ການບິນລາວໄຂການນຳໃຊ້ລະບົບຂາຍປີ້ເຮືອບິນ ຜ່ານລະບົບມືຖື


...

     ລັດວິສາຫະກິດການບິນ ລາວ ໄດ້ຈັດພິທີໄຂການນຳໃຊ້ ລະບົບການຂາຍປີ້ເຮືອບິນຜ່ານ ລະບົບມືຖື (Lao Airlines Mobile APP) ຢ່າງເປັນທາງ ການ ຂຶ້ນໃນວັນທີ 3 ຕຸລານີ້ ທີ່ ສຳນັກງານໃຫຍ່ລັດວິສາຫະ ກິດການບິນລາວ ໂດຍການ ເຂົ້າຮ່ວມຂອງທ່ານ ສັນຕິສຸກ ສິມມະລາວົງ ຮອງລັດຖະມົນ ຕີ ກະຊວງໂຍທາທິການ ແລະ ຂົນສົ່ງ ພ້ອມດ້ວຍແຂກຖືກ ເຊີນເຂົ້າຮ່ວມ. ທ່ານ ສົມພອນ ດວງດາ ລາ ຜູ້ອຳນວຍການລັດວິສາຫະກິດ ການບິນລາວ ກ່າວວ່າ: ໂຄງ ການລະບົບການຂາຍປີ້ຜ່ານ ໂທລະສັບມືຖືເປັນຜະລິດຕະ ພັນໜຶ່ງທີ່ພວກເຮົາໄດ້ພະຍາ ຍາມສ້າງຂຶ້ນ ເພື່ອສ້າງສິ່ງອຳ ນວຍໃຫ້ແກ່ຜູ້ເລືອກໃຊ້ການ ບໍລິການ. ຜະລິດຕະພັນນີ້ ບໍ່ ແມ່ນເລື່ອງໃໝ່ສຳລັບສາຍ ການບິນທີ່ມີການພັດທະນາ ແລ້ວ ແຕ່ເປັນເລື່ອງໃໝ່ສຳ ລັບສາຍການບິນນ້ອຍໆຄື ພວກເຮົາ ຊຶ່ງພວກເຮົາຈັດຕັ້ງ ປະຕິບັດໃນການສ້າງຕັ້ງຂຶ້ນ ນັບແຕ່ເດືອນມີນາ 2017 ໄດ້ ສຳເລັດລົງ ແລະ ເລີ່ມປະກາດ ໃຊ້ຢ່າງເປັນທາງການໃນມື້ນີ້. ພວກເຮົາຫວັງວ່າ ຜະລິດຕະ ພັນນີ້ ຈະໄດ້ຮັບຜົນສຳເລັດ ໜ້ອຍຫຼາຍນັ້ນ ແມ່ນຂຶ້ນກັບການ ສະໜັບສະໜູນຂອງລູກຄ້າ ທີ່ ໃຊ້ການບໍລິການສາຍການບິນ ຂອງພວກເຮົາ. ການເລີ່ມໃຊ້ ຜະລິດຕະພັນນີ້ ເບື້ອງຕົ້ນອາດ ຈະມີຂໍ້ຂາດຕົກບົກຜ່ອງ ແຕ່ ພວກເຮົາກໍພ້ອມແລ້ວທີ່ຈະຮັບ ການຕຳນິສົ່ງຂ່າວຈາກລູກຄ້າ ແລະ ສັງຄົມ ເພື່ອປັບປຸງແກ້ໄຂ ໃຫ້ສົມບູນ ລັດວິສາຫະກິດ ການບິນລາວ ກໍໄດ້ມີຄວາມມຸ່ງ ໝັ້ນສຸມໃສ່ການພັດທະນາຕົນ ເອງຢ່າງຮອບດ້ານ ເພື່ອປັບປຸງ ອົງກອນຂອງຕົນນັບທັງດ້ານ ການບໍລິການ ແລະ ຄວາມ ປອດໄພການບິນຢ່າງມີເປົ້າ ໝາຍ ເພື່ອຕອບສະໜອງຄວາມ ຕ້ອງການຂອງສັງຄົມກໍຄືລູກ ຄ້າ. ການໄດ້ມາຈາກການພະ ຍາຍາມນັ້ນ ມາຮອດປັດຈຸບັນ ລັດວິສາຫະກິດການບິນລາວ ພວກເຮົາແມ່ນບັນລຸເປົ້າໝາຍ ຫັນເປັນມາດຖານສາກົນ ໂດຍ ພື້ນຖານແລ້ວ ເຊັ່ນ: ໄດ້ຮອງ ຮັບການບໍລິການ ໄອເອັສ ໂອ, ໄດ້ຮັບການຢັ້ງຢືນເປັນ ສາຍການບິນຄວາມປອດໄພ ໄອໂອຊາ ແລະ ຮັບເຂົ້າເປັນ ສະມາຊິກສົມບູນຂອງອົງການ ໄອອາຕາ ແລະ ມີເປົ້າໝາຍ ເຂົ້າຮ່ວມພາຄີໃດໜຶ່ງໃນອະ ນາຄົດຕໍ່ໜ້າ. ທ່ານ ສັນຕິສຸກ ສິມມະ ລາວົງ ກ່າວບາງຕອນໃນງານ ວ່າ: ຂໍສະແດງຄວາມ ຍ້ອງຍໍ ຊົມເຊີຍຕໍ່ລັດວິສາຫະກິດການ ບິນລາວ ທີ່ໄດ້ມີຄວາມພະຍາ ຍາມພັດທະນາດ້ານການບໍລິ ການລູກຄ້າທີ່ນຳໃຊ້ບໍລິການ ສາຍການບິນຂອງຕົນດ້ວຍ ການຂາຍປີ້ເຮືອບິນຜ່ານລະ ບົບມືຖື ຖືວ່າເປັນອີກທາງ ເລືອກໜຶ່ງ ເພື່ອໃຫ້ລູກຄ້າມີ ຄວາມສະດວກສະບາຍ ແລະ ວ່ອງໄວຂຶ້ນເລື້ອຍໆ ທັງນີ້ ກໍ ເປັນໂອກາດທີ່ດີເປັນການດຶງ ດູດເອົານັກທ່ອງທ່ຽວພາຍໃນ ແລະ ຕ່າງປະເທດເຂົ້າມາທ່ອງ ທ່ຽວ ສປປ ລາວ ເຮົາ ໃຫ້ນັບ ມື້ເພີ່ມຂຶ້ນ.