ລັດຖະມົນຕີຕ່າງປະເທດອາຊຽນຫາລືກັບບັນດາປະເທດຄູ່ເຈລະຈາ


...

    ທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດ ໄດ້ນຳພາຄະນະຜູ້ແທນ ລາວ ເຂົ້າຮ່ວມກອງປະຊຸມລັດຖະມົນຕີຕ່າງປະເທດອາຊຽນ ກັບ ບັນດາປະເທດຄູ່ເຈລະຈາ ທີ່ ຈັດຂຶ້ນໃນວັນທີ 6 ສິງຫາຜ່ານມານີ້ ທີ່ນະຄອນຫຼວງມະນີລາ ປະເທດຟີລິບປິນ ໂດຍມີກອງປະຊຸມລັດຖະມົນຕີ ຕ່າງປະເທດອາຊຽນ-ຈີນ, ອາ ຊຽນ-ຍີ່ປຸ່ນ, ອາຊຽນ-ສ.ເກົາຫຼີ, ອາຊຽນ-ອິນເດຍ, ອາຊຽນ-ອົດ ສະຕຣາລີ, ອາຊຽນ-ສະຫະລັດ ອາຊຽນ-ນິວຊີແລນ, ອາຊຽນ- ການາດາ, ອາຊຽນ-ອີຢູ ແລະ ອາຊຽນ-ຣັດເຊຍ. ໃນກອງປະຊຸມລັດຖະ ມົນຕີຕ່າງປະເທດອາຊຽນ- ຣັດເຊຍ, ທ່ານ ສະເຫຼີມໄຊ ກົມ ມະສິດ ໄດ້ເປັນປະທານຮ່ວມ ກັບທ່ານ ເຊເກ ລາວາຣອບ (Sergey Lavrov), ລັດຖະ ມົນຕີຕ່າງປະເທດຣັດເຊຍ, ໃນ ຖານະທີ່ ສປປ ລາວ ເປັນປະ ເທດປະສານງານໃຫ້ແກ່ການ ພົວພັນອາຊຽນ-ຣັດເຊຍ. ກອງ ປະຊຸມໄດ້ສະແດງຄວາມຍິນດີ ຕໍ່ຄວາມຄືບໜ້າໃນການຈັດຕັ້ງ ຜັນຂະຫຍາຍຕາມການຕົກລົງ ຂອງຜູ້ນຳອາຊຽນ ແລະ ຣັດ ເຊຍ ໃນກອງປະຊຸມສຸດຍອດ ສະເຫຼີມສະຫຼອງການພົວພັນ ອາຊຽນ-ຣັດເຊຍ ຄົບຮອບ 20 ປີ ທີ່ໄດ້ຈັດຕັ້ງຂຶ້ນຢູ່ເມືອງໂຊຈິ, ຣັດເຊຍ ໃນປີ 2016, ໄດ້ປຶກ ສາຫາລືຜົນຂອງການຈັດຕັ້ງ ປະຕິບັດງານອາຊຽນ-ຣັດເຊຍ 2016-2020 ແລະ ໄດ້ຮັບ ຮອງເອົາເອກະສານສຳຄັນຈຳ ນວນໜຶ່ງຄື: 1. ຖະແຫຼງການ ວ່າດ້ວຍການຮ່ວມມືເພື່ອຕ້ານ ການກໍ່ການຮ້າຍ, 2. ທິດທາງ ໃນການຜັນຂະຫຍາຍຂໍ້ສະເໜີ ແນະຂອງຜູ້ຊົງຄຸນວຸດທິອາ ຊຽນ-ຣັດເຊຍ ແລະ 3. ແນວຄິດ ຄວາມຄິດໃນການສ້າງຕັ້ງເຄືອ ຂ່າຍຄັງປັນຍາອາຊຽນ-ຣັດ ເຊຍ. ໃນໂອກາດດັ່ງກ່າວ, ລັດ ຖະມົນຕີຣັດເຊຍ ໄດ້ປະກາດ ແຕ່ງຕັ້ງທູດຣັດເຊຍຄົນທຳອິດ ປະຈຳອາຊຽນ, ຊຶ່ງໄດ້ເປັນບາດ ກ້າວໃໜ່ໃນການເສີມຂະ ຫຍາຍການພົວພັນອາຊຽນ-ຣັດເຊຍ ໃຫ້ແໜ້ນແຟ້ນຍິ່ງຂຶ້ນ. ກອງປະຊຸມລັດຖະມົນຕີ ຕ່າງປະເທດອາຊຽນ-ຈີນ ໄດ້ຕີ ລາຄາສູງຕໍ່ຜົນສຳເລັດຂອງ ກອງປະຊຸມສຸດຍອດເພື່ອສະ ເຫຼີມສະຫຼອງການພົວພັນອາ ຊຽນ-ຈີນ ຄົບຮອບ 25 ປີ ໃນປີ 2016, ລວມທັງການຮ່ວມມື ທາງດ້ານການຄ້າ, ການລົງ ທຶນ, ການທ່ອງທ່ຽວ, ການແລກ ປ່ຽນລະຫວ່າງປະຊາຊົນກັບ ປະຊາຊົນທີ່ສືບຕໍ່ຂະຫຍາຍ ຕົວຢ່າງຕໍ່ເນື່ອງ. ກອງປະຊຸມ ໄດ້ລົງນາມບົດບັນທຶກຄວາມ ເຂົ້າໃຈ ວ່າດ້ວຍການສ້າງຕັ້ງ ສູນອາຊຽນ-ຈີນ ເພື່ອແນໃສ່ສົ່ງ ເສີມການຮ່ວມມືອາຊຽນ-ຈີນ ໃນດ້ານຕ່າງໆໃຫ້ນັບມື້ນັບ ຫຼາຍຂຶ້ນ ແລະ ໄດ້ເຫັນດີຈະ ອອກຖະແຫຼງການຮ່ວມກ່ຽວ ກັບການຮ່ວມມືດ້ານການທ່ອງ ທ່ຽວ ໃນໂອກາດກອງປະຊຸມ ສຸດຍອດອາຊຽນ-ຈີນ ໃນທ້າຍ ປີ 2017, ຈະກຳນົດເອົາຂົງເຂດ ນະວັດຕະກຳເປັນຫົວຂໍ້ຈຸດສຸມ ການຮ່ວມມືອາຊຽນ-ຈີນ ໃນປີ 2018, ຈະໃຫ້ປຶກສາຫາລືກ່ຽວ ກັບການຮ່າງວິໄສທັດການ ເປັນຄູ່ຮ່ວມຍຸດທະສາດອາ ຊຽນ - ຈີນ ຮອດປີ 2030 ເພື່ອ ໃຫ້ຜູ້ນຳພິຈາລະນາຮັບຮອງ ເອົາໃນປີ 2018 ແລະ ເຫັນດີ ຮັບຮອງເອົາໂຄງຮ່າງກົດແຫ່ງ ການປະພຶດ (COC) ເພື່ອແກ້ ໄຂບັນຫາຄວາມຂັດແຍ່ງໃນ ທະເລຈີນໃຕ້. ກອງປະຊຸມລັດຖະມົນຕີ ຕ່າງປະເທດອາຊຽນ-ຍີ່ປຸ່ນ ໄດ້ ຮັບຮອງເອົາແຜນຈັດຕັ້ງປະຕິ ບັດວິໄສທັດອາຊຽນ-ຍີ່ປຸ່ນ ວ່າດ້ວຍມິດຕະພາບ ແລະ ການຮ່ວມມື ສະບັບປັບປຸງໃໝ່ ເພື່ອເປັນພື້ນຖານໃຫ້ແກ່ການ ຮັດແໜ້ນການຮ່ວມມືໃນດ້ານ ຕ່າງໆເຊັ່ນ: ການເມືອງ-ຄວາມ ໝັ້ນຄົງ, ເສດຖະກິດ, ວັດທະ ນະທຳ-ສັງຄົມ ແລະ ອື່ນໆ ໃນ ຕໍ່ໜ້າ. ຍີ່ປຸ່ນ ຍັງໄດ້ປະກາດ ຈະຂະຫຍາຍການຮ່ວມມືກັບ ອາຊຽນ ໂດຍຜ່ານອົງການ ຮ່ວມມືສາກົນຍີ່ປຸ່ນ (JICA) ເພື່ອແນໃສ່ເພີ່ມທະວີການ ຊ່ວຍເຫຼືອດ້ານຂີດຄວາມສາ ມາດຕ່າງໆໃຫ້ຫຼາຍຂຶ້ນ. ກອງປະຊຸມລັດຖະມົນຕີ ຕ່າງປະເທດອາຊຽນ-ສ.ເກົາຫຼີ ໄດ້ຍິນດີຕໍ່ຄວາມຄືບໜ້າຂອງ ການຮ່ວມມືລະຫວ່າງອາຊຽນ ແລະ ສ.ເກົາຫຼີ ໃນໄລຍະ 1 ປີຜ່ານມາ ລວມທັງການຈັດຕັ້ງ ປະຕິບັດແລກປ່ຽນວັດທະນະ ທຳອາຊຽນ-ສ.ເກົາຫຼີ ໃນປີ 2017. ຜູ້ແທນອາຊຽນໄດ້ສະ ແດງຄວາມຊົມເຊີຍຕໍ່ ສ.ເກົາຫຼີ ທີ່ໄດ້ສ້າງຕັ້ງສູນວັດທະນະ ທຳອາຊຽນ ຢູ່ແຂວງປູຊານ, ສ.ເກົາຫຼີ ໂດຍຈະໄຂສູນຢ່າງ ເປັນທາງການໃນເດືອນກັນຍາ 2017 ຈະມາເຖິງນີ້. ສ່ວນຝ່າຍ ສ.ເກົາຫຼີ ໄດ້ຢ້ຳຄືນຄວາມ ໝາຍໝັ້ນ ທີ່ຈະໃຫ້ການສະ ໜັບສະໜູນອາຊຽນໃນດ້ານ ຕ່າງໆເຊັ່ນ: ການຮັດແຄບ ຄວາມແຕກໂຕນດ້ານການພັດ ທະນາ, ການພັດທະນາວິສາ ຫະກິດຂະໜາດນ້ອຍ ແລະ ກາງ ແລະ ການເຊື່ອມຈອດ. ກອງປະຊຸມລັດຖະມົນຕີ ຕ່າງປະເທດອາຊຽນ-ອິນເດຍ ໄດ້ມີຄວາມຍິນດີທີ່ເຫັນວ່າປີ 2017 ເປັນປີຄົບຮອບ 25 ປີ ແຫ່ງການພົວພັນອາຊຽນ-ອິນ ເດຍ ຊຶ່ງທັງສອງຝ່າຍໄດ້ດຳ ເນີນການສະເຫຼີມສະຫຼອງໂອ ກາດສຳຄັນດັ່ງກ່າວ ດ້ວຍການ ຈັດກິດຈະກຳຕ່າງໆຂຶ້ນ ແລະ ໄດ້ ຕົກລົງເຫັນດີຈະຈັດກອງປະຊຸມ ສຸດຍອດອາຊຽນ-ອິນເດຍໃນ ວັນທີ 25-26 ມັງກອນ 2018, ທີ່ນິວເດລີ, ອິນເດຍ. ນອກນັ້ນ ກອງປະຊຸມໄດ້ເຫັນດີຈະສືບຕໍ່ ວຽກງານຮ່ວມກັນ ເພື່ອນຳໃຊ້ ກອງທຶນສິນເຊື່ອ 1 ຕື້ໂດລາສະ ຫະລັດຂອງອິນເດຍ ເຂົ້າໃນ ໂຄງການເຊື່ອມຈອດຕ່າງໆໃນ ພາກພື້ນ, ລວມທັງການສ້າງເສັ້ນ ທາງຫຼວງອິນເດຍ-ມຽນມາ- ໄທ ແລະ ຂະຫຍາຍເຂົ້າສູ່ລາວ, ກຳປູເຈຍ ແລະ ຫວຽດນາມ. ກອງປະຊຸມລັດຖະມົນຕີ ຕ່າງປະເທດອາຊຽນ-ອົດສະ ຕຣາລີ ໄດ້ຕີລາຄາສູງຕໍ່ຜົນ ຂອງກອງປະຊຸມສຸດຍອດອາ ຊຽນ-ອົດສະຣາຕີ ຄັ້ງທຳອິດ ທີ່ໄດ້ຈັດຂຶ້ນ ໃນປີ 2016 ຢູ່ ສປປ ລາວ ຊຶ່ງຖືວ່າເປັນບາດ ກ້າວໃໝ່ໃນການພົວພັນອາ ຊຽນ - ອົດສະຕຣາລີ ແລະ ໄດ້ປຶກສາຫາລືການກະກຽມ ໃຫ້ແກ່ກອງປະຊຸມສຸດຍອດ ອາຊຽນ - ອົດສະຕຣາລີ ສະ ໄໝພິເສດ ທີ່ຈະຈັດຂຶ້ນໃນວັນ ທີ 17-18 ມີນາ 2018 ທີ່ຊິດນີ ອົດສະຕຣາລີ. ກອງປະຊຸມລັດຖະມົນຕີ ຕ່າງປະເທດອາຊຽນ-ສະຫະລັດ ໄດ້ຕີລາຄາສູງຕໍ່ການພົວພັນ ອາຊຽນ-ສະຫະລັດ ຄົບຮອບ 40 ປີ ໃນປີ 2017 ຊຶ່ງເຫັນວ່າ ການພົວພັນຮ່ວມມືລະຫວ່າງ ສອງຝ່າຍມີການຂະຫຍາຍຕົວ ເປັນກ້າວໆມາ. ອາຊຽນ ໄດ້ ສະແດງຄວາມຍິນດີທີ່ເຫັນວ່າ ສະຫະລັດ ພາຍໃຕ້ລັດຖະບານ ໃໝ່ ຍັງສືບຕໍ່ໃຫ້ຄວາມສຳຄັນ ຕໍ່ການພົວພັນອາຊຽນ-ສະຫະ ລັດ ແລະ ຖືອາຊຽນເປັນບຸລິ ມະສິດໃນນະໂຍບາຍຕ່າງປະ ເທດຂອງຕົນ. ສອງຝ່າຍໄດ້ ຢືນຢັນຈະສືບຕໍ່ຮັດແໜ້ນການ ຮ່ວມມືໃນຂົງເຂດຕ່າງໆທີ່ມີ ຜົນປະໂຫຍດຮ່ວມກັນເປັນ ຕົ້ນດ້ານຄວາມໝັ້ນຄົງ, ການ ຄ້າ, ການສຶກສາ, ການແລກ ປ່ຽນຊາວໜຸ່ມ ແລະ ອື່ນໆ. ສ່ວນກອງປະຊຸມລັດຖະ ມົນຕີຕ່າງປະເທດອາຊຽນ-ອີຢູ ໄດ້ຮັບຮອງເອົາເອກະສານສຳ ຄັນຄື: ຖະແຫຼງການຮ່ວມວ່າ ດ້ວຍການພົວພັນອາຊຽນ-ອີຢູ ຄົບຮອບ 40 ປີ, ແຜນປະຕິບັດ ງານອາຊຽນ-ອີຢູ ສະບັບໃໝ່ 2018-2022 ແລະ ຖະແຫຼງ ການຮ່ວມອາຊຽນ - ອີຢູ ວ່າ ດ້ວຍການຈັດຕັ້ງປະຕິບັດສັນ ຍາປາຣີກ່ຽວກັບການປ່ຽນແປງ ສະພາບດິນຟ້າອາກາດ.