ສະຫະພັນແມ່ຍິງທົ່ວປະເທດຈີນຢ້ຽມຢາມ ສປປ ລາວ


...

    ຄະນະຜູ້ແທນຂັ້ນສູງຂອງ ສະຫະພັນແມ່ຍິງ (ສຍ) ທົ່ວ ປະເທດຈີນ ນຳໂດຍທ່ານ ນາງ ເສີນ ເຢ້ ເຢ້ ຮອງປະທານສະ ພາປະຊາຊົນຈີນ, ປະທານ ສຍ ທົ່ວປະເທດຈີນ ພ້ອມຄະນະ ໄດ້ເຄື່ອນໄຫວຢ້ຽມຢາມ ສປປ ລາວ ຢ່າງເປັນທາງການໃນ ລະຫວ່າງວັນທີ 3-6 ພຶດສະ ພານີ້ ໂດຍໄດ້ຮັບການຕ້ອນຮັບຢ່າງອົບ ອຸ່ນຈາກທ່ານ ນາງ ອິນລາວັນ ແກ້ວບຸນພັນ ກຳມະການສູນ ກາງພັກ ປະທານຄະນະບໍລິ ຫານງານສູນກາງສະຫະພັນ ແມ່ຍິງລາວພ້ອມຄະນະ. ໃນ ການຢູ່ຢ້ຽມຢາມລາວຄັ້ງນີ້, ສະ ຫະພັນແມ່ຍິງທັງສອງຝ່າຍໄດ້ ພົບປະແລກປ່ຽນບົດຮຽນ ແລະ ລາຍງານສະພາບການເຄື່ອນ ໄຫວວຽກງານທີ່ພົ້ນເດັ່ນຂອງ ຕົນໃຫ້ກັນ ແລະ ກັນຊາບ, ເວົ້າ ສະເພາະແມ່ຍິງລາວຢູ່ໃນ ໄລ ຍະຂອງການຈັດຕັ້ງປະຕິບັດ ມະຕິກອງປະຊຸມໃຫຍ່ ຜູ້ແທນ ແມ່ຍິງລາວທົ່ວປະເທດ ຄັ້ງ ທີ VII ໂດຍເລັ່ງໃສ່ຈັດຕັ້ງ ປະຕິບັດ VIII ແຜນງານ 34 ໂຄງການພັດທະນາແມ່ຍິງ ຕິດ ພັນກັບແຜນງານແຫ່ງຊາດ ເພື່ອຄວາມສະເໝີພາບຍິງ - ຊາຍ ແລະ ແຜນດຳເນີນງານ ແຫ່ງຊາດວຽກແມ່ ແລະ ເດັກ ໃຫ້ບັນລຸຜົນ ແລະ ສອດຄ່ອງ ກັບສະພາບຕົວຈິງໃນປັດຈຸບັນ ລວມທັງນຳພາການປະຕິບັດ ຄຳຂວັນ ແລະ ຂໍ້ແຂ່ງຂັນ 3 ດີ ທີ່ສະຫະພັນແມ່ຍິງລາວວາງ ອອກໃຫ້ເປັນຮູບປະທຳ. ຄະນະຜູ້ແທນຍັງໄດ້ເຂົ້າ ຢ້ຽມຂ່ຳນັບ ທ່ານ ນາງ ປານີ ຢາທໍ່ຕູ້ ກຳມະການກົມການ ເມືອງສູນກາງພັກ ປະທານສະ ພາແຫ່ງຊາດ. ພ້ອມດຽວກັນນີ້ ຄະນະຜູ້ແທນໄດ້ເດີນທາງໄປ ຢ້ຽມຢາມ ສູນອົບຮົມແມ່ຍິງ ລາວ, ສູນກາງສະຫະພັນແມ່ ຍິງລາວ ຊຶ່ງເປັນສູນທີ່ໄດ້ຮັບ ການຊ່ວຍເຫຼືອຈາກສະຫະພັນ ແມ່ຍິງທົ່ວປະເທດຈີນ ໃນການ ກໍ່ສ້າງຕຶກອາຄານຝຶກອົບຮົມ, ເຕົາອົບ ແລະ ຈັກຫຍິບເຄື່ອງ ອຸປະກອນທີ່ໄດ້ຮັບການຊ່ວຍ ເຫຼືອນັ້ນ ປະກອບໃນການຝຶກ ອົບຮົມວິຊາຊີບໄລຍະສັ້ນໃຫ້ ກັບແມ່ຍິງລາວ ໃນຂະແໜງ ການຕັດຫຍິບ, ເສີມສວຍ, ປຸງ ແຕ່ງ-ການໂຮງແຮມ. ຈາກນັ້ນ ຄະນະຍັງໄດ້ໄປຢ້ຽມຢາມຫໍ ມູນເຊື້ອສະຫະພັນແມ່ຍິງລາວ, ຢ້ຽມຢາມກຸ່ມຫັດຖະກຳຂອງ ແມ່ຍິງເມືອງໂພນໂຮງ ແຂວງ ວຽງຈັນ, ໄດ້ຢ້ຽມຊົມເຂື່ອນໄຟ ຟ້ານ້ຳງື່ມ 1, ບໍລິສັດ SMP ຜະລິດຕະພັນຫັດຖະກຳໄມ້ ທີ່ບ້ານໜອງດ້ວງ ນະຄອນຫຼວງ ວຽງຈັນ, ຢ້ຽມຢາມລັດວິສາຫະ ກິດຝ້າຍລາວ, ເຂດເສດຖະກິດ ກວມລວມ ເມືອງໄຊເສດຖາ (ຫຼັກ 16) ແລະ ສະຖານທີ່ສຳ ຄັນທາງວັດທະນະທຳໃນນະ ຄອນຫຼວງວຽງຈັນຈຳນວນໜຶ່ງ. (ຂ່າວ: ສະຫວັນຄຳ)