ລມຕ ກະຊວງ ຖວທ ຕ້ອນຮັບ ຄະນະຜູ້ແທນອິນເດຍ


...

    ທ່ານ ບໍ່ແສງຄຳ ວົງດາລາ ລັດຖະມົນຕີກະຊວງຖະແຫຼງ ຂ່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ໃຫ້ກຽດ ຕ້ອນຮັບການເຂົ້າຢ້ຽມຢາມ ຂອງທ່ານ ສິຣິ ເອັນ ບີເຣັນ ຊິງ (Shri. N Biren Singh) ເຈົ້າ ຄອງລັດມານີປົວ (Manipur) ປະເທດອິນເດຍ ພ້ອມດ້ວຍ ຄະນະ ເມື່ອວັນທີ 8 ສິງຫານີ້ ທີ່ກະຊວງດັ່ງກ່າວ ໃນໂອກາດ ທີ່ເດີນທາງມາຢ້ຽມຢາມ ສປປ ລາວ. ໂອກາດນີ້ ທ່ານ ບໍ່ແສງ ຄຳ ວົງດາລາ ໄດ້ສະແດງ ຄວາມຍິນດີຕ້ອນຮັບ ແລະ ຊົມເຊີຍຕໍ່ທ່ານ ສິຣິ ເອັນ ບີ ເຣັນ ຊິງ ທີ່ເດີນທາງມາຢ້ຽມ ຢາມລາວໃນຄັ້ງນີ້ ຖືເປັນການ ລິເລີ່ມການແລກປ່ຽນວັດທະ ນະທຳ, ທ່ອງທ່ຽວ ໂດຍສະ ເພາະແມ່ນເພື່ອເປັນການຮັດ ແໜ້ນສາຍພົວພັນລະຫວ່າງ ອິນເດຍກັບອາຊຽນ ກໍຄື ສປປ ລາວ ແລະ ການຮ່ວມມືຂອງ ທັງສອງປະເທດຈະເພີ່ມຂຶ້ນ ໂດຍສະເພາະການແລກປ່ຽນ ການສົ່ງເສີມການອະນຸລັກຮັກ ສາມໍລະດົກວັດທະນະທຳສອງ ປະເທດລາວ-ອິນເດຍ ໃຫ້ນັບ ມື້ນັບຂະຫຍາຍຂຶ້ນກວ່າເກົ່າ. ທ່ານ ສິຣິ ເອັນ ບີເຣັນ ຊິງ ໄດ້ສະແດງຄວາມຂອບໃຈຕໍ່ ການຕ້ອນຮັບອັນອົບອຸ່ນຂອງ ທ່ານລັດຖະມົນຕີຄັ້ງນີ້ ພ້ອມ ທັງແຈ້ງຈຸດປະສົງໃນການຢ້ຽມ ຢາມ ສປປ ລາວ ໃຫ້ຊາບຕື່ມ ອີກ. ພ້ອມກັນນີ້ ທ່ານຍັງຢືນ ຢັນວ່າຈະສືບຕໍ່ເສີມຂະຫຍາຍ ສາຍພົວພັນລະຫວ່າງປະຊາ ຊົນສອງປະເທດ ອິນເດຍ- ລາວ ແລະ ເຖິງວ່າສອງປະເທດເຮົາ ຈະມີເສັ້ນທາງທີ່ໄກກັນ ແຕ່ ສອງປະເທດລາວ-ອິນເດຍ ກໍ ມີມິດຕະພາບອັນດີງາມຕໍ່ກັນ ຢ່າງສະເໝີຕົ້ນສະເໝີປາຍ. (ຂ່າວ: ສະຫວັນຄຳ)