ສອງອົງການກວດກາຮ່ວມກັນສະຫຼຸຸບວຽກງານປະສານງານ


...

     ອົງການກວດກາລັດຖະ ບານຮ່ວມກັບອົງການກວດ ສອບແຫ່ງລັດ ຈັດກອງປະຊຸມ ສະຫຼຸຸບການປະສານງານ ປະ ຈຳປີ 2017 ຂຶ້ນໃນວັນທີ 5 ຕຸລານີ້ ທີ່ຫ້ອງປະຊຸມອົງການ ກວດສອບແຫ່ງລັດ, ພາຍໃຕ້ ການເປັນປະທານຂອງທ່ານ ບຸນທອງ ຈິດມະນີ ຮອງນາຍົກ ລັດຖະມົນຕີ ປະທານຄະນະ ກວດກາສູນກາງພັກ, ປະທານ ອົງການກວດກາລັດຖະບານ, ຫົວໜ້າອົງການຕ້ານການສໍ້ ລາດບັງຫຼວງຂັ້ນສູນກາງ, ທ່ານ ນາງ ວຽງທອງ ສີພັນດອນ ປະທານອົງການກວດສອບ ແຫ່ງລັດ, ມີພາກສ່ວນກ່ຽວຂ້ອງ ເຂົ້າຮ່ວມ.
ຈຸດປະສົງຂອງກອງປະ ຊຸມ ເພື່ອສະຫຼຸຸບຕີລາຄາຄືນການຈັດຕັ້ງຜັນຂະຫຍາຍເນື້ອ ໃນບົດບັນທຶກການປະສານ ງານລະຫວ່າງສອງອົງການ ໂດຍສະເພາະແມ່ນການທົບ ທວນຕີລາຄາມາດຕະການແກ້ ໄຂຜົນຂອງການກວດສອບ ຕາມມະຕິກອງປະຊຸມສະພາ ແຫ່ງຊາດ ການກວດກາຕາມ ຜົນການກວດສອບ ສົກປີ 2013-2014 ແລະ 2014- 2015 ເພື່ອແນໃສ່ຕ້ານປະກົດ ການຫຍໍ້ທໍ້ທາງດ້ານການເງິນ ແລະ ງົບປະມານແຫ່ງລັດ ປະ ກອບສ່ວນເຮັດໃຫ້ການຄຸ້ມ ຄອງເສດຖະກິດ ມີຄວາມເຂັ້ມ ແຂງ, ໂປ່ງໃສຂຶ້ນ.
ໃນກອງປະຊຸມຍັງໄດ້ຮັບ ຟັງການໂອ້ລົມ ແລະ ໃຫ້ທິດ ຊີ້ນຳຈາກ ທ່ານ ບຸນທອງ ຈິດມະນີ ຊຶ່ງທ່ານໄດ້ເນັ້ນໃສ່ ບາງບັນຫາການກວດກາ-ກວດ ສອບຕົວຈິງ ຫາກພົບເຫັນວ່າ ມີກົດໝາຍ, ນິຕິກຳບໍ່ສອດ ຄ່ອງ, ບໍ່ແທດເໝາະ, ບໍ່ເອື້ອ ອຳນວຍໃຫ້ແກ່ຜົນປະໂຫຍດ ຂອງລັດ ແລະ ມີຄວາມສ່ຽງທີ່ ຈະເຮັດໃຫ້ການຕີຄວາມໝາຍ ຜິດພາດ ແລະ ໃຫ້ເກີດຊ່ອງ ຫວ່າງສວຍໃຊ້ໃນທາງທີ່ບໍ່ຖືກ ຕ້ອງນັ້ນ, ຕ້ອງຮີບຮ້ອນສັງ ລວມບັນຫາ ແລ້ວນຳສະເໜີ ລັດຖະບານ ແລະ ສະພາແຫ່ງ ຊາດ ພິຈາລະນາແກ້ໄຂໃຫ້ທັນ ເວລາ, ການກວດສອບໃນແຕ່ ລະປີ ຕ້ອງມີການຕິດຕາມກວດ ກາຊຸກຍູ້ການແກ້ໄຂ ແລະ ປະ ຕິບັດຜົນການກວດສອບ ແລະ ປະເມີນຢ່າງເປັນປະຈຳ ບັນຫາ ໃດທີ່ຫົວໜ່ວຍງົບປະມານໄດ້ ແກ້ໄຂແລ້ວ ແລະ ບັນຫາໃດ ທີ່ບໍ່ທັນໄດ້ແກ້ໄຂ, ຍ້ອນສາ ເຫດອັນໃດ, ເງື່ອນໄຂປັດໄຈ ອັນໃດ ຈຶ່ງບໍ່ສາມາດປະຕິບັດ ໄດ້ໃຫ້ລາຍງານຕໍ່ລັດຖະບານ ແລະ ສະພາແຫ່ງຊາດ ເພື່ອ ຊອກຫາວິທີປັບປຸງແກ້ໄຂ ສຳ ລັບການປະສານງານຂອງສອງ ອົງການໃຫ້ສືບຕໍ່ປະຕິບັດເນື້ອ ໃນບົດບັນທຶກທີ່ໄດ້ຕົກລົງກັນ ແລ້ວ ໃຫ້ມີປະສິດທິຜົນສູງກວ່າ ເກົ່າ ໂດຍສະເພາະແມ່ນການ ສະໜອງຂໍ້ມູນ, ການຈັດກອງ ປະຊຸມດ້ານວິຊາການ ເພື່ອ ປຶກສາຫາລືແກ້ໄຂເປັນແຕ່ລະ ກໍລະນີ ແລະ ບັນຫາອື່ນທີ່ຍັງ ຄົງຄ້າງ.
(ຂ່າວ: ແສງຈັນ)