ກຽມສະຫຼອງວັນສ້າງຕັ້ງແນວລາວສ້າງຊາດ


...

    ເນື່ອງໃນໂອກາດວັນສ້າງ ຕັ້ງແນວລາວສ້າງຊາດ ຄົບ ຮອບ 67 ປີ (13/8/1950-13/8/2017), ທ່ານ ນາງ ຄຳຈັນ ພົມແສງສະຫວັນ ຄະນະພັກ, ຄະນະປະຈຳ, ຮອງປະທານສູນກາງແນວ ລາວສ້າງຊາດ (ສນຊ) ໂຄສົກ ສູນກາງແນວລາວສ້າງຊາດ ໄດ້ຖະແຫຼງຂ່າວກ່ຽວກັບການ ກະກຽມສະເຫຼີມສະຫຼອງວັນ ສ້າງຕັ້ງດັ່ງກ່າວຂຶ້ນ ເມື່ອ ວັນ ທີ 7 ສິງຫາຜ່ານມານີ້ ທີ່ ສນຊ ວ່າ: ບັນດາທ່ານແຂກທີ່ ມີກຽດ, ສື່ມວນຊົນຈາກທຸກພາກສ່ວນ ທີ່ນັບຖື ແລະ ຮັກແພງ, ຂ້າພະເຈົ້າຕາງໜ້າໃຫ້ ຄະນະປະຈຳສູນກາງແນວ ລາວສ້າງຊາດ ມີຄວາມຍິນດີ ຂໍແຈ້ງມາຍັງທ່ານສື່ມວນຊົນ ຈາກທຸກພາກສ່ວນ ໂດຍຜ່ານ ບັນດາທ່ານໄປຍັງພະນັກງານ ລັດຖະກອນ, ກຳມະກອນ, ທະຫານ, ຕຳຫຼວດຕະຫຼອດ ເຖິງປະຊາຊົນບັນດາເຜົ່າໃນ ທົ່ວປະເທດໄດ້ຮັບຊາບ: ວັນທີ 13 ສິງຫາ 1950 ແມ່ນໜຶ່ງໃນ ວັນປະຫວັດສາດທີ່ສຳຄັນຂອງ ຊາດ, ຊຶ່ງໃນກົດໝາຍວ່າດ້ວຍ ແນວລາວສ້າງຊາດໄດ້ລະບຸວ່າ: ການສະເຫຼີມສະຫຼອງວັນທີ 13 ສິງຫາທຸກໆປີ ໃຫ້ເປັນວັນສາ ມັກຄີປອງດອງທົ່ວປວງຊົນ ພ້ອມກັນນີ້ ວັນທີ 13 ສິງຫາກໍ່ ແມ່ນ ວັນສື່ມວນຊົນແຫ່ງຊາດ ແລະ ວັນການພິມຈຳໜ່າຍ. ຄືດັ່ງບັນດາທ່ານຮູ້ນຳກັນ ແລ້ວວ່າ ແນວລາວສ້າງຊາດ ແມ່ນອົງການຈັດຕັ້ງສຳພັນ ທາງການເມືອງທົ່ວສັງຄົມ, ເປັນສະຫະພັນສະໝັກໃຈທີ່ ສ້າງບົນພື້ນຖານຄວາມຕື່ນຕົວ ຂອງອົການຈັດຕັ້ງການເມືອງ, ອົງການຈັດຕັ້ງການເມືອງ- ສັງຄົມ ແລະ ບຸກຄົນທີ່ເປັນຕົວ ແທນໃຫ້ແກ່ຊົນເຜົ່າ, ຊັ້ນຄົນ, ສາສະໜາ ແລະ ເພດໄວລວມ ທັງຕົວແທນຄົນລາວທີ່ດຳລົງ ຊີວິດຢູ່ຕ່າງປະເທດ. ແນວລາວສ້າງຊາດໄດ້ ກຳເນີດ, ເຕີບໃຫຍ່ ແລະ ຂະ ຫຍາຍຕົວໂດຍຜ່ານ 3 ໄລຍະ ຄື: ແນວລາວອິດສະຫຼະ, ແນວ ລາວຮັກຊາດ ແລະ ແນວລາວ ສ້າງຊາດ ໂດຍສືບທອດ ແລະ ເສີມຂະຫຍາຍມູນເຊື້ອອັນສະ ຫງ່າລາສີຂອງແນວລາວອິດ ສະຫຼະ ແລະ ແນວລາວຮັກ ຊາດ ໃນເມື່ອກ່ອນ ແນວລາວ ສ້າງຊາດໄດ້ສືບຕໍ່ປະຕິບັດບົດ ບາດໜ້າທີ່ໃນການສຶກສາອົບ ຮົມເຕົ້າໂຮມຄວາມສາມັກຄີ ທົ່ວປວງຊົນລາວບັນດາເຜົ່າ ນັບທັງຄົນເຊື້ອຊາດລາວທີ່ດຳ ລົງຊີວິດຢູ່ຕ່າງປະເທດ. ເພື່ອ ເປັນກຳລັງແຮງເຂົ້າຮ່ວມທຸກ ຂະບວນການຂອງພັກ-ລັດ ໂດຍສະເພາະແມ່ນການປົກ ປັກຮັກສາ ແລະ ສ້າງສາພັດ ທະນາປະເທດຊາດ. ເພື່ອເປັນການສ້າງຂະ ບວນການຂ່ຳນັບຮັບຕ້ອນວັນ ສ້າງຕັ້ງແນວລາວສ້າງຊາດ ແລະ ວັນສື່ມວນຊົນແຫ່ງຊາດ ຄົບຮອບ 67 ປີ ໃຫ້ເປັນວັນສາ ມັກຄີປອງດອງທົ່ວປວງຊົນສູນ ກາງແນວລາວສ້າງຊາດ, ກະ ຊວງຖະແຫຼງຂ່າວ, ວັດທະນະ ທຳ ແລະ ທ່ອງທ່ຽວ, ຄະນະ ຊາວໜຸ່ມປະຊາຊົນປະຕິວັດ ລາວ ແລະ ແນວລາວສ້າງຊາດ ນະຄອນຫຼວງວຽງຈັນ ໄດ້ພ້ອມ ກັນສ້າງຂະບວນການຈັດຕັ້ງ ຫຼາຍກິດຈະກຳຮ່ວມກັນ ເພື່ອ ເຮັດໃຫ້ພະນັກງານ-ລັດຖະ ກອນ, ກຳມະກອນ, ທະຫານ ຕຳຫຼວດ ແລະ ມວນຊົນຊາວ ນະຄອນຫຼວງວຽງຈັນ ໄດ້ເຂົ້າ ຮ່ວມຢ່າງກວ້າງຂວາງ. ດັ່ງນັ້ນ, ການສະເຫຼີມສະ ຫຼອງວັນປະຫວັດສາດດັ່ງກ່າວ ໃນປີ 2017 ນີ້ ສູນກາງແນວ ລາວສ້າງຊາດໄດ້ມີຄຳແນະ ນຳເຖິງອົງການແນວລາວສ້າງ ຊາດບັນດາແຂວງ ເພື່ອຈັດຕັ້ງ ກິດຈະກຳຕ່າງໆ ຕາມຄວາມ ເໝາະສົມຕົວຈິງ. ສຳລັບຂັ້ນ ສູນກາງຄະນະຮັບຜິດຊອບ ຈະໄດ້ເຮັດກິດກຳດັ່ງນີ້: 1. ຈັດຕັ້ງປາຖະກະຖາ ມູນເຊື້ອວັນສ້າງຕັ້ງອົງການ ແນວລາວສ້າງຊາດ ວັນທີ 13 ສິງຫາ ແລະ ວັນລັດຖະທຳມະ ນູນແຫ່ງຊາດ ວັນທີ 15 ສິງຫາ. - ໃນໂອກາດນີ້ ຈະໄດ້ມີ ການຍ້ອງຍໍຊົມເຊີຍຕໍ່ການຈັດ ຕັ້ງບຸກຄົນດີເດັ່ນທີ່ໄດ້ປະກອບ ສ່ວນໃນວຽກງານແນວລາວ ສ້າງຊາດ 1 ປີຜ່ານມາ. 2. ຮ່ວມກັບອົງການຈັດ ຕັ້ງຊາວໜຸ່ມ, ອົງການກາແດງ, ກະຊວງຖະແຫຼງຂ່າວວັດທະ ນະທຳ ແລະ ທ່ອງທ່ຽວ ປຸກລະ ດົມການບໍລິຈາກເລືອດ ເພື່ອ ຊ່ວຍເຫຼືອສັງຄົມ ຊຶ່ງກິດຈະກຳ ນີ້ ຈະໄດ້ຈັດເປັນຫຼາຍຊຸດທັງ ຢູ່ຂັ້ນສູນກາງ ແລະ ທ້ອງຖິ່ນ ລາຍລະອຽດຈະມີແຈ້ງການ ສະເພາະ. 3. ຈັດຕັ້ງຂະບວນການ ແຂ່ງຂັນກິລາຈາກ 4 ພາກສ່ວນ ເຂົ້າຮ່ວມເຊັ່ນ: 3 ອົງການຈັດ ຕັ້ງມະຫາຊົນຂອງສູນກາງ ແນວລາວສ້າງຊາດ, ທະນາ ຄານພົງສະຫວັນ, ກອງເລຂາ ການນຳຂອງຫ້ອງວ່າການສູນ ກາງພັກ ແລະ ລັດວິສາຫະກິດ ໄປສະນີລາວ. 4. ເຮັດຂະບວນການຍ່າງ ເພື່ອສຸຂະພາບ ຊຶ່ງຈະໄດ້ຈັດ ຂຶ້ນໃນຕອນເຊົ້າຂອງວັນທີ 12/8/2017, ສະຖານທີ່ຍ່າງ ໄປ-ກັບ (ແຕ່ປະຕູໄຊ-ຫໍຄຳ). ເພື່ອເຮັດໃຫ້ການສະ ເຫຼີມສະຫຼອງ, ການເຮັດກິດຈະ ກຳຕ່າງໆດັ່ງທີ່ກ່າວມາຂັ້ນເທິງ ນັ້ນສົມກັບເປັນວັນສາມັກຄີ ປອງດອງທົ່ວປວງຊົນ. ໄດ້ບັນ ລຸຜົນສຳເລັດທັງມີບັນຍາກາດ ເບີກບານມ່ວນຊື່ນຂ້າພະເຈົ້າ ຕາງໜ້າຄະນະປະຈຳ ສນຊ. ຄະນະຮັບຜິດຊອບຂະບວນ ການຂໍເຊີນບັນດາທ່ານການ ນຳຂອງພັກ-ລັດ, ອົງການຈັດ ຕັ້ງມະຫາຊົນຕະຫຼອດເຖິງພະ ນັກງານ-ລັດຖະກອນ, ກຳມະ ກອນ, ທະຫານ, ຕຳຫຼວດ, ອົງ ການຈັດຕັ້ງສາກົນປະຈຳລາວ ແລະ ປະຊາຊົນລາວບັນດາ ເຜົ່າໃນນະຄອນຫຼວງວຽງຈັນ ຊຶ່ງຮ່ວມແຮງຮ່ວມໃຈ ແລະ ເຂົ້າຮ່ວມກິດຈະກຳທັງເປັນ ເຈົ້າພາບຮ່ວມກັນ. ພ້ອມກັນນີ້ ກໍສະແດງ ຄວາມຂອບໃຈມາຍັງບໍລິສັດ, ການຈັດຕັ້ງສັງຄົມຕະຫຼອດ ເຖິງບຸກຄົນ, ທຸກໆທ່ານທີ່ໄດ້ ປະກອບສ່ວນ, ສະໜັບສະໜູນ ວັດຖຸປັດໄຈເຂົ້າໃນການກະກຽມ ຈັດຕັ້ງຂະບວນການຕ່າງໆທີ່ ກ່າວມາ.