ກອງປະຊຸມລະດັບລັດຖະມົນຕີລະຫວ່າງລັດຖະມົນຕີ ຍທຂ ລາວ - ໄທ


...

     ກອງປະຊຸມລະດັບລັດ ຖະມົນຕີ ລະຫວ່າງລັດຖະມົນ ຕີກະຊວງໂຍທາທິການ ແລະ ຂົນສົ່ງ (ຍທຂ) ຂອງລາວ ກັບ ລັດຖະມົນຕີ ກະຊວງຄົມມະນາ ຄົມຂອງໄທ ໄດ້ຈັດຂຶ້ນໃນວັນ ທີ 5 ຕຸລາ ທີ່ລີສອດສັນຕິແຂວງ ຫຼວງພະບາງ ໂດຍການເປັນ ປະທານຮ່ວມ ຝ່າຍລາວມີ ທ່ານ ບຸນຈັນ ສິນທະວົງ ລັດ ຖະມົນຕີກະຊວງໂຍທາທິການ ແລະ ຂົນສົ່ງ ແລະ ຝ່າຍໄທ ມີ ທ່ານ ອາຄົມ ເຕີມພິດທະຍາ ໄພສິດ ລັດຖະມົນຕີກະຊວງ ຄົມມະນາຄົມ, ມີຄະນະຜູ້ແທນ ຂອງທັງສອງຝ່າຍເຂົ້າຮ່ວມ. ທ່ານ ບຸນຈັນ ສິນທະວົງ ຂຶ້ນກ່າວໄຂກອງປະຊຸມວ່າ: ກອງປະຊຸມຄັ້ງນີ້ຈັດຂຶ້ນເພື່ອ ທົບທວນຄືນບົດບັນທຶກ ກອງປະຊຸມສອງຝ່າຍ ຄັ້ງວັນ ທີ 13 ກໍລະກົດ 2016 ຜ່ານ ມາ ພ້ອມນີ້ຍັງຈະໄດ້ມີການ ປຶກສາຫາລືກັນດ້ວຍຫຼາຍບັນ ຫາທີ່ສຳຄັນ ໂດຍສະເພາະ ແມ່ນການເຊື່ອມໂຍງຜ່ານຂົວ ມິດຕະພາບ ລາວ - ໄທ, ການ ເຊື່ອມໂຍງທາງລົດໄຟ, ການ ເຊື່ອມໂຍງດ້ານການຂົນສົ່ງ ທາງລົດໂອໂຕ, ການເຊື່ອມ ໂຍງດ້ານການຂົນສົ່ງທາງອາ ກາດ, ການພັດທະນາພື້ນຖານ ໂຄງລ່າງ ແລະ ການພັດທະນາ ດ້ານບຸກຄະລາກອນ. ໃນໄລຍະຜ່ານມາ ກະ ຊວງໂຍທາທິການ ແລະ ຂົນ ສົ່ງຂອງລາວ ກັບ ກະຊວງຄົມ ມະນາຄົມຂອງໄທໄດ້ມີການ ພົວພັນຊ່ວຍເຫຼືອຊຶ່ງກັນ ແລະ ກັນ, ມີຫຼາຍໂຄງການທີ່ເປັນ ສິ່ງຢັ້ງຢືນເຖິງຜົນສຳເລັດຂອງ ການພົວພັນຮ່ວມມືຂອງທັງ ສອງຝ່າຍເຊັ່ນ: ບັນດາຂົວຂ້າມ ນ້ຳຂອງມິດຕະພາບ ລາວ - ໄທ ແຫ່ງທີ 1- 2 - 3 - 4 ທີ່ໄດ້ ສຳເລັດແລ້ວ ແລະ ຍັງມີແຫ່ງ ທີ 5 - 6 ແລະ ແຫ່ງຕໍ່ໆໄປທີ່ ຈະຕາມມາ ນອກນັ້ນຍັງມີເສັ້ນ ທາງເລກທີ 11, ເສັ້ນທາງລົດ ໄຟທ່ານາແລ້ງ - ໜອງຄາຍ ໄລຍະ 1, ໄລຍະ 2 ແລະ ເສັ້ນ ທາງອື່ນໆ, ບັນດາໂຄງການນ້ຳ ປະປາ, ການຂົນສົ່ງທາງບົກ, ທາງນ້ຳ ແລະ ທາງອາກາດ ລ້ວນແຕ່ແມ່ນສັກຂີພິຍານທີ່ ຢັ້ງຢືນເຖິງການຮ່ວມມື ແລະ ຊ່ວຍເຫຼືອກັນອັນດີລະຫວ່າງ ສອງກະຊວງ, ຜົນສຳເລັດດັ່ງ ກ່າວໄດ້ອຳນວຍຄວາມສະ ດວກ, ເຮັດໃຫ້ການໄປມາຫາສູ່ ແລກປ່ຽນ, ຄ້າຂາຍ, ການທ່ອງ ທ່ຽວ, ຢ້ຽມຢາມ - ຖາມຂ່າວ ຊຶ່ງກັນ ແລະ ກັນ ລະຫວ່າງປະ ຊາຊົນສອງຊາດ ນັບມື້ນັບດີ ຂຶ້ນ, ອັນເປັນການປະກອບ ສ່ວນເຂົ້າໃນການສ້າງເສດຖະ ກິດ ແລະ ຊີວິດການເປັນຢູ່ ຂອງປະຊາຊົນຢູ່ໃນອະນຸພາກ ພື້ນ ແລະ ພາກພື້ນອາຊີຕາ ເວັນອອກສ່ຽງໃຕ້ ຫຼື ອາຊຽນ ໃຫ້ນັບມື້ນັບເຂັ້ມແຂງຂຶ້ນ. (ຂ່າວ: ເພັດສາຄອນ ສິມມະວົງ)