ສຳເລັດກອງປະຊຸມຄະນະປະຈຳ ສນຊ ເປີດກວ້າງຄັ້ງທີ 2 ສະໄໝທີ X


...

    ກອງປະຊຸມຄະນະປະຈຳ ສູນກາງແນວລາວສ້າງຊາດ (ສນຊ) ເປີດກວ້າງຄັ້ງທີ 2 ສະໄໝທີ X ໄດ້ດຳເນີນມາແຕ່ ວັນທີ 2 ຕຸລາ ແລະ ໄດ້ອັດລົງ ດ້ວຍຜົນສຳເລັດໃນວັນທີ 4 ຕຸລານີ້ ທີ່ ສນຊ ໂດຍການເປັນ ປະທານຂອງທ່ານ ໄຊສົມພອນ ພົມວິຫານ ກຳມະການກົມ ການເມືອງສູນກາງພັກ ປະ ທານສູນກາງແນວລາວສ້າງ ຊາດ ຜູ້ຊີ້ນຳວຽກງານອົງການ ຈັດຕັ້ງມະຫາຊົນ, ມີບັນດາ ຮອງປະທານສູນກາງແນວລາວ ສ້າງຊາດ, ບັນດາຄະນະປະຈຳ ພັກແຂວງປະທານແນວລາວ ສ້າງຊາດແຂວງ-ນະຄອນຫຼວງ ເຂົ້າຮ່ວມ.
ທ່ານ ໄຊສົມພອນ ພົມວິ ຫານ ໄດ້ໃຫ້ກຽດມີຄຳເຫັນວ່າ: ກອງປະຊຸມພວກເຮົາໄດ້ມີ ການປະກອບຄຳຄິດຄຳເຫັນຕໍ່ ບົດລາຍງານການເຄື່ອນໄຫວ ຂອງຄະນະປະຈຳສູນກາງ ແນວລາວສ້າງຊາດ ໃນສົກປີ 2016-2017 ແລະ ທິດທາງ ການເຄື່ອນໄຫວສົກປີ 2017-2018, ໄດ້ຮັບຟັງ ແລະ ປະ ກອບຄຳເຫັນຈາກບັນດາຜູ້ ແທນຕໍ່ວຽກງານສາສະໜາຢູ່ ສປປ ລາວ ໃນໄລຍະ 1 ປີຜ່ານ ມາ, ຮັບຟັງການນຳສະເໜີ ແນວຄວາມຄິດກ່ຽວກັບການ ແກ້ໄຂຄວາມທຸກຍາກຕິດພັນ ກັບການສ້າງຄອບຄົວ ແລະ ບ້ານສາມັກຄີຂອງທົ່ວປວງຊົນ, ຟັງການລາຍງານຈັດຕັ້ງປະຕິ ບັດວຽກງານຂອງຄະນະທີ່ປຶກ ສາຄົນເຊື້ອຊາດລາວຢູ່ຕ່າງ ປະ ເທດ ແລະ ວຽກງານສາສະໜາ, ໄດ້ປະກອບຄຳເຫັນໃສ່ວຽກ ງານການຕິດຕາມກວດກາຂອງ ແນວລາວສ້າງຊາດຕໍ່ກອງປະ ຊຸມສະໄໝສາມັນເທື່ອທີ 4 ຂອງສະພາແຫ່ງຊາດ ຊຸດທີ VIII, ປະກອບຄຳເຫັນໃສ່ຄຳ ແນະນຳກ່ຽວກັບການສ້າງຂະ ບວນການຕ້ອນຮັບວັນສ້າງຕັ້ງ ແນວລາວສ້າງຊາດ ຄົບຮອບ 70 ປີ, ກອງປະຊຸມໄດ້ປະກອບຄຳ ເຫັນຕໍ່ຮ່າງກົດໝາຍວ່າດ້ວຍ ແນວລາວສ້າງຊາດສະບັບປັບ ປຸງ, ຮັບຟັງການສະເໜີຄຳແນະ ນຳການຜັນຂະຫຍາຍຜົນສຳ ເລັດກອງປະຊຸມ 3 ປະທານ ແນວໂຮມ, ກອງປະຊຸມເສີມ ສ້າງຊາຍແດນມິດຕະພາບ ລາວ - ຫວຽດນາມ ເພື່ອເປັນ ບ່ອນອີງໃຫ້ແກ່ແນວລາວສ້າງ ຊາດຂັ້ນທ້ອງຖິ່ນໃນການຈັດ ຕັ້ງປະຕິບັດ ແລະ ກອງປະຊຸມ ໄດ້ພິຈາລະນາ ແລະ ຮັບຮອງ ເອົາມະຕິກອງປະຊຸມຄະນະ ປະຈຳສູນກາງແນວລາວສ້າງ ຊາດເປີດກວ້າງຄັ້ງທີ 2 ສະໄໝ ທີ X ດ້ວຍສຽງສ່ວນຫຼາຍ.
ໃນໂອກາດນີ້ ທ່ານ ໄຊ ສົມພອນ ພົມວິຫານ ຍັງໄດ້ໃຫ້ ກຽດໂອ້ລົມຕໍ່ກອງປະຊຸມບາງ ຕອນສຳຄັນກ່າວວ່າ: ພາຍຫຼັງ ສຳເລັດກອງປະຊຸມພວກເຮົາ ຄັ້ງນີ້ແລ້ວ ສະເໜີໃຫ້ບັນດາຜູ້ ແທນກອງປະຊຸມກໍຄື ຄະນະ ປະຈຳ, ບັນດາກົມ, ຫ້ອງການ, ສູນຝຶກອົບຮົມ, ແນວລາວສ້າງ ຊາດແຂວງ-ນະຄອນຫຼວງວຽງ ຈັນ ຮີບຮ້ອນພ້ອມກັນສຸມໃສ່ ຜັນຂະຫຍາຍທຸກບັນຫາທີ່ເປັນ ເອກະພາບໃນກອງປະຊຸມເທື່ອ ນີ້ ເພື່ອພ້ອມກັນນຳເອົາເນື້ອ ໃນຈິດໃຈຂອງກອງປະຊຸມຄັ້ງ ນີ້ໃຫ້ແທດເຖິງ ໂດຍການປະ ສານສົມທົບພາກສ່ວນກ່ຽວ ຂ້ອງກໍຄືຄະນະພັກ ແລະ ອົງ ການປົກຄອງທ້ອງຖິ່ນ ເພື່ອຮັບ ປະກັນການເຄື່ອນໄຫວວຽກ ງານຕາມພາລະບົດບາດ, ສິດ ແລະ ໜ້າທີ່ຂອງແນວລາວສ້າງ ຊາດມີປະສິດທິຜົນດີຂຶ້ນໄປ ເລື້ອຍໆ, ເພື່ອເຮັດໃຫ້ວຽກ ງານຂອງແນວໂຮມເປັນບ່ອນ ເຕົ້າໂຮມຄວາມສາມັກຄີທຸກ ຊັ້ນຄົນ, ສາສະໜາ, ຊົນເຜົ່າ, ເພດໄວ ເພື່ອປະກອບສ່ວນ ສ້າງໃຫ້ປະເທດຊາດມີຄວາມ ມັ່ງຄັ່ງເຂັ້ມແຂງ, ປະຊາຊົນຮັ່ງ ມີຜາສຸກ, ສັງຄົມມີຄວາມສາ ມັກຄີປອງດອງ, ປະຊາທິປະໄຕ, ຍຸຕິທຳ ແລະ ສີວິໄລພາຍໃຕ້ ການນຳພາຂອງພັກ ພ້ອມກັນ ເຄື່ອນໄຫວວຽກງານແນວລາວ ສ້າງຊາດກ້າວຂຶ້ນດ້ວຍບາດ ກ້າວອັນໜັກແໜ້ນ ແລະ ຍາດ ໄດ້ຜົນງານໃໝ່ໃຫຍ່ຫຼວງກວ່າ ເກົ່າ.
(ຂ່າວ: ພູວັນ)