ລາວຈະເປັນເຈົ້າພາບຈັດກອງປະຊຸມລັດຖະມົນຕີ ຄຸ້ມຄອງໄພພິບັດອາຊຽນ


...

     ສປປ ລາວ ຈະໄດ້ຮັບກຽດ ເປັນເຈົ້າພາບຈັດກອງປະຊຸມ ລັດຖະມົນຕີຄຸ້ມຄອງໄພພິບັດ ອາຊຽນ ຄັ້ງທີ 5 ແລະ ບັນດາ ກອງປະຊຸມປິ່ນອ້ອມຂຶ້ນທີ່ ແຂວງຫຼວງພະບາງ ໃນລະ ຫວ່າງວັນທີ 17-19 ຕຸລາທີ່ຈະ ມາເຖິງນີ້. ທ່ານ ປະສົງ ວົງຄຳຈັນ ຫົວໜ້າສັງຄົມສົງເຄາະ ກະ ຊວງແຮງງານ-ສະຫວັດດີການ ສັງຄົມ (ຮສສ) ໄດ້ຖະແຫຼງຂ່າວ ກ່ຽວກັບການກະກຽມຄວາມ ພ້ອມໃນການຈັດກອງປະຊຸມ ດັ່ງກ່າວຕໍ່ສື່ມວນຊົນ ເມື່ອວັນ ທີ 9 ຕຸລາຜ່ານມານີ້ ທີ່ກະຊວງ ຮສສ ວ່າ: ບັນດາກອງປະຊຸມ ທີ່ ສປປ ລາວ ຈະເປັນເຈົ້າພາບ ຈັດຂຶ້ນແມ່ນລວມມີກອງປະ ຊຸມຂັ້ນເຈົ້າໜ້າທີ່ອາວຸໂສ, ກອງປະຊຸມຂັ້ນລັດຖະມົນຕີ, ໃນນັ້ນ ຈະໄດ້ຈັດກິດຈະກຳ ສະເຫຼີມສະຫຼອງວັນຄຸ້ມຄອງໄພພິບັດອາຊຽນ ໃນລະດັບ ພາກພື້ນ ຊຶ່ງກິດຈະກຳດັ່ງກ່າວ ແມ່ນຈະໄດ້ຈັດຂຶ້ນໄປພ້ອມໆ ກັບພິທີໄຂກອງປະຊຸມລັດຖະ ມົນຕີ ຄຸ້ມຄອງໄພພິບັດອາຊຽນ ຢ່າງເປັນທາງການໃນວັນທີ 19 ຕຸລາ 2017, ບັນດາກິດຈະກຳ ປະກອບມີ: ການປ່ອຍປາລົງສູ່ ທຳມະຊາດແມ່ນ້ຳຂອງ, ການ ຈັດງານວາງສະແດງຮູບພາບ ແລະ ນຳສະເໜີວີດີໂອ, ການຕິດ ປ້າຍຄຳຂວັນຕາມເສັ້ນທາງທີ່ ສຳຄັນຢູ່ນະຄອນຫຼວງວຽງຈັນ, ການອອກຂ່າວໂຄສະນາ ເພື່ອ ໂຄສະນາປຸກຈິດສຳນຶກແກ່ ສັງຄົມໃຫ້ຮັບຮູ້້ ແລະ ເຂົ້າໃຈ ເຖິງໄພພິບັດ ແລະ ຄວາມສຳ ຄັນຂອງວຽກງານກຽມພ້ອມ, ປ້ອງກັນ ແລະ ການຫຼຸຸດຜ່ອນ ບັນດາຜົນກະທົບທີ່ອາດຈະ ເກີດຂຶ້ນຈາກໄພພິບັດ, ທ່ານ ກ່າວຕື່ມວ່າ: ການເປັນເຈົ້າພາບ ຈັດກອງປະຊຸມຄັ້ງນີ້ ແມ່ນມີ ຄວາມໝາຍສຳຄັນເປັນຢ່າງ ຍິ່ງ, ເປັນເວທີລະດັບສູງ ເພື່ອ ຮ່ວມກັນປຶກສາຫາລື, ແລກ ປ່ຽນ ແລະ ກຳນົດບັນດາມາດ ຕະການ ເພື່ອກຽມພ້ອມ, ຕອບ ໂຕ້, ປ້ອງກັນ, ແກ້ໄຂ ແລະ ຫຼຸຸດຜ່ອນຜົນກະທົບທີ່ອາດຈະ ເກີດຂຶ້ນຈາກໄພພິບັດທຳມະ ຊາດ ໂດຍສະເພາະ ໃນການ ຈັດຕັ້ງຜັນຂະຫຍາຍສັນຍາອາ ຊຽນວ່າດ້ວຍໜຶ່ງອາຊຽນ, ໜຶ່ງ ການຕອບໂຕ້, ອາຊຽນຮ່ວມ ກັນເປັນໜຶ່ງດຽວ ໃນການຕອບ ໂຕ້ໄພພິບັດທັງໃນ ແລະ ນອກ ອາຊຽນ ຊຶ່ງທັງສອງເອກະສານ ແມ່ນໄດ້ຮັບໂດຍບັນດາຜູ້ນຳ ອາຊຽນຢູ່ ສປປ ລາວ. ເພື່ອຮັບປະກັນໃຫ້ແກ່ ການເປັນເຈົ້າພາບຈັດກອງ ປະຊຸມຄັ້ງນີ້ ໃຫ້ໄດ້ຮັບຜົນດີ ກະຊວງ ຮສສ ໂດຍໄດ້ຮັບການ ມອບໝາຍຈາກລັດຖະບານ ພວກເຮົາ ໄດ້ມີການຈັດຕັ້ງ ຄະນະກຳມະການຮັບຜິດຊອບ ຊີ້ນຳລວມ ແລະ ອະນຸກຳມະ ການຕ່າງໆ ເພື່ອຮັບຜິດຊອບ ກະກຽມ ແລະ ດຳເນີນກອງປະ ຊຸມເປັນຕົ້ນດ້ານເນື້ອໃນກອງ ເລຂາ ແລະ ປະສານງານ, ເສດ ຖະກິດ ແລະ ພິທີການ, ການ ປ້ອງກັນຄວາມສະຫງົບ ແລະ ອື່ນໆ ໃນນັ້ນ ລວມທັງການ ແຕ່ງຕັ້ງຄະນະຮັບຜິດຊອບ ຊ່ວຍກະກຽມຢູ່ແຂວງຫຼວງພະ ບາງ ຊຶ່ງຊີ້ນຳໂດຍກົງຂອງ ທ່ານເຈົ້າແຂວງຫຼວງພະບາງ. ປັດຈຸບັນ ບັນດາອະນຸກຳມະ ການຝ່າຍຕ່າງໆ ທີ່ຮັບຜິດຊອບ ໃນການກະກຽມກອງປະຊຸມມີ ຄວາມພ້ອມ ແລະ ໄດ້ກະກຽມ ສຳເລັດໃນທຸກດ້ານ ບໍ່ວ່າຈະ ເປັນດ້ານເນື້ອໃນ, ເສດຖະກິດ, ພິທີການ ແລະ ການປ້ອງກັນ ອື່ນໆ ຕາມການຊີ້ນຳຂອງຄະນະ ພັກ, ຄະນະນຳ, ກະຊວງຮສສ ເຊື່ອແນ່ວ່າຜົນສຳເລັດຂອງ ກອງປະຊຸມຄັ້ງນີ້ ຈະເປັນການ ປະກອບສ່ວນທີ່ສຳຄັນໃຫ້ ແກ່ການຈັດຕັ້ງປະຕິບັດບັນດາ ແນວທາງຍຸດທະສາດສາກົນ ແລະ ອາຊຽນ ໃນການປ້ອງ ກັນ, ຫຼຸຸດຜ່ອນຜົນກະທົບ ແລະ ຊ່ວຍເຫຼືອດ້ານມະນຸດສະທຳ ແກ່ຜູ້ປະສົບເຄາະຮ້າຍຈາກ ໄພພິບັດທາງທຳມະຊາດ ແລະ ມະນຸດສ້າງຂຶ້ນ.