ເຮືອນ້ອຍອິດທິລິດສາມາດປ້ອງກັນແຊັມໄດ້ອີກສະໄໝ ໃນງານບຸນຊ່ວງເຮືອທ່າວັດຈັນ


...

     ງານບຸນຊ່ວງເຮືອປະເພນີ ປະຈຳປີ 2017 ທີ່ທ່າວັດຈັນ ເມືອງຈັນທະບູລີ ນະຄອນຫຼວງ ວຽງຈັນ ໄດ້ສຳເລັດລົງດ້ວຍບັນ ຍາກາດຟົດຟື້ນມ່ວນຊື່ນ ປີນີ້ ມີເຮືອເຂົ້າຮ່ວມທັງໝົດ 35 ລຳ, ໃນນີ້ມີເຮືອປະເພນີຍິງ 5 ລຳ, ເຮືອປະເພນີຊາຍ 9 ລຳ, ເຮືອ ສູດຊາຍ 5 ລຳ ແລະ ເຮືອກິລາ 12 ສີພາຍ 16 ລຳ, ຜ່ານການ ແຂ່ງຂັນຊະນະເລີດເຮືອປະ ເພນີຊາຍແມ່ນເຮືອນ້ອຍອິດທິ ລິດ ທະນາຄານຮ່ວມພັດທະ ນາ ສາມາດປ້ອງກັນແຊັມໄດ້ ສຳເລັດ ພ້ອມທັງຮັກສາຂັນ ໝູນວຽນໄປຄອງອີກສະໄໝ ໜຶ່ງ, ສຳລັບເຮືອສູດຊາຍໄດ້ ແກ່ເຮືອນາວາສັກສິດ, ສ່ວນ ເຮືອປະເພນີຍິງໄດ້ແກ່ເຮືອ ຈາກບ້ານແສນດິນ ເມືອງນາ ຊາຍທອງ ນະຄອນຫຼວງວຽງຈັນ ກໍສາມາດ ປ້ອງກັນແຊັມສຳເລັດເຊັ່ນກັນ, ເຮືອຊະນະເລີດອັນດັບທີ II ເຮືອປະເພນີຊາຍໄດ້ແກ່ເຮືອ ພັນທະມິດກໍ່ສ້າງ,ເຮືອປະເພນີ ຍິງ ໄດ້ແກ່ເຮືອໂຕໂຍຕ້າລາວ ທານີ, ເຮືອສູດຊາຍໄດ້ແກ່ເຮືອ ທ່າພະ (ໂຕໂຍຕ້າລາວທານີ), ສ່ວນເຮືອຊະນະເລີດອັນດັບ ທີ III ເຮືອປະເພນີຊາຍໄດ້ແກ່ ເຮືອພອນແກ້ວ, ເຮືອປະເພ ນີຍິງ ໄດ້ແກ່ເຮືອຊາວໜຸ່ມເມືອງ ໄຊທານີ, ເຮືອສູດຊາຍໄດ້ແກ່ ເຮືອບໍລິສັດອຸດສາຫະກຳ ເຫຼັກ, ສ່ວນເຮືອຊະນະເລີດອັນ ດັບທີ IV ເຮືອປະເພນີຊາຍໄດ້ ແກ່ເຮືອລາວໂຕໂຍຕ້າ, ເຮືອ ປະເພນີຍິງໄດ້ແກ່ເຮືອຫົງແມ່ ຍ່າ ແລະ ເຮືອສູດຊາຍ ໄດ້ແກ່ ເຮືອເຈົ້າແມ່ປະກາສິດ, ສຳລັບ ເຮືອ 12 ສີພາຍຊະນະເລີດ ແມ່ນເຮືອເທບພິຊິດໄຊຮອງ ຊະນະເລີດເຮືອເທບອຳມະລິນ, ທີສາມ ແມ່ນເຮືອເທບທິດາ ສ້ອຍຟ້າ,ນອກຈາກການແຂ່ງ ຂັນເຮືອຊ່ວງແລ້ວພາຍໃນ ງານຍັງມີການແຂ່ງຂັນຕີມວຍ ຊຶ່ງໄດ້ຮັບການສະໜັບສະ ໜູນຈາກບໍລິສັດຄຳເສັງຈຳ ກັດຜູ້ດຽວ. ພິທີມອບ-ຮັບລາງວັນເຮືອ ຊ່ວງປະເພນີປະຈຳປີ 2017 ທີ່ ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ ໄດ້ຈັດ ຂຶ້ນໃນວັນທີ 6 ຕຸລາ ທີ່ຜ່ານມາ ໂດຍພາຍໃຕ້ການເປັນປະ ທານຂອງທ່ານ ນາງ ບົວລອນ ວົງດາລາແສນ ເຈົ້າເມືອງຈັນ ທະບູລີ ທັງເປັນປະທານຄະນະ ກຳມະການຈັດງານບຸນອອກ ພັນສາປະວໍລະນາ ແລະ ຊ່ວງ ເຮືອປະເພນີປະຈຳປີ 2017, ມີບັນດາການນຳພັກ-ລັດ, ນັກ ກິລາເຮືອຊ່ວງ, ບໍລິສັດຫ້າງ ຮ້ານທີ່ໃຫ້ການສະໜັບສະໜູນ ເຮືອຊ່ວງພ້ອມຊາວເມືອງຈັນ ທະບູລີ ກໍຄືຊາວນະຄອນຫຼວງ ວຽງຈັນເຂົ້າຮ່ວມ. ໃນພິທີທ່ານ ນາງ ບົວລອນ ວົງດາລາແສນ ໄດ້ໃຫ້ກຽດກ່າວ ສະຫຼຸຸບຜົນສຳເລັດການຈັດ ງານບຸນອອກພັນສາປະວໍລະ ນາ ແລະ ຊ່ວງເຮືອປະເພນີປະ ຈຳປີ 2017 ວ່າ: ຕະຫຼອດໄລ ຍະ 3 ວັນ ຂອງການຈັດງານ ຊຶ່ງເຕັມໄປດ້ວຍບັນຍາກາດ ອັນເບີກບານມ່ວນຊື່ນ ແລະ ມີ ຄວາມໝາຍອັນເລິກເຊິ່ງຮັກ ສາໄດ້ທາງດ້ານຮີດຄອງປະເພ ນີອັນດີງາມ, ພິເສດໃນງານບຸນ ປີນີ້ຄະນະຮັບຜິດຊອບຂອງ ພວກເຮົາຮັກສາໄດ້ຄວາມສະ ຫງົບປອດໄພ ແລະ ຄວາມ ເປັນລະບຽບຮຽບຮ້ອຍຢ່າງຈົບ ງາມແຕ່ລະວັນກໍໄດ້ມີມວນ ຊົນທັງພາຍໃນ ແລະ ຕ່າງປະ ເທດຫຼັ່ງໄຫຼເຂົ້າມາທ່ຽວຊົມ ງານບຸນຢ່າງຫຼວງຫຼາຍທັງນີ້ ເພື່ອເປັນການຕ້ອນຮັບປີທ່ອງ ທ່ຽວລາວທີ່ຈະໄຂຂຶ້ນໃນໄລ ຍະອັນໃກ້ນີ້, ຈາກນັ້ນ ທ່ານ ນາງ ບົວລອນ ວົງດາລາແສນ ຍັງ ໄດ້ໃຫ້ກຽດມອບຂັນລາງວັນ ພ້ອມດ້ວຍເງິນສົດໃຫ້ແກ່ຜູ້ ຊະນະປະເພດຕ່າງໆຕື່ມອີກ. (ຂ່າວ: ພູວັນ)