ກະຊວງການເງິນ ສືບຕໍ່ເຜີຍແຜ່ເອກະສານການຈັດຕັ້ງ ແລະ ການເຄື່ອນໄຫວຂອງຂະແໜງການເງິນໃຫ້ 4 ແຂວງພາກເໜືອ


...

    

ເພື່ອເປັນການສືບຕໍ່ຈັດ ຕັ້ງຜັນຂະຫຍາຍ ແລະ ເຊື່ອມ ຊຶມເອກະສານກ່ຽວກັບການ ຈັດຕັ້ງ ແລະ ການເຄື່ອນໄຫວ ຂອງຂະແໜງການເງິນໃຫ້ 4 ແຂວງພາກເໜືອຄື: ແຂວງຫຼວງ ພະບາງ, ໄຊຍະບູລີ, ຊຽງຂວາງ ແລະ ແຂວງຫົວພັນ, ໃນລະ ຫວ່າງວັນທີ 11-12 ຕຸລາຜ່ານ ມານີ້, ທີ່ຫ້ອງວ່າການປົກຄອງ ແຂວງຫຼວງພະບາງ, ກະຊວງ ການເງິນໄດ້ຈັດກອງປະຊຸມສຳ ມະນາກ່ຽວກັບການຈັດຕັ້ງ ແລະ ການເຄື່ອນໄຫວຂອງຂະ ແໜງການເງິນໃຫ້ 4 ແຂວງ ພາກເໜືອໂດຍການເປັນປະ ທານຂອງທ່ານ ສົມດີ ດວງດີ ຮອງນາຍົກລັດຖະມົນຕີ, ລັດ ຖະມົນຕີກະຊວງການເງິນ, ມີ ທ່ານເຈົ້າແຂວງ, ຫົວໜ້າຫ້ອງ ການກະຊວງ, ຮອງເຈົ້າແຂວງ, ຫົວໜ້າພະແນກ, ຮອງພະແນກ ການເງິນ, ພ້ອມດ້ວຍພາກ ສ່ວນທີ່ກ່ຽວຂ້ອງເຂົ້າຮ່ວມ. ໃນກອງປະຊຸມ ທ່ານ ສົມບູນ ອິນທະປັດຖາ ຫົວໜ້າ ຫ້ອງການກະຊວງການເງິນໄດ້ ຂຶ້ນຜ່ານເອກະສານຈຳນວນ 4 ສະບັບກ່ຽວກັບການຈັດຕັ້ງ ແລະ ການເຄື່ອນໄຫວຂອງ ກະຊວງການເງິນ ແລະ ສາມ ຂະແໜງສາຍຕັ້ງພາສີ, ສ່ວຍ ສາອາກອນ ແລະ ຄັງເງິນແຫ່ງ ຊາດ, ພ້ອມທັງຄົ້ນຄວ້າ ແລະ ປະກອບຄຳຄິດເຫັນໃສ່ 3 ຮ່າງ ຂໍ້ຕົກລົງຂອງກະຊວງການເງິນ ຄື: ຮ່າງຄຳແນະນຳກ່ຽວກັບ ການແບ່ງຄວາມຮັບຜິດຊອບ, ກົນໄກການປະສານສົມທົບລະ ຫວ່າງກະຊວງການເງິນ ແລະ ອົງການປົກຄອງທ້ອງຖິ່ນ, ຮ່າງການຈັດຕັ້ງ ແລະ ການ ເຄື່ອນໄຫວຂອງພະແນກການ ເງິນແຂວງ ແລະ ນະຄອນຫຼວງ ວຽງຈັນ, ຮ່າງການຈັດຕັ້ງ ແລະ ການເຄື່ອນໄຫວຂອງຫ້ອງການ ການເງິນເມືອງ, ເທດສະບານ, ນະຄອນ ແລະ ທັງເພື່ອຮັບຟັງ ຄວາມຄິດເຫັນຈາກຫຼາຍພາກ ສ່ວນທີ່ກ່ຽວຂ້ອງ ເພື່ອເປັນ ບ່ອນ ອີງໃນການປັບປຸງບັນ ດານິຕິກຳດັ່ງກ່າວ ເພື່ອເປັນ ເຄື່ອງມືທີ່ສຳຄັນໃນການຄຸ້ມ ຄອງການຈັດຕັ້ງປະຕິບັດແຜນ ງົບປະມານແຫ່ງລັດໃຫ້ມີປະ ສິດທິພາບ ແລະ ປະສິດທິຜົນ ກວ່າເກົ່າ. ໂອກາດນີ້, ທ່ານ ສົມດີ ດວງດີ ໄດ້ມີຄຳເຫັນຕໍ່ກອງປະ ຊຸມວ່າ: ການຈັດກອງປະຊຸມດັ່ງ ກ່າວ ແມ່ນມີຄວາມສຳຄັນທີ່ ສຸດສຳລັບຂະແໜງການເງິນ, ເນື່ອງຈາກວ່າບັນດາພະແນກ ການທີ່ກ່ຽວຂ້ອງໄດ້ປະກອບ ຄຳຄິດຄຳເຫັນ ເພື່ອເປັນບ່ອນ ອີງໃນການປັບປຸງນິຕິກຳຂອງ ຂະແໜງການເງິນ ທີ່ເປັນເຄື່ອງ ມືສຳຄັນໃຫ້ແກ່ການຄຸ້ມຄອງ ວຽກງານການເງິນ, ງົບປະມານ ແຫ່ງລັດ, ການຈັດຕັ້ງແຜນງົບ ປະມານແຫ່ງລັດໃຫ້ມີປະສິດ ທິພາບ, ໂດຍອີງຕາມການປັບ ປຸງກົດໝາຍສຳຄັນຈຳນວນ ໜຶ່ງເຊັ່ນ: ກົດໝາຍວ່າດ້ວຍລັດ ຖະບານ, ກົດໝາຍວ່າດ້ວຍ ການປົກຄອງທ້ອງຖິ່ນ, ກົດ ໝາຍວ່າດ້ວຍຂະແໜງການ ເງິນ ແລະ ຂະແໜງການອື່ນໆ ທີ່ກ່ຽວຂ້ອງ, ຊຶ່ງຄະນະຮັບຜິດ ຊອບການປັບປຸງດັ່ງກ່າວຈະ ໄດ້ສັງລວມບັນດາຄວາມຄິດ ເຫັນເພື່ອຄົ້ນຄວ້າປັບປຸງສະ ເໜີຕໍ່ຂັ້ນເທິງເພື່ອຮັບຮອງໃນ ການຈັດຕັ້ງປະຕິບັດ. ໃນກອງປະຊຸມດັ່ງກ່າວ, ຜູ້ເຂົ້າຮ່ວມໄດ້ປະກອບຄຳຄິດ ຄຳເຫັນໃສ່ໃນບັນຫາສິດ ແລະ ໜ້າທີ່, ພາລະບົດບາດຂອງ ທ້ອງຖິ່ນ ໃນແຕ່ລະຂັ້ນໃນການ ຄຸ້ມຄອງ, ການຍົກຍ້າຍແຕ່ງ ຕັ້ງພະນັກງານ, ການຄຸ້ມຄອງ ລາຍຈ່າຍງົບປະມານ ລວມໄປ ເຖິງກົນໄກ ວິທີການປະຕິບັດ ໄວຕໍ່ຜູ້ກະທຳຜິດ ເພື່ອໃຫ້ກົດ ໝາຍມີຜົນສັກສິດໄປຕາມ ທິດຂັ້ນເທິງວາງໄວ້ສ້າງລັດ ແຫ່ງກົດໝາຍ. ຂ່າວແຈ້ງໃຫ້ຮູ້ຕື່ມອີກວ່າ: ໃນລະຫວ່າງວັນທີ 9-10 ຕຸລາ ຜ່ານມານີ້, ທີ່ສະໂມສອນ ຫ້ອງວ່າການແຂວງຈຳປາສັກ, ກະຊວງການເງິນໄດ້ຈັດກອງ ປະຊຸມສຳມະນາກ່ຽວກັບການ ຈັດຕັ້ງ ແລະ ການເຄື່ອນໄຫວ ຂອງຂະແໜງການເງິນໃຫ້ 4 ແຂວງພາກໃຕ້ປະກອບມີ ແຂວງ ຈຳປາສັກ, ສາລະວັນ, ເຊກອງ ແລະ ອັດຕະປື ໂດຍ ການເປັນປະທານຂອງທ່ານ ບຸນໂຈມ ອຸບົນປະເສີດ ຮອງ ລັດຖະມົນຕີກະຊວງການເງິນ, ມີທ່ານຮອງເຈົ້າແຂວງຈຳປາ ສັກ, ສາລະວັນ, ເຊກອງ ແລະ ແຂວງອັດຕະປື, ມີຫົວໜ້າກົມ, ຫົວໜ້າພະແນກ, ຮອງພະແນກ ການເງິນ ແລະ ພາກສ່ວນທີ່ ກ່ຽວຂ້ອງເຂົ້າຮ່ວມ. ການຈັດກອງປະຊຸມໃນຄັ້ງ ນີ້, ຈຸດປະສົງເພື່ອເຊື່ອມຊຶມເອ ກະສານທັງ 4 ສະບັບກ່ຽວກັບ ວຽກງານການຈັດຕັ້ງ ແລະ ການ ເຄື່ອນໄຫວຂອງກະຊວງການ ເງິນ ແລະ ສາມຂະແໜງສາຍ ຕັ້ງພາສີ, ສ່ວຍສາອາກອນ ແລະ ຄັງເງິນແຫ່ງຊາດ, ພ້ອມ ທັງຄົ້ນຄວ້າ ແລະ ປະກອບຄຳ ຄິດຄຳເຫັນໃສ່ 3 ຮ່າງຂໍ້ຕົກລົງ ຂອງກະຊວງການເງິນ ທັງນີ້, ກໍເພື່ອໃຫ້ພະນັກງານ-ລັດຖະ ກອນຂະແໜງການເງິນທັງ 4 ແຂວງພາກໃຕ້ມີຄວາມເຂົ້າໃຈ ໃນການຈັດຕັ້ງປະຕິບັດວຽກ ງານວິຊາສະເພາະ.