ປະກາດສ້າງຕັ້ງສານປະຊາຊົນເຂດ IV ທີ່ເມືອງອາດສະພັງທອງ


...

    

ພິທີປະກາດການສ້າງຕັ້ງ ສານປະຊາຊົນເຂດ IV ແລະ ປະກາດແຕ່ງຕັ້ງຜູ້ພິພາກສາ ປະຈຳສານປະຊາຊົນແຂວງ ແລະ ສານປະຊາຊົນເຂດ ໄດ້ ຈັດຂຶ້ນໃນອາທິດຜ່ານມານີ້ ທີ່ ສະໂມສອນເມືອງອາດສະພັງ ທອງ ແຂວງສະຫວັນນະເຂດ ໂດຍການເຂົ້າຮ່ວມຂອງທ່ານ ຄຳພັນ ສິດທິດຳພາ ກຳມະ ການສູນກາງພັກ ເລຂາຄະນະ ພັກ ປະທານສານປະຊາຊົນສູງ ສຸດ, ທ່ານ ທອງທ່ຽງ ສີດາວົງ ກຳມະການປະຈຳພັກແຂວງ ມີຫົວໜ້າຄະນະຈັດຕັ້ງແຂວງ, ມີແຂກຖືກເຊີນເຂົ້າຮ່ວມ. ໃນພິທີແມ່ນໄດ້ຜ່ານມະ ຕິຕົກລົງຂອງຄະນະສະພາ ແຫ່ງຊາດ ເລກທີ 043/ສພຊ ວ່າດ້ວຍການແຕ່ງຕັ້ງຜູ້ພິພາກ ສາສານປະຊາຊົນແຂວງ ແລະ ຜູ້ພິພາກສາສານປະຊາຊົນ ເຂດຄື: ແຕ່ງຕັ້ງທ່ານ ບຸນມາລາ ຮັງປອນສະຫວັນ ຜູ້ຊ່ວຍຜູ້ ພິພາກສາເປັນຜູ້ພິພາກສາ ຊັ້ນ 1 ຂັ້ນ 4 ປະຈຳຢູ່ສານປະ ຊາຊົນແຂວງ, ແຕ່ງຕັ້ງທ່ານ ທົງໄຊ ພຸດທະວົງ ແລະ ທ່ານ ແສງຈະເລີນ ອິນພາພອນ ເປັນ ຜູ້ພິພາກສາປະຈຳສານປະຊາ ຊົນເຂດ 1, ທ່ານ ລິດທິເດດ ພະສະຫວັດ ແລະ ທ່ານ ພູພະໃນ ເພັດຊົມພູ ເປັນຜູ້ພິ ພາກສາສານປະຊາຊົນເຂດ 2, ທ່ານນາງ ອິນດາລາ ເອກໂສ ພົນ, ທ່ານ ນາງ ພວງແກ້ວ ຍົມມະນີ, ທ່ານ ສຸລິພົນ ວົງສີ ແກ້ວ, ທ່ານ ສົມຈິດ ບຸບຜາວົງ ເປັນຜູ້ພິພາກສາສານປະຊາ ຊົນເຂດ 3, ສຳລັບເຂດ 4 ສ້າງ ຕັ້ງໃໝ່ຕາມຂໍ້ຕົກລົງຂອງປະ ທານສານປະຊາຊົນສູງສຸດ ແມ່ນມີທີ່ຕັ້ງຢູ່ເມືອງອາດສະ ພັງທອງ ໂດຍມີ 3 ເມືອງດັ່ງ ກ່າວຂຶ້ນກັບ ແລະ ແຕ່ງຕັ້ງ ທ່ານ ສີບຸນເຮືອງ ໂກສົນ ຜູ້ພິ ພາກສາສານປະຊາຊົນແຂວງ ເປັນຜູ້ວ່າການປະທານສານ ເຂດ 4, ທ່ານ ສຸກສະໝອນ ສີທຳມະວັນ ຮອງປະທານສານ ເຂດ2, ທ່ານ ສົມໄມຕີ ແກ້ວ ຄຳໂພ ຮອງສານເຂດ3 ມາ ເປັນຮອງປະທານສານປະຊາ ຊົນເຂດ4 ແລະ ແຕ່ງຕັ້ງ ທ່ານ ສະເຫຼີມໄຊ ສຸນາເຄນ ຜູ້ພິພາກ ສາສານປະຈຳສານປະຊາຊົນ ແຂວງໄປປະຈຳຢູ່ສານປະຊາ ຊົນເຂດ 4. ໂອກາດນີ້ທ່ານ ຄຳພັນ ສິດທິດຳພາ ກໍໄດ້ປະດັບຊັ້ນ ແລະ ມອບຊຸດເຄື່ອງນຸ່ງໃນ ເວລາຕັດສິນຄະດີໃຫ້ຜູ້ພິພາກ ສາໃໝ່ຈຳນວນ 11 ທ່ານ ພ້ອມ ທັງອະທິບາຍໃຫ້ຮູ້ເຖິງຄວາມ ໝາຍຂອງກາໝາຍ, ຂອງສີ ເສື້ອ, ຊຶ່ງໂດຍລວມກໍແມ່ນສີ ແຫ່ງຄວາມສັດທາ, ສີແຫ່ງ ຄວາມເປັນເກອະລາດຂອງ ສານ, ສີແຫ່ງຄວາມສັດຊື່ ແລະ ເປັນທຳ. ຈາກນັ້ນ ກໍໄດ້ແນະ ນຳໃນການປະຕິບັດໜ້າທີ່ວຽກ ງານ, ໂດຍຈະຕ້ອງມີການປັບ ປຸງກໍ່ສ້າງພະນັກງານ, ປັບປຸງ ແບບແຜນວິທີເຮັດວຽກ, ແບ່ງ ວຽກໃຫ້ລະອຽດຈະແຈ້ງ ອັນສຳ ຄັນຕ້ອງມີຄວາມສາມັກຄີຊ່ວຍ ເຫຼືອຊຶ່ງກັນ ແລະ ກັນ ເອົາໃຈ ໃສ່ຄົ້ນຄວ້າຄະດີໃຫ້ລະອຽດ, ຕັດສິນດ້ວຍຄວາມເປັນທຳ ເປັນທີ່ເພິ່ງພາອາໄສ ແລະ ໄວ ເນື້ອເຊື່ອໃຈຂອງພັກ, ຂອງ ຊາດ ແລະ ຂອງປະຊາຊົນ.