະດັບຫຼຽນໄຊໃຫ້ ແກ່ການຈັດຕັ້ງພັກ-ລັດ ແລະ ບຸກຄົນທີ່ມີຜົນງານ ແລະ ຄຸນ ງາມຄວາມດີ ໃນການໃຫ້ການ ຊ່ວຍເຫຼືອຢ່າງບໍລິສຸດໃຈ ແລະ ສະເໝີຕົ້ນສະເໝີປາຍຕໍ່ພັກ- ລັດ ແລະ ປະຊາຊົນລາວ ບັນ ດາເຜົ່າ ກໍຄືກະຊວງພາຍໃນ ໃນໄລຍະຜ່ານມາເຊັ່ນ: ປະດັບ ຫຼຽນໄຊອິດສະຫຼະຊັ້ນ II ໃຫ້ ທ່ານ ເລວິ້ງເຕິນ ລັດຖະມົນຕີ ກະຊວງພາຍໃນ ແລະ ຄະນະ ກຳມະການແຂ່ງຂັນ-ຍ້ອງຍໍ ສູນກາງ ສສ ຫວຽດນາມ, ມອບ ຫຼຽນໄຊອິດສະຫຼະຊັ້ນ III ໃຫ້ ບັນດາທ່ານຮອງລັດຖະມົນຕີ ກະຊວງພາຍໃນ ແລະ ຫົວໜ້າ ຄະນະແຂ່ງຂັນ-ຍ້ອງຍໍສູນກາງ ສສ ຫວຽດນາມ ແລະ ມອບ ຫຼຽນໄຊແຮງງານຊັ້ນ I ໃຫ້ຮອງ ຫົວໜ້າຄະນະແຂ່ງຂັນ-ຍ້ອງຍໍ ສູນກາງ, ກົມສຳເນົາ ແລະ ເກັບມ້ຽນເອກະສານແຫ່ງລັດ, ກົມຮ່ວມມືສາກົນ, ມະຫາວິ ທະຍາໄລພາຍໃນ ແລະ ສະຖາ ບັນການປົກຄອງແຫ່ງຊາດ ສສ ຫວຽດນາມ. ນອກຈາກນີ້ ລັດຖະມົນຕີກະຊວງພາຍໃນ ສປປ ລາວ ພ້ອມຄະນະໄດ້ ເຂົ້າຢ້ຽມຂ່ຳນັບ ທ່ານ ຫງວຽນ ຊວນຟຸກ ນາຍົກລັດຖະມົນຕີ ແຫ່ງ ສສ ຫວຽດນາມ ແລະ ໄດ້ເຂົ້າຢ້ຽມຊົມສະຖານທີ່ສຳ ຄັນທີ່ເປັນມູນເຊື້ອຕ່າງໆທາງ ດ້ານປະຫວັດສາດ ວັດທະນະ ທຳ ທີ່ມີຄວາມໝາຍຕໍ່ປະຊາ ຊົນ ສສ ຫວຽດນາມ ແລະ ໄດ້ ທ່ຽວຊົມພື້ນຖານເສດຖະກິດ-ສັງຄົມ ຈຳນວນໜຶ່ງຕື່ມອີກ.