ວາງສີລາລືກໂຄງການກໍ່ສ້າງສວນສາທາລະນະມິດຕະພາບ ລາວ - ຍີ່ປຸ່ນ


...

     ແຂວງໄຊຍະບູລີໄດ້ຈັດພິ ທີວາງສີລາລືກໂຄງການກໍ່ສ້າງ ສວນສາທາລະນະມິດຕະພາບ ລາວ - ຍີ່ປຸ່ນ ຂຶ້ນໃນວັນທີ 5 ຕຸ ລາຜ່ານມາ ທີ່ແຂວງດັ່ງກ່າວ ໂດຍການເຂົ້າຮ່ວມຂອງທ່ານ ພົງສະຫວັນ ສິດທະວົງ ເຈົ້າ ແຂວງໄຊຍະບູລີ, ທ່ານ ທາເກຊິ ຮິກິຮາຣະ ເອກອັກຄະຣາຊະ ທູດ ຍີ່ປຸ່ນ ປະຈຳ ສປປ ລາວ, ມີການນຳຂອງແຂວງ, ເຈົ້າ ເມືອງ 11 ເມືອງ, ມີອຳນາດ ການປົກຄອງບ້ານອ້ອມຂ້າງ ເມືອງໄຊຍະບູລີເຂົ້າຮ່ວມ. ໂຄງການກໍ່ສ້າງສວນສາ ທາລະນະມິດຕະພາບລາວ - ຍີ່ປຸ່ນ ຕັ້ງຢູ່ບ້ານທ່ານາ ເມືອງ ໄຊຍະບູລີ, ມີເນື້ອທີ່ທັງໝົດ 2,5 ເຮັກຕາ, ມີມູນຄ່າການກໍ່ ສ້າງທັງໝົດ 17,793 ຕື້ກ່ວາ ກີບ ໃນນີ້ໄດ້ຮັບທຶນຊ່ວຍເຫຼືອ ຂອງລັດຖະບານ ແລະ ປະຊາ ຊົນຍີ່ປຸ່ນ ປະມານ 16 ຕື້ກວ່າ ກີບ (2 ລ້ານໂດລາ) ໂດຍແມ່ນ ບໍລິສັດ BM ກໍ່ສ້າງຂົວທາງ, ເຄຫາສະຖານ ຈຳກັດຜູ້ດຽວ ເປັນຜູ້ຮັບເໝົາກໍ່ສ້າງ ແລະ ໄດ້ ເລີ່ມລົງມືກໍ່ສ້າງໃນປີ 2017 ແລະ ໃຫ້ສຳເລັດໃນປີ 2018. ສວນດັ່ງກ່າວແມ່ນມີ ການອອກແບບອາຄານເປັນ ເຮືອນຮູບຊົງເອກະລັກຍີ່ປຸ່ນ 1 ຫຼັງ ພ້ອມດ້ວຍສວນແບບຍີ່ ປຸ່ນ, ເຮືອນຮູບຊົງເອກະລັກ ລາວເດີມ 1 ຫຼັງ ນອກນີ້ ພາຍ ໃນສວນຍັງປະກອບມີການກໍ່ ສ້າງສິ່ງເອື້ອອຳນວຍຄວາມ ສະດວກຕ່າງໆ ຄົບວົງຈອນ, ໂຄງການດັ່ງກ່າວ ພາຍຫຼັງ ກໍ່ສ້າງສຳເລັດແລ້ວ ນອກຈາກ ຈະເປັນສັນຍາລັກທີ່ສຳຄັນ ແຫ່ງມິດຕະພາບ ແລະ ການ ຮ່ວມມືຂອງທັງສອງຊາດ ແລ້ວ ຍັງຈະເປັນສະຖານທີ່ພັກ ຜ່ອນ ແລະ ທ່ອງທ່ຽວ ສຳລັບ ປະຊາຊົນ ແລະ ແຂກທີ່ມາ ຢ້ຽມຢາມເມືອງໄຊຍະບູລີອີກ ດ້ວຍ ໃນພິທີ ທ່ານເອກອັກຄະ ຣາຊະທູດ ຍີ່ປຸ່ນ ປະຈຳ ສປປ ລາວ ກໍໄດ້ຂຶ້ນມອບໂຄງການ ໃຫ້ແຂວງໄຊຍະບູລີດຳເນີນ ການກໍ່ສ້າງ ແລະ ໄດ້ມອບເງິນ ຈຳນວນ 2 ລ້ານໂດລາ ແລະ ກ່າວຮັບໂດຍທ່ານເຈົ້າແຂວງ ໄຊຍະບູລີ ພ້ອມທັງຮ່ວມກັນ ລັ່ນຄ້ອງ 9 ບາດ,ຕັດແຖບຜ້າ ແລະ ໄດ້ປູກຕົ້ນໄມ້. (ຂ່າວ: ອຸ່ນເຮືອນ ໂພທິລັກ ຫ້ອງວ່າການແຂວງໄຊຍະບູລີ)