ວິທະຍາໄລເຕັກນິກສັບພະວິຊາສະຫຼອງວັນຄູ ແລະ ຍ້ອງຍໍຄູ ຜູ້ມີຜົນງານດີເດັ່ນ


...

     ວິທະຍາໄລເຕັກນິກສັບ ພະວິຊາໄດ້ຈັດພິທີສະເຫຼີມສະ ຫຼອງວັນຄູແຫ່ງຊາດ ຄົບຮອບ 23 ປີ ແລະ ຍ້ອງຍໍຄູ - ອາຈານ ທີ່ມີຜົນງານດີເດັ່ນ ໃນການພັດ ທະນາວິທະຍາໄລເຕັກນິກສັບ ພະວິຊາ ໄລຍະ 30 ປີ ຈັດ ຂຶ້ນ ເມື່ອວັນທີ 4 ຕຸລານີ້ ທີ່ວິທະຍາ ໄລດັ່ງກ່າວ ໂດຍການໃຫ້ກຽດ ເຂົ້າຮ່ວມຂອງທ່ານ ນາງ ແສງ ເດືອນ ຫຼ້າຈັນທະບູນ ລັດຖະ ມົນຕີກະຊວງສຶກສາທິການ ແລະ ກິລາ, ແຂກຖືກເຊີນ, ຄູ - ອາຈານ ແລະ ນັກສຶກສາເຂົ້າ ຮ່ວມ.
ໃນພິທີດັ່ງກ່າວໄດ້ມີການ ປະດັບຫຼຽນໄຊແຮງງານຊັ້ນ II ຈຳນວນ 9 ທ່ານ, ຫຼຽນໄຊແຮງ ງານຊັ້ນ III ຈຳນວນ 11 ທ່ານ, ຫຼຽນກາແຮງງານ 22 ທ່ານ, ໃບຍ້ອງຍໍລັດຖະບານ 28 ທ່ານ ແລະ ໃບຍ້ອງຍໍກະຊວງ 35 ທ່ານ ໃຫ້ພະນັກງານຄູ - ອາ ຈານທີ່ມີຜົນງານດີເດັ່ນໃນ ການພັດທະນາວິທະຍາໄລ ເຕັກນິກສັບພະວິຊາຕະຫຼອດ ໄລຍະ 30 ປີຜ່ານມາ.
ໂອກາດດັ່ງກ່າວ ທ່ານລັດ ຖະມົນຕີກະຊວງສຶກສາທິການ ແລະ ກິລາ ກ່າວຄຳເຫັນວ່າ: ສະຖານອາຊີວະສຶກສາແຫ່ງນີ້ ເປັນວິທະຍາໄລພາກລັດແຫ່ງ ທຳອິດຂອງ ສປປ ລາວ ທີ່ມີ ບົດບາດໂດຍກົງໃນການກໍ່ ສ້າງຊັບພະຍາກອນມະນຸດ ດ້ານອຸດສາຫະກຳຂອງຊາດ ຊຶ່ງໃນໄລຍະ 30 ປີຜ່ານມາກໍ ສາມາດກໍ່ສ້າງຊັບພະຍາກອນ ຫຼາຍສາຂາອອກຮັບໃຊ້ສັງຄົມ ຢູ່ທຸກຂົງເຂດວຽກງານໃນຂອບ ເຂດທົ່ວປະເທດໄດ້ຫຼາຍພັນ ຄົນແລ້ວ ຊຶ່ງໃນຈຳນວນເຫຼົ່າ ນັ້ນມີຫຼາຍຄົນໄດ້ກາຍເປັນຜູ້ບໍ ລິຫານລະດັບສູງຂອງພັກ - ລັດ ກໍຄືພາກທຸລະກິດຫຼາຍຄົນ ໄດ້ກາຍເປັນຜູ້ປະກອບການທີ່ ດີ, ກາຍເປັນນັກວິຊາການທີ່ມີ ຄວາມສາມາດ, ປະກອບສ່ວນ ເຂົ້າໃນການພັດທະນາເສດຖະ ກິດ - ສັງຄົມກໍຄືການສ້າງສາ ພັດທະນາປະເທດ ຊຶ່ງມີຢູ່ໃນ ທັງພາກລັດ ແລະ ເອກະຊົນ ແລະ ໃນອົງການຈັດຕັ້ງສາກົນ ຕ່າງໆ, ຜົນງານດັ່ງກ່າວໄດ້ ມາຈາກຄວາມພະຍາຍາມ, ຄວາມອົດທົນຜ່ານຜ່າຂໍ້ຫຍຸ້ງ ຍາກນາໆປະການຂອງຄະນະ ອຳນວຍການ, ຄູ - ອາຈານ, ພະນັກງານ ແລະ ນັກສຶກສາ ໃນວິທະຍາໄລ ແລະ ການຊີ້ ນຳຂອງກົມຕ່າງໆກໍຄືຄະນະ ນຳກະຊວງສຶກສາທິການ ແລະ ກິລາ ລວມທັງການປະກອບ ສ່ວນຂອງທຸກອົງການຈັດຕັ້ງ ສັງຄົມທັງພາກລັດ ແລະ ເອກະ ຊົນຈົນເຮັດໃຫ້ພະນັກງານ, ຄູ - ອາຈານ ວິທະຍາໄລເຕັກນິກ ສັບພະວິຊາສາມາດຍາດໄດ້ ຜົນງານດັ່ງກ່າວ ແລະ ອວຍ ໄຊໃຫ້ພອນແກ່ພະນັກງານຄູ - ອາຈານ ພ້ອມດ້ວຍນັກສຶກສາ ທັງໝົດ ຈົ່ງມີສຸຂະພາບແຂງ ແຮງເບີກບານມ່ວນຊື່ນ, ຫ້າວ ຫັນສ້າງຜົນງານ, ປະກອບ ສ່ວນເຮັດໜ້າທີ່ຂອງຕົນແຕ່ລະ ຄົນໃຫ້ມີຜົນສຳເລັດຍິ່ງໃຫຍ່ ກ່ວາເກົ່າ.