ລັດຖະບານ ຫັນບໍລິສັດອີທີແອວ ມະຫາຊົນ ຮ່ວມທຶນກັບຕ່າງປະເທດ


...

    ລັດຖະບານໄດ້ຕັດສິນໃຈ ຫັນບໍລິສັດອີທີແອວ ມະຫາຊົນ ຮ່ວມຮຸ້ນກັບບໍລິສັດ ເຈຍຟູ ໂຮນ ດິງ ຈຳກັດ ແລະ ປ່ຽນຊື່ມາເປັນ ບໍລິສັດອີທີແອວ ຈຳກັດ, ພ້ອມ ທັງຈັດພິທີມອບ-ຮັບໜ້າທີ່ຜູ້ ອຳນວຍການໃຫຍ່ ຂຶ້ນໃນວັນທີ 8 ສິງຫານີ້ ທີ່ບໍລິສັດອີທີແອວ ລະຫວ່າງ ທ່ານ ທອງສີ ວິໄລວົງ ຜູ້ອຳນວຍການໃຫຍ່ບໍລິສັດ ອີທີແອວ ມະຫາຊົນ ແລະ ທ່ານ ວູ ຈຽງເສິງ (WU JANG CHENG) ຜູ້ອຳນວຍການ ໃຫຍ່ບໍລິສັດ ອີທີແອວ ຈຳກັດ ໂດຍມີ ທ່ານ ທັນສະໄໝ ກົມມະສິດ ລັດຖະມົນຕີກະ ຊວງ ໄປສະນີ ໂທລະຄົມມະ ນາຄົມ ແລະ ການສື່ສານ (ປທສ) ມີພາກສ່ວນກ່ຽວຂ້ອງ ເຂົ້າຮ່ວມ. ການປ່ຽນຊື່ມາເປັນບໍລິສັດ ອີທີແອວ ຈຳກັດ ພ້ອມທັງປ່ຽນ ຜູ້ອຳນວຍການໃຫຍ່ດັ່ງກ່າວ ແມ່ນເພື່ອປະຕິບັດຕາມສັນຍາ ຮ່ວມທຶນລະຫວ່າງລັດຖະບານ ແຫ່ງ ສປປ ລາວ ແລະ ບໍລິສັດ ເຈຍຟູ ໂຮນດິງ ຈຳກັດ ແລະ ການເຫັນດີເປັນເອກະພາບ ຂອງຜູ້ຕາງໜ້າຜູ້ຖືຮຸ້ນຂອງທັງ ສອງຝ່າຍ. ທ່ານ ທັນສະໄໝ ກົມມະ ສິດ ໄດ້ຍົກໃຫ້ເຫັນເຖິງຄວາມ ຈຳເປັນພາວະວິໄສ ແລະ ການ ຕັດສິນໃຈຂອງລັດຖະບານ ລາວ ໃນການຫັນບໍລິສັດອີທີ ແອວ ໄປເປັນບໍລິສັດຮ່ວມທຶນ ກັບຕ່າງປະເທດ, ພ້ອມທັງ ສະແດງຄວາມຍ້ອງຍໍຊົມເຊີຍ ຕໍ່ຄະນະອຳນວນການບໍລິສັດ ອີທີແອວ ມະຫາຊົນ ທີ່ມີຄວາມ ອົດທົນຜ່ານຜ່າທຸກອຸປະສັກ ນາໆປະການ ເພື່ອປະຄັບປະ ຄອງການດຳເນີນທຸລະກິດໃຫ້ ສາມາດບໍລິການສັງຄົມ ແລະ ປະສົບຜົນສຳເລັດຫຼາຍດ້ານ ສາມາດມອບພັນທະໃຫ້ລັດ ຖະບານໄດ້ຄົບຖ້ວນຕາມແຜນ ທີ່ວາງໄວ້, ພ້ອມທັງຊົມເຊີຍ ບັນດາສະມາຊິກພັກ-ພະນັກ ງານທຸກຄົນທີ່ປະຕິບັດວຽກ ງານວິຊາສະເພາະຂອງຕົນ ຢ່າງຫ້າວຫັນ, ອຸ່ນອ່ຽນທຸ່ນທ່ຽງ ຕໍ່ການນຳພາຂອງພັກ-ລັດຖະ ບານ, ປະຕິບັດໜ້າທີ່ດ້ວຍ ຄວາມຮັບຜິດຊອບສູງ. ທ່ານລັດຖະມົນຕີກະຊວງ ປທສ ຍັງຮຽກຮ້ອງມາຍັງພະ ນັກງານທຸກຄົນ ພາຍໃຕ້ການ ນຳພາຂອງຄະນະອຳນວຍ ການບໍລິສັດອີທີແອວ ຈຳກັດ ຈົ່ງຮັກສາມູນເຊື້ອອັນດີງາມ ຂອງຕົນ ພ້ອມກັນປະຕິບັດໜ້າ ທີ່ໃຫ້ປະສົບຜົນສຳເລັດຕາມ ທີ່ຄະນະອຳນວຍການມອບ ໝາຍໃຫ້. (ຂ່າວ: ສຸກສາຄອນ)