ລາວ-ອິນໂດເນເຊຍ ສະຫຼອງ 60 ປີ ວັນສ້າງຕັ້ງ ສາຍພົວພັນການທູດ ແລະ 72 ປີ ວັນຊາດອິນໂດເນເຊຍ


...

     ໃນຕອນຄ່ຳຂອງວັນທີ 6 ຕຸລາ 2017, ທີ່ໂຮງແຮມແລນ ມາກ ນະຄອນຫຼວງວຽງຈັນ ການນຳຂອງ ສປປ ລາວ ແລະ ສ. ອິນໂດເນເຊຍ ໄດ້ເຂົ້າຮ່ວມ ງານລ້ຽງສະເຫຼີມສະຫຼອງວັນ ສ້າງຕັ້ງສາຍພົວພັນການທູດ ສປປ ລາວ-ສ. ອິນໂດເນເຊຍ ຄົບຮອບ 60 ປີ (30/8/1957- 30/8/2017), ວັນຊາດອິນໂດ ເນເຊຍ ຄົບຮອບ 72 ປີ ແລະ ວັນກອງທັບອິນໂດເນເຊຍ ຈັດ ໂດຍສະຖານທູດອິນໂດເນເຊຍ ປະຈຳ ສປປ ລາວ ໂດຍເປັນ ກຽດເຂົ້າຮ່ວມຂອງທ່ານ ສະ ເຫຼີມໄຊ ກົມມະສິດ ລັດຖະມົນ ຕີ ກະຊວງການຕ່າງປະເທດ ແຫ່ງ ສປປ ລາວ ແລະ ທ່ານ ເດສຣາ ເປີກາຢາ (Desra percaya) ຮອງລັດຖະມົນຕີ ຜູ້ຮັບຜິດຊອບວຽກງານການ ຕ່າງປະເທດ ໃນຂົງເຂດອາຊີ ປາຊີຟິກ ແລະ ອາຟຣິກາ, ກະ ຊວງການຕ່າງປະເທດອິນໂດ ເນເຊຍ ແລະ ມີບັນດາແຂກ ຖືກເຊີນຈາກທັງສອງຝ່າຍ ເຂົ້າຮ່ວມ. ໃນໂອກາດນີ້, ທ່ານ ສະເຫຼີມ ໄຊ ກົມມະສິດ ແລະ ທ່ານ ເດສ ຣາ ເປີກາຢາໄດ້ຜັດ ປ່ຽນກັນຂຶ້ນ ກ່າວຄຳ ເຫັນຕໍ່ ງານລ້ຽງດັ່ງກ່າວ ຊຶ່ງທັງສອງຝ່າຍໄດ້ສະແດງ ຄວາມຊົມເຊີຍ ແລະ ຕີລາຄາ ສູງຕໍ່ຜົນສຳເລັດໃນການຊຸກຍູ້ ສົ່ງເສີມການພົວພັນຮ່ວມມື ສອງຝ່າຍຕະຫຼອດໄລຍະ 60 ປີ ຜ່ານມາ ລະຫວ່າງສອງລັດຖະ ບານ ກໍຄືປະຊາຊົນສອງຊາດ ລາວ-ອິນໂດເນເຊຍ ທີ່ນັບມື້ໄດ້ ຮັບການເສີມຂະຫຍາຍ ແລະ ຍົກລະດັບຂຶ້ນເປັນກ້າວໆ ໃນນີ້ ສອງຝ່າຍໄດ້ແລກປ່ຽນການ ຢ້ຽມຢາມ ຊຶ່ງກັນ ແລະ ກັນ ຂອງ ຄະນະຜູ້ແທນຂັ້ນສູງຂອງສອງ ປະເທດ ຢ່າງເປັນປົກກະຕິ, ການ ຮັດແໜ້ນການພົວພັນຮ່ວມມື ດ້ານເສດຖະກິດການຄ້າ, ການ ລົງທຶນ, ກະສິກຳ ແລະ ການ ພັດທະນາຊັບພະຍາກອນມະ ນຸດ ໂດຍຜ່ານກົນໄກການປະ ສານງານໃນຫຼາຍລະດັບ ໂດຍ ສະເພາະຄະນະກຳມາທິການ ຮ່ວມວ່າດ້ວຍການຮ່ວມມືສອງ ຝ່າຍລາວ-ອິນໂດເນເຊຍ, ບົນ ພື້ນຖານຄວາມເຊື່ອໝັ້ນ, ຄວາມ ເຂົ້າອົກເຂົ້າໃຈ ຊຶ່ງກັນ ແລະ ກັນ. ໃນປີແຫ່ງການສະເຫຼີມສະຫຼອງ ວັນສ້າງຕັ້ງສາຍພົວພັນການທູດ ລາວ-ອິນໂດເນເຊຍ ຄົບຮອບ 60 ປີ ນີ້, ສອງປະເທດໄດ້ຈັດ ບັນດາກິດຈະກຳ ແລະ ການ ເຄື່ອນໄຫວຕ່າງໆເຊັ່ນ: ການ ຈັດງານການຄ້າ ແລະ ການ ທ່ອງທ່ຽວ, ການຈັດສຳມະນາ ກ່ຽວກັບການພົວພັນສອງຝ່າຍ, ງານວາງສະແດງຮູບພາບ, ລວມທັງການຢ້ຽມຢາມອິນໂດ ເນເຊຍ ຢ່າງເປັນທາງການຂອງ ລັດຖະມົນຕີຕ່າງປະເທດລາວ ໃນເດືອນກໍລະກົດຜ່ານມາ, ການເດີນທາງມາຢ້ຽມຢາມເຮັດ ວຽກຢູ່ ສປປ ລາວ ຂອງຮອງລັດ ຖະມົນຕີຕ່າງປະເທດອິນໂດເນ ເຊຍ ໃນຄັ້ງນີ້ ແລະ ແຜນການ ຢ້ຽມຢາມອິນໂດເນເຊຍ ຢ່າງ ເປັນທາງການຂອງນາຍົກລັດ ຖະມົນຕີ ສປປ ລາວ ໃນລະ ຫວ່າງວັນທີ 11-12 ຕຸລາ 2017 ທີ່ຈະມາເຖິງນີ້. ພ້ອມກັນນັ້ນ, ສອງຝ່າຍຍັງໄດ້ຢືນຢັນທີ່ຈະສືບ ຕໍ່ເສີມຂະຫຍາຍສາຍພົວພັນ ມິດຕະພາບອັນເປັນມູນເຊື້ອ ແລະ ຮັດແໜ້ນການຮ່ວມມື ລະ ຫວ່າງສອງປະເທດ ໃຫ້ນັບມື້ ເຕີບໃຫຍ່ຂະຫຍາຍຕົວໄປສູ່ ບາດກ້າວອັນໃໝ່ໃນຕໍ່ໜ້າ.