ກອງປະຊຸມຜູ້ຊົງຄຸນວຸດທິບັນດາເຜົ່າທົ່ວແຂວງຫົວພັນ


...

    ແນວລາວສ້າງຊາດແຂວງ ຫົວພັນ ໄດ້ຈັດກອງປະຊຸມຜູ້ ຂົງຄຸນວຸດທິບັນດາເຜົ່າທົ່ວ ແຂວງຫົວພັນຂຶ້ນ ໃນລະຫວ່າງ ວັນທີ 3-4 ສິງຫາຜ່ານມານີ້ ທີ່ສະໂມສອນພະແນກແຜນ ການແຂວງ ໂດຍໃຫ້ກຽດເປັນ ປະທານຂອງ ທ່ານ ວັນໄຊ ແພງຊຸມມາ ກຳມະການສູນ ກາງພັກ ເລຂາພັກແຂວງ ເຈົ້າ ແຂວງຫົວພັນ, ມີທ່ານ ຈັນທະ ວົງ ແສນອາມາດມົນຕີ ຮອງ ປະທານສູນກາງແນວລາວ ສ້າງຊາດ, ທ່ານ ຄຳຜິວ ວົງສະ ຫວັນ ຮອງເລຂາພັກແຂວງ ປະທານແນວລາວສ້າງຊາດ ແຂວງ, ມີບັນດາຫົວໜ້າ, ຮອງ ຫົວໜ້າພະແນກການ, ກົມກອງ ອ້ອມຂ້າງແຂວງ ປະທານແນວ ລາວສ້າງຊາດເມືອງ, ຜູ້ຊົງຄຸນ ວຸດທິບັນດາເຜົ່າໃນທົ່ວແຂວງ ຕະຫຼອດຮອດພະນັກງານທີ່ ກ່ຽວຂ້ອງເຂົ້າຮ່ວມ. ກອງປະຊຸມໃນຄັ້ງນີ້ ໄດ້ ຮັບຟັງການລາຍງານເອກະ ສານດຳລັດ 315/ລບ ຂອງລັດ ຖະບານຈາກທ່ານ ລຸນທອງ ແກ້ວພິລາ ຮອງພະແນກພາຍ ໃນແຂວງ, ຮັບຟັງການລາຍ ງານຈາກສະພາບລວມໂດຍ ຫຍໍ້ກ່ຽວກັບວຽກງານສາສະ ໜາທົ່ວແຂວງຫົວພັນຈາກ ທ່ານ ຊຽງພູວຽງ ອິນທະວົງທຳ ແລະ ໄດ້ຮັບຟັງການບັນຍາຍ ຫຼາຍເອກະສານທີ່ສຳຄັນຄື: ບົດສະຫຼຸຸບການຈັດຕັ້ງປະຕິບັດ ວຽກງານປ້ອງກັນຊາດ-ປ້ອງ ກັນຄວາມສະຫງົບຈາກທ່ານ ອິງສອນ ແພງມີໄຊ ຫົວໜ້າ ປກຊ-ປກສ ແຂວງ. ຈາກນັ້ນ ໄດ້ຮັບຟັງຄວາມສາມັກຄີບັນດາ ເຜົ່າ, ກົນອຸບາຍຫັນປ່ຽນໂດຍ ສັນຕິຂອງສັດຕູ ແລະ ພາລະ ບົດບາດ-ໜ້າທີ່ຂອງຜູ້ຊົງຄຸນ ວຸດທິຈາກທ່ານ ຄຳຜິວ ວົງສະ ຫວັນ ຮອງເລຂາພັກແຂວງ ປະທານແນວລາວສ້າງຊາດ ແຂວງ ແລະ ມະຕິກອງປະຊຸມ ສາມັນຄົບຄະນະກຳມະການ ສູນກາງແນວລາວສ້າງຊາດ ຄັ້ງທີ 2 ສະໄໝທີ X ຈາກທ່ານ ຈັນທະວົງ ແສນອາມາດມົນຕີ ຮອງປະທານສູນກາງແນວລາວ ສ້າງຊາດ. ພ້ອມນັ້ນຍັງໄດ້ຮັບ ຟັງການປະກອບຄຳຄິດຄຳ ເຫັນ ແລະ ແລກປ່ຽນບົດຮຽນ ຊຶ່ງກັນ ແລະ ກັນຕື່ມອີກ. ໂອກາດດັ່ງກ່າວ, ທ່ານ ວັນໄຊ ແພງຊຸມມາ ໄດ້ໃຫ້ ກຽດໂອ້ລົມ ຊຶ່ງທ່ານໄດ້ເນັ້ນ ຫຼາຍບັນຫາທີ່ສຳຄັນ ໂດຍສະ ເພາະແມ່ນວຽກງານສາສະໜາ ເປັນວຽກງານໜຶ່ງທີ່ສຳຄັນຫຼໍ່ ແຫຼມໃນປັດຈຸບັນ. ສະນັ້ນ, ທ່ານໄດ້ຮຽກຮ້ອງໃຫ້ບັນດາອົງ ການຜູ້ຊົງຄຸນວຸດທິທີ່ເປັນຕົວ ແທນໃຫ້ແຕ່ລະທ້ອງຖິ່ນ, ສາ ສະໜາ ຈົ່ງເອົາໃຈໃສ່ປຸກລະ ດົມຂົນຂວາຍພໍ່ແມ່ປະຊາຊົນ ລູກຫຼານ, ເຍົາວະຊົນ, ຊາວ ໜຸ່ມໃຫ້ເຂົ້າໃຈ ແລະ ປະກອບ ສ່ວນໃນຂະບວນການຕ່າງໆ. ພ້ອມກັນເຄື່ອນໄຫວໄຫ້ຖືກ ຕ້ອງ, ສອດຄ່ອງຕາມນະໂຍ ບາຍຂອງພັກ, ລະບຽບກົດ ໝາຍຂອງລັດວາງອອກ ຮັກສາ ມູນເຊື້ອຄວາມສາມັກຄີປອງ ດອງຂອງປະຊາຊົນລາວບັນ ດາເຜົ່າ ເພື່ອປົກປັກຮັກສາພັດ ທະນາປະເທດຊາດ.