ຍີ່ປຸ່ນໃຫ້ທຶນຊ່ວຍເຫຼືອສ້າງໂຮງຮຽນ 44 ແຫ່ງ ຢູ່ 3 ແຂວງພາກໃຕ້


...

    ລັດຖະບານຍີ່ປຸ່ນໄດ້ສະ ໜັບສະໜູນ ແລະ ໃຫ້ທຶນ ຊ່ວຍເຫຼືອໃນດ້ານການພັດທະ ນາພື້ນຖານໂຄງລ່າງການສຶກ ສາ ໂດຍຜ່ານອົງການໄຈກາ ປະຈຳລາວ ເພື່ອປະຕິບັດໂຄງ ການປັບປຸງສະພາບແວດລ້ອມ ຂອງໂຮງຮຽນ ແລະ ເປັນການ ຍົກລະດັບພັດທະນາຊັບພະຍາ ກອນມະນຸດ ແລະ ຊຸມຊົນຢູ່ 3 ແຂວງພາກ ໃຕ້ຄື: ສາລະວັນ, ເຊກອງ ແລະ ແຂວງອັດຕະປື. ປະກອບ ມີທຶນກໍ່ສ້າງອາຄານຮຽນ 44 ແຫ່ງ ໃນມູນຄ່າທັງໝົດ 8 ລ້ານກວ່າໂດລາສະຫະລັດ ຫຼື ປະມານ 64 ຕື້ກວ່າກີບ, ໃນ ນັ້ນ ແຂວງສາລະວັນ 23 ແຫ່ງ, ແຂວງເຊກອງ 12 ແຫ່ງ ແລະ ແຂວງອັດຕະປື 12 ແຫ່ງ. ທ່ານ ໂຢຊີຮາຣຸ ໂຍເນ ຢາມາ ຜູ້ຕາງໜ້າອົງການໄຈ ກ້າ (JICA) ປະຈຳ ສປປ ລາວ ໄດ້ລາຍງານກ່ຽວກັບການຈັດ ຕັ້ງປະຕິບັດໂຄງການວ່າ: ອາ ຄານຮຽນມັດທະຍົມທັງ 44 ແຫ່ງ ຂອງໂຄງການດັ່ງກ່າວ ເປັນອາຄານຊັ້ນດຽວຖາວອນ ແລະ ມີເອກະລັກໜຶ່ງດຽວຄື: ຫຼັງຄາມຸງດ້ວຍກະເບື້ອງສີຟ້າ, ກຳແພງສີຂາວ, ມີຫ້ອງຮຽນ ທັງໝົດ 250 ຫ້ອງ, ຫ້ອງການ ຄູ-ອາຈານ 21 ຫ້ອງ, ຫ້ອງນ້ຳ 36 ຫ້ອງ, ຫ້ອງສະໝຸດ ແລະ ອື່ນໆ. ໃນນັ້ນຢູ່ແຂວງສາລະ ວັນມີ 23 ແຫ່ງ (ມີ2 ບ້ານໄດ້ ຮັບທັງ 2 ງວດ), ແຂວງເຊກອງ 12 ແຫ່ງ ແລະ ແຂວງອັດຕະປື 12 ແຫ່ງ ລວມມູນຄ່າ 8 ລ້ານ ກວ່າໂດລາສະຫະລັດ ຫຼື ປະ ມານ 64 ຕື້ກວ່າກີບ. ສຳລັບຢູ່ແຂວງສາລະວັນ ໂຄງການດັ່ງກ່າວ ແມ່ນໄດ້ເລີ່ມ ແຕ່ປີ 2008 ເຖິງ 2016 ມີ 2 ງວດຄື: ງວດທີ 1 ມີ 5 ຕົວ ເມືອງ, ມີ 13 ບ້ານ ແລະ ມີ 13 ແຫ່ງ ມູນຄ່າ 2 ລ້ານກວ່າໂດ ລາສະຫະລັດ ແລະ ໄລຍະທີ 2 ມີ 5 ຕົວເມືອງ, ມີ 12 ບ້ານ ໄດ້ຮັບໂຄງການກໍ່ສ້າງໂຮງ ຮຽນຈຳນວນ 12 ແຫ່ງ ມີມູນຄ່າ 1 ລ້ານກວ່າໂດລາສະຫະລັດ, ສຳລັບໂຮງຮຽນມັດທະຍົມ ບ້ານໜອງໃສ ເມືອງສາລະວັນ ມີອາຄານຮຽນ 4 ຫຼັງ, ຊັ້ນດຽວ ມີມູນຄ່າການກໍ່ສ້າງ 2 ແສນ ກວ່າໂດລາສະຫະລັດ. ໄລຍະຜ່ານມາອົງການ ໄຈກ້າ ປະເທດຍີ່ປຸ່ນໃຫ້ທຶນສະ ໜັບສະໜູນເຂົ້າໃນການຊ່ວຍ ເຫຼືອສ້າງໂຮງຮຽນຕາມໂຄງ ການປັບປຸງສະພາບແວດລ້ອມ ຂອງໂຮງຮຽນມັດທະຍົມສຳ ເລັດແລ້ວ 95 ແຫ່ງ ຢູ່ແຂວງ ຈຳປາສັກ ແລະ ແຂວງສະຫວັນ ນະເຂດ. ພິທີມອບ-ຮັບໂຮງຮຽນ ພາຍໃຕ້ໂຄງການປັບປຸງສະ ພາບແວດລ້ອມໂຮງຮຽນມັດ ມະຍົມໄດ້ຈັດຂຶ້ນໃນທ້າຍອາ ທິດຜ່ານມານີ້ ຢູ່ບ້ານໜອງໃສ ເມືອງ ແລະ ແຂວງສາລະວັນ, ຊຶ່ງມອບໃຫ້ບັນດາ 3 ແຂວງ ພາກໃຕ້ຄື: ສາລະວັນ, ເຊກອງ ແລະ ແຂວງອັດຕະປື ໂດຍໃຫ້ ກຽດເຂົ້າຮ່ວມຂອງທ່ານນາງ ແສງເດືອນ ຫຼ້າຈັນທະບູນ ລັດ ຖະມົນຕີກະຊວງສຶກສາທິການ ແລະ ກິລາ, ທ່ານ ທາເຄຊິ ຮິກິ ຮະຣະ ເອກອັກຄະລາຊະທູດ ປະເທດຍີ່ປຸ່ນປະຈຳລາວ, ມີ ພາກສ່ວນກ່ຽວຂ້ອງເຂົ້າຮ່ວມ. (ຂ່າວ: ວິໄລວອນ ສິດທິໄຊ)