ສສຊ ສະເໜີຫຼາຍບັນຫາໃຫ້ລັດຖະບານ ພິຈາລະນາ


...

    

ບັນດາສະມາຊິກສະພາ ແຫ່ງຊາດ ຫຼື ສສຊ ສະເໜີໃຫ້ ລັດຖະບານພິຈາລະນາຫຼາຍ ບັນຫາເປັນຕົ້ນແມ່ນການແກ້ ໄຂຄວາມທຸກຍາກຂອງປະຊາ ຊົນຕ້ອງມີຈຸດສຸມ ແລະ ມີການ ວິໄຈທາງວິທະຍາສາດ, ການ ແກ້ໄຂປາກົດການຫຍໍ້ທໍ້ທີ່ເກີດ ຂຶ້ນໃນສັງຄົມ. ໃນວັນທີ 18 ຕຸລາ ກອງ ປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດຊຸດທີ VIII ພາຍໃຕ້ການເປັນປະທານ ຂອງທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ, ບັນ ດາ ສສຊ ໄດ້ພ້ອມກັນປະກອບ ຄຳເຫັນໃສ່ບົດລາຍງານຂອງ ລັດຖະບານກ່ຽວກັບແຜນພັດ ທະນາເສດຖະກິດ-ສັງຄົມ, ແຜນງົບປະມານ ແລະ ແຜນ ເງິນຕາ. ທ່ານ ຄຳສາຍ ພັນດານຸວົງ ສສຊ ເຂດ 11 ບໍລິຄຳໄຊ ສະ ເໜີໃຫ້ລັດຖະບານເບິ່ງຄືນລາ ຄາໄຟຟ້າຮັບໃຊ້ກະສິກຳ ໂດຍ ແມ່ນລະດູການຜະລິດເຂົ້າ ນາແຊງປີຜ່ານມາ ເນື່ອງຈາກ ວ່າ ປະຊາຊົນຂັດຂ້ອງຫຼາຍຕໍ່ ຄ່າໄຟຟ້າສູງເຖິງ 1,8 ລ້ານຕໍ່ ເຮັກຕາ, ຈຶ່ງສະເໜີໃຫ້ລັດຖະ ບານພິຈາລະນາແກ້ໄຂຊ່ວຍ ຊາວນາ, ຫາກບໍ່ດັ່ງນັ້ນ ລະດູ ການຜະລິດເຂົ້ານາແຊງປີຈະ ມາເຖິງນີ້ຫຼາຍຄອບຄົວຈະຫັນ ໄປປູກພືດຊະນິດອື່ນແທນ. ທ່ານ ສາຍທອງ ແກ້ວ ດວງດີ ສສຊ ເຂດ 1 ປະທານ ກຳມາທິການກົດໝາຍ ສະພາ ແຫ່ງຊາດໄດ້ສະແດງຄວາມ ຍ້ອງຍໍທີ່ລັດຖະບານຊຸດທີ 8 ມີຜົນງານຫຼາຍດ້ານ ໂດຍສະ ເພາະຕື່ນຕົວການປະຕິບັດບັນ ດານິຕິກຳຕ່າງໆ ນັບແຕ່ຂັ້ນ ສູນກາງຮອດທ້ອງຖິ່ນ. ນອກ ຈາກນີ້ ການຄຸ້ມຄອງບັນດາ ໂຄງການລົງທຶນນອກແຜນໃນ ປີຜ່ານມາຖືວ່າເຮັດໄດ້ດີ, ການ ແກ້ໄຂໜີ້ສິນທັງໃນແຜນ ແລະ ນອກແຜນແມ່ນຂ້ອນຂ້າງເປັນ ລະບົບ. ປະຕິບັດກົດໝາຍການ ລົງທຶນຈົນເກີນດຸນການຄ້າ. ແນວໃດກໍດີ ແຜນພັດທະ ນາເສດຖະກິດ-ສັງຄົມ ໃນປີ 2018 ນີ້ ຈຶ່ງສະເໜີໃຫ້ລັດຖະ ບານ ມີການວາງແຜນຢ່າງມີ ຈຸດສຸມ ເພື່ອແກ້ໄຂຄວາມທຸກ ຍາກຂອງປະຊາຊົນ ໂດຍສະ ເພາະຢູ່ບັນດາແຂວງພາກເໜືອ ຊຶ່ງຈະຕ້ອງໄດ້ວິເຄາະວິໄຈຢ່າງ ຄັກແນ່ ເນື່ອງຈາກງົບປະມານ ພວກເຮົາມີຈຳກັດ ສະນັ້ນຄວນ ເນັ້ນໃສ່ແຂວງໃດ ແລະ ແກ້ໄຂ ຈຸດໃດກ່ອນ, ຕົວຢ່າງຢູ່ເຂດ ພາກເໜືອພວກເຮົາມີໂຮງງານ ຜະລິດຫົວອາຫານສັດ ຊຶ່ງເປັນ ໂຮງງານໃຫຍ່ ເພາະສະນັ້ນ ພວກເຮົາຄວນສົ່ງເສີມໃຫ້ປະ ຊາຊົນປູກພືດ ເປັນຕົ້ນແມ່ນ ສາລີ ແລະ ພືດອື່ນໆ ເພື່ອເປັນ ວັດຖຸດິບປ້ອນໂຮງງານດັ່ງກ່າວ ຊຶ່ງນອກຈາກເປັນຕະຫຼາດຮອງ ຮັບຜົນຜະລິດທີ່ສ້າງລາຍຮັບທີ່ ໝັ້ນຄົງໃຫ້ຊາວກະສິກອນແລ້ວ ຍັງມີຜະລິດຕະພັນຫົວອາຫານ ສັດຈຳໜ່າຍພາຍໃນນຳອີກ, ແຕ່ກົງກັນຂ້າມ ພວກເຮົາບໍ່ໄດ້ ນຳໃຊ້ທ່າແຮງດັ່ງກ່າວ ເຂົ້າໃນ ການແກ້ໄຂຄວາມທຸກຍາກ ຂອງປະຊາຊົນແຕ່ຢ່າງໃດ, ດັ່ງ ນັ້ນລັດຖະບານຕ້ອງມີຈຸດສຸມ, ມີການວິເຄາະວິໄຈ ແລະ ວາງ ມາດຕະການຕ່າງໆຢ່າງຄັກແນ່. ນອກຈາກນີ້, ການສົ່ງ ເສີມຜະລິດເປັນສິນຄ້າກໍຕ້ອງ ມີຕະຫຼາດຢູ່ຕ່າງປະເທດຮອງ ຮັບ ໂດຍມີການວິເຄາະວິໄຈ ຄັກແນ່ວ່າ ຄວນຜະລິດພືດຊະ ນິດໃດ ສົ່ງໄປປະເທດໃດ ເພື່ອ ບໍ່ຢາກໃຫ້ພົບກັບບັນຫາຄືໄລ ຍະຜ່ານມາ. ຂະນະທີ່ ສສຊ ແຂວງວຽງ ຈັນ ໄດ້ສະເໜີໃຫ້ລັດຖະບານ ຫາວິທີແກ້ໄຂການຫຼິ້ນກິນຟຸມ ເຟືອຍຂອງສັງຄົມ ໂດຍສະ ເພາະໄວໜຸ່ມຊຶ່ງພາໃຫ້ເກີດ ປາກົດການຫຍໍ້ທໍ້ໃນສັງຄົມ ຢ່າງເປັນຕ່ອງໂສ້ເກາະກ່າຍ ກັນ ໄປ ເປັນຕົ້ນແມ່ນບັນຫາໂສເພ ນີ, ຢາເສບຕິດ, ອາລະວາດຕີ ກັນ ແລະ ບັນຫາອື່ນໆດັ່ງນັ້ນ ຈຶ່ງສະເໜີໃຫ້ລັດຖະບານໄປ ພິຈາລະນາຫາທາງແກ້ໄຂ.