ລັດຖະມົນຕີກະຊວງການຕ່າງປະເທດ ຕ້ອນຮັບທູດ ສ.ເກົາຫຼີ


...

    

ໃນວັນທີ 13 ກັນຍານີ້ ທີ່ກະຊວງການຕ່າງປະເທດ, ທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງ ປະເທດ ແຫ່ງ ສປປ ລາວ ໄດ້ ຕ້ອນຮັບການເຂົ້າຢ້ຽມອຳລາ ຂອງທ່ານ ຢູນ ຄັງ ຮຽນ (Yun Kang Hyeon) ເອກອັກ ຄະລັດຖະທູດວິສາມັນຜູ້ມີອຳ ນາດເຕັມ ແຫ່ງ ສາທາລະນະ ລັດ ເກົາຫຼີ ປະຈຳ ສປປ ລາວ ໃນໂອກາດທີ່ໄດ້ສຳເລັດການ ປະຕິບັດໜ້າທີ່ການທູດຢູ່ ສປປ ລາວ. ໃນໂອກາດນີ້, ທ່ານ ສະ ເຫຼີມໄຊ ກົມມະສິດ ໄດ້ສະ ແດງຄວາມຊົມເຊີຍທ່ານທູດ ຢູນ ຄັງ ຮຽນ ຕໍ່ຜົນສຳເລັດທີ່ ຍາດມາໄດ້ໃນໄລຍະປະຕິບັດ ໜ້າທີ່ສຳຄັນອັນມີກຽດຢູ່ລາວ ແລະ ໄດ້ຕີລາຄາສູງຕໍ່ການປະ ກອບສ່ວນຢ່າງຕັ້ງໜ້າຂອງ ທ່ານທູດ ເຂົ້າໃນການເສີມຂະ ຫຍາຍສາຍພົວພັນມິດຕະພາບ ແລະ ການຮ່ວມມືທີ່ດີ ລະຫວ່າງ ສປປ ລາວ ແລະ ສ.ເກົາຫຼີ ໃຫ້ ແຕກດອກອອກຜົນໃນຫຼາຍ ດ້ານ ຊຶ່ງສະແດງອອກໃນການ ແລກປ່ຽນການຢ້ຽມຢາມຂອງ ການນຳຂັ້ນສູງຢ່າງເປັນປົກກະ ຕິ, ການຮ່ວມມືຊ່ວຍເຫຼືອ ເພື່ອ ການ ພັດທະນາ ໄດ້ກວມເອົາຫຼາຍ ຂົງເຂດ ເປັນຕົ້ນແມ່ນການ ພັດທະນາຊັບພະຍາກອນ ມະນຸດ, ການພັດທະນາຊົນນະ ບົດ, ການພັດທະນາກະສິກຳ ແລະ ການພັດທະນາພື້ນຖານ ໂຄງລ່າງຕ່າງໆ; ການຮ່ວມມື ພາກທຸລະກິດທີ່ຢູ່ໃນທ່າຂະ ຫຍາຍຕົວແຮງ, ການໄປມາ ຫາສູ່ກັນລະຫວ່າງປະຊາຊົນ ສອງຊາດໄດ້ເພີ່ມຂຶ້ນ ແລະ ມີ ການເປີດຖ້ຽວບິນໂດຍສານ ໂດຍກົງ ລະຫວ່າງສອງປະ ເທດຫຼາຍຂຶ້ນ. ພ້ອມກັນນັ້ນ, ທ່ານ ສະ ເຫຼີມໄຊ ກົມມະສິດ ໄດ້ຕາງ ໜ້າໃຫ້ລັດຖະບານ ແລະ ປະ ຊາຊົນລາວ ສະແດງຄວາມ ຂອບໃຈ ແລະ ຮູ້ບຸນຄຸນໄປຍັງ ລັດຖະບານ ແລະ ປະຊາຊົນ ສ.ເກົາຫຼີ ທີ່ໄດ້ໃຫ້ການສະໜັບ ສະໜູນຊ່ວຍເຫຼືອ ສປປ ລາວ ໃນໄລຍະຜ່ານມາ ຊຶ່ງເປັນ ການປະກອບສ່ວນອັນສຳຄັນ ເຂົ້າໃນການພັດທະນາເສດຖະ ກິດ-ສັງຄົມຂອງ ສປປ ລາວ ໃຫ້ນັບມື້ນັບຂະຫຍາຍຕົວ. ໃນຂະນະດຽວກັນ, ທ່ານ ເອກອັກຄະລັດຖະທູດ ຢູນ ຄັງ ຮຽນ ກໍໄດ້ສະແດງຄວາມຂອບ ໃຈເປັນຢ່າງຍິ່ງຕໍ່ລັດຖະບານ ລາວ ທີ່ໄດ້ໃຫ້ການຮ່ວມມື, ສະໜັບສະໜູນ ແລະ ອຳນວຍ ຄວາມສະດວກ ຕະຫຼອດໄລ ຍະການປະຕິບັດໜ້າທີ່ການ ທູດຂອງທ່ານຢູ່ ສປປ ລາວ ໃນຄັ້ງນີ້ ຈົນປະສົບຜົນສຳເລັດ ເປັນຢ່າງດີ.