ໜັງສືພິມສາມັກຄີພັດທະນາແມ່ນ ຜະລິດຕະພັນໃໝ່ຂອງ ສນຊ


...

     ໜັງສືພິມສາມັກຄີພັດທະ ນາຜະລິດຕະພັນໃໝ່ຂອງວຽກ ງານສື່ມວນຊົນ ທັງເປັນກະ ບອກສຽງຂອງສູນກາງແນວ ລາວສ້າງຊາດ (ສນຊ) ຊຶ່ງເປັນ ໜັງສືພິມສະບັບລາຍເດືອນ ໄດ້ອອກສູ່ສາຍຕາສັງຄົມຢ່າງ ເປັນທາງການເປັນສະບັບພິມ ອອກພິເສດ ໃນໂອກາດໄຂກອງ ປະຊຸມຄະນະປະຈຳ ສນຊ ເປີດ ກວ້າງ ຄັ້ງທີ 2 ສະໄໝທີ X. ໃນວັນທີ 5 ຕຸລາຜ່ານມາ, ທີ່ ສນຊ ໄດ້ຈັດພິທີຖະແຫຼງ ຂ່າວການສ້າງຕັ້ງໜັງສືພິມສາ ມັກຄີພັດທະນາສຽງຂອງສູນ ກາງແນວລາວສ້າງຊາດ ໂດຍ ເປັນກຽດເຂົ້າຮ່ວມຂອງທ່ານ ຈັນທະວົງ ແສນອາມາດມົນຕີ ຮອງປະທານ ສນຊ ທັງເປັນຜູ້ ຊີ້ນຳການສ້າງຕັ້ງໜັງສືພິມສາ ມັກຄີພັດທະນາ, ມີທ່ານຫົວ ໜ້າບັນນາທິການໜັງສືພິມສາ ມັກຄີພັດທະນາ ພ້ອມດ້ວຍສື່ ມວນຊົນຈາກທຸກພາກສ່ວນ ເຂົ້າຮ່ວມ. ໃນພິທີ ທ່ານ ຈັນທະວົງ ແສນອາມາດມົນຕີ ໄດ້ກ່າວ ວ່າ: ຈຸດປະສົງໃນການສ້າງຕັ້ງ ໜັງສືພິມສາມັກຄີພັດທະນາ ເພື່ອປະກອບສ່ວນໂຄສະນາ, ເຜີຍແຜ່ແນວທາງນະໂຍບາຍ ຂອງພັກ, ກົດໝາຍ ແລະ ແຜນ ພັດທະນາເສດຖະກິດ - ສັງ ຄົມຂອງລັດ, ການເຄື່ອນໄຫວ ຂອງແນວລາວສ້າງຊາດໃນແຕ່ ລະໄລຍະລົງສູ່ກຸ່ມເປົ້າໝາຍ ຕ່າງໆໄດ້ຮັບຮູ້ ແລະ ເຂົ້າໃຈ ຢ່າງເລິກເຊິ່ງ ໃນນັ້ນຕົ້ນຕໍ ແມ່ນເຮັດໜ້າທີ່ສຶກສາອົບຮົມ ການເມືອງ - ແນວຄິດໃຫ້ແກ່ ປະຊາຊົນບັນດາເຜົ່າ, ຊັ້ນຄົນ, ສາສະໜາ, ເພດໄວຕາມພາ ລະບົດບາດຂອງຕົນ, ເປັນແຫຼ່ງ ສະໜອງຂໍ້ມູນຂ່າວສານກ່ຽວ ກັບແນວທາງນະໂຍບາຍທີ່ ກອງປະຊຸມໃຫຍ່ ຄັ້ງທີ X ຂອງ ພັກ, ແຜນພັດທະນາເສດຖະ ກິດ - ສັງຄົມແຫ່ງຊາດ 5 ປີ ຄັ້ງທີ VIII ແລະ ກອງປະຊຸມ ໃຫຍ່ຜູ້ແທນທົ່ວປະເທດ ຄັ້ງທີ X ຂອງແນວລາວສ້າງຊາດວາງ ອອກໃຫ້ປະຊາຊົນຮັບຮູ້ຢ່າງ ກວ້າງຂວາງ ທັງເປັນພາຫະນະ ສຳລັບຖ່າຍທອດຂໍ້ມູນຂ່າວ ສານ ປະຈຳເດືອນ ແລະ ນຳ ເອົາ ແນວຄິດຕ່າງໆໄປສູ່ຜູ້ອ່ານທີ່ ມີລັກສະນະການເມືອງ ແລະ ຄວາມກ້າວໜ້າທາງດ້ານສັງ ຄົມ ທັງເປັນກະບອກສຽງຂອງ ສູນກາງແນວລາວສ້າງຊາດ ໃນການປະຕິບັດໜ້າທີ່ການ ເມືອງຂອງຕົນ. ທ່ານ ບຸນຈອມ ວົງເພັດ ຫົວໜ້າບັນນາທິການໜັງສືພິມ ສາມັກຄີພັດທະນາ ໄດ້ກ່າວ ວ່າ: ກົມໂຄສະນາອົບຮົມ ສນຊ ແລະ ສູນຝຶກອົບຮົມແມ່ນເຈົ້າ ຂອງໜັງສືພິມສາມັກຄີພັດທະ ນາ ພາຍໃຕ້ການຊີ້ນຳຂອງຄະ ນະປະຈຳ ສນຊ ຊຶ່ງໜັງສືພິມ ດັ່ງກ່າວມີທັງໝົດ 16 ໜ້າ ແລະ 4 ໜ້າ ສຳລັບລົງໂຄສະ ນາທົ່ວໄປ, ຜະລິດຕະພັນຂອງ ສນຊ ທີ່ມີໃນປັດຈຸບັນ ນອກ ຈາກໜັງສືພິມແລ້ວຍັງມີລາຍ ການວິທະຍຸ - ໂທລະພາບ ແລະ ວາລະສານ ສຳລັບໜັງສື ພິມພວກເຮົາໄດ້ພິມຢູ່ໂຮງພິມ ເສດຖະກິດການຄ້າ ຊຶ່ງເຮັດ ໜ້າທີ່ພິມ ແລະ ຈຳໜ່າຍໃຫ້ ພ້ອມ, ເປົ້າໝາຍການແຈກ ຢາຍແມ່ນສົ່ງໄປທົ່ວປະເທດ ຊຶ່ງມີຢູ່ 4 ພາກສ່ວນຕົ້ນຕໍຄື: ແຈກຢາຍໃຫ້ແກ່ກຳມະການ ສູນກາງແນວລາວສ້າງຊາດ, ກຳມະການແນວລາວສ້າງຊາດ ແຂວງໃນ 17 ແຂວງທົ່ວປະ ເທດ, ແຈກຢາຍໄປຫາເມືອງ - ບ້ານ, ພິມແຈກຢາຍໃນເບື້ອງ ຕົ້ນ 5.000 ສະບັບ ຄາດວ່າໃນ ປີ 2018 ຫາກມີຄວາມສາ ມາດຂະຫຍາຍຕື່ມໃຫ້ໄດ້ 10.000 ສະບັບ, ເປັນໜັງສື ພິມໂຄສະນາການເຄື່ອນໄຫວ ວຽກງານຮອບດ້ານຂອງ ສນຊ ຊຶ່ງປະກອບມີບົດຄວາມ - ບົດ ນຳ, ຄໍລຳວັດທະນະທຳ - ສັງ ຄົມ, ສາລະໜ້າຮູ້, ສຸຂະພາບ, ກິລາ ແລະ ຄໍລຳອື່ນໆ. (ຂ່າວ: ນ. ພູວັນ)