ຮອງນາຍົກ ຢ້ຽມຢາມໂຄງການກໍ່ສ້າງ ທາງລົດໄຟ ລາວ-ຈີນ ທີ່ຫຼວງພະບາງ


...

    

ວັນທີ 18 ຕຸລາ 2017 ທ່ານ ບຸນທອງ ຈິດມະນີ ຮອງ ນາຍົກລັດຖະມົນຕີ ປະທານ ຄະນະກວດກາສູນກາງພັກ ປະທານອົງການກວດກາລັດ ຖະບານ ຫົວໜ້າອົງການຕ້ານ ການສໍ້ລາດບັງຫຼວງຂັ້ນສູນກາງ ພ້ອມຄະນະລົງເຄື່ອນໄຫວ ຢ້ຽມຢາມ ແລະ ເຮັດວຽກຢູ່ ແຂວງ ຫຼວງພະບາງ ຊຶ່ງມີທ່ານ ຄຳຂັນ ຈັນທະວີສຸກ ເຈົ້າແຂວງ ຫຼວງພະບາງ ພ້ອມດ້ວຍພະ ນັກງານຫຼັກແຫຼ່ງແຂວງໄດ້ໃຫ້ ການຕ້ອນຮັບຢ່າງສົມກຽດ. ໂອກາດນີ້ ທ່ານ ບຸນທອງ ຈິດມະນີ ພ້ອມຄະນະ ໄດ້ເຮັດ ວຽກກັບອຳນາດການປົກຄອງ ເພື່ອຮັບຟັງເຂດໄດ້ຮັບຜົນກະ ທົບ ໂດຍສະເພາະທີ່ດິນຈາກ ໂຄງການກໍ່ສ້າງທາງລົດໄຟ ລາວ-ຈີນ ທີ່ເມືອງຊຽງເງິນໂດຍ ທ່ານ ເພັງ ຄຳມະນີ ຮອງເຈົ້າ ເມືອງ ໄດ້ລາຍງານສະພາບ ໂດຍຫຍໍ້ກ່ຽວກັບການເຄື່ອນ ໄຫວການຈັດຕັ້ງປະຕິບັດວຽກ ງານໃນໄລຍະຜ່ານມາ ຊຶ່ງໃນ ທົ່ວເມືອງມີ 49 ບ້ານ, 6.178 ຄອບຄົວ, ພົນລະເມືອງ 34.136 ຄົນ, ຍິງ 17.083 ຄົນ, ຕະຫຼອດ ໄລຍະຜ່ານມາໃນທົ່ວເມືອງມີ ຄວາມສະຫງົບໂດຍພື້ນຖານ, ເສດຖະກິດຂະຫຍາຍຕົວຢ່າງ ຕໍ່ເນື່ອງໃນລະດັບ 8,85% ລວມ ຍອດຜະລິດຕະພັນພາຍໃນ ບັນລຸໄດ້ 397,94 ຕື້ກີບ, ລາຍຮັບສະເລ່ຍຕໍ່ຫົວຄົນໄດ້ 11.640.044 ກີບ ເທົ່າກັບ 1.410 ໂດລາສະຫະລັດ. ສຳລັບວຽກງານກໍ່ສ້າງ ທາງລົດໄຟລາວ-ຈີນ ຜ່ານແຂວງ ຫຼວງພະບາງທັງໝົດ 80 ກມ ໃນນັ້ນຜ່ານເມືອງຊຽງເງິນ 50 ກມ, ຜ່ານການສຳຫຼວດຕົວຈິງ ມີ 16 ບ້ານ, ມີ 3 ສະຖານີ, ຂົວ 16 ແຫ່ງ ແລະ ອຸໂມງ 14 ແຫ່ງ ພ້ອມນັ້ນຍັງມີໂຮງໂມ້ຊີມັງ 7 ແຫ່ງ ຊຶ່ງຜ່ານການເກັບກຳຂໍ້ ມູນຜົນກະທົບເນື້ອທີ່ດິນຂອງ ປະຊາຊົນ ມີ 16 ບ້ານ ມີ 308 ຄອບຄົວ, ເນື້ອທີ່ 92,55 ເຮັກ ຕາ ມີ 325 ຕອນ, ໃນນັ້ນໄດ້ ຮັບຜົນກະທົບຕໍ່ຜົນລະປູກ ແລະ ສິ່ງປຸກສ້າງຂອງປະຊາ ຊົນ ໂດຍສະເພາະແມ່ນບ້ານ ບວມອໍ້, ຕໍ່ກັບບັນຫາດັ່ງກ່າວ ປະຊາຊົນທີ່ຖືກຜົນກະທົບ ຈາກໂຄງການດັ່ງກ່າວແມ່ນ ໄດ້ສະເໜີໃຫ້ພັກ-ລັດຊົດເຊີຍ ຢ່າງສົມເຫດສົມຜົນ ເພື່ອເຮັດ ໃຫ້ມີຊີວິດການເປັນຢູ່ດີຂຶ້ນ ກວ່າເກົ່າ. ໃນໂອກາດນີ້, ທ່ານຮອງ ນາຍົກລັດຖະມົນຕີ ໄດ້ໃຫ້ກຽດ ໂອ້ລົມປະຊາຊົນ ຊຶ່ງທ່ານໄດ້ ສະແດງຄວາມຍ້ອງຍໍຊົມເຊີຍ ຕໍ່ຄະນະຮັບຜິດຊອບໄກ່ເກ່ຍ ທີ່ໄດ້ເອົາໃຈໃສ່ປະຕິບັດໜ້າທີ່ ແລະ ຄວາມຮັບຜິດຊອບຂອງ ຕົນ ໂດຍສະເພາະການເຮັດ ວຽກປະສານງານ, ການປຸກລະ ດົມນຳພາແນວຄິດຂອງປະຊາ ຊົນ, ການໄກ່ເກ່ຍບັນຫາຕ່າງໆ ແມ່ນມີຜົນສຳເລັດເປັນຢ່າງດີ. ພ້ອມດຽວກັນນັ້ນ ທ່ານຍັງໄດ້ ຕີລາຄາສູງຕໍ່ອຳນາດການປົກ ຄອງ ແລະ ປະຊາຊົນບ້ານ ບວມອໍ້ ທີ່ໄດ້ໃຫ້ການຮ່ວມມື ກັບພາກສ່ວນຕ່າງໆ ກໍຄືການ ປົກປັກຮັກສາ ແລະ ພັດທະນາ ບ້ານຊ່ອງຂອງຕົນ ເຮັດໃຫ້ທົ່ວ ບ້ານມີຄວາມສະຫງົບໂດຍພື້ນ ຖານ, ປະຊາຊົນມີຄວາມອຸ່ນ ອ່ຽງທຸ່ນທ່ຽງ, ເຊື່ອໝັ້ນຕໍ່ການ ນຳພາຂອງພັກ-ລັດ, ເສດຖະ ກິດ-ຊີວິດການເປັນຢູ່ຂອງປະ ຊາຊົນພາຍໃນບ້ານ ນັບມື້ໄດ້ ຮັບການປັບປຸງດີຂຶ້ນເປັນ ກ້າວໆ. ທ່ານຮອງນາຍົກລັດຖະ ມົນຕີ ໄດ້ມີຄຳເຫັນເນັ້ນໜັກ ຕໍ່ພາກສ່ວນທີ່ກ່ຽວຂ້ອງເອົາໃຈ ໃສ່ຕື່ມບາງດ້ານ ເປັນຕົ້ນການ ນຳເມືອງຊຽງເງິນ ກວດເບິ່ງຄືນ ບັນດາຄາດໝາຍທີ່ໄດ້ກຳນົດ ໄວ້ ໃນແຜນພັດທະນາເສດຖະ ກິດ-ສັງຄົມຂອງເມືອງ, ມີອັນ ໃດ ທີ່ເຫັນວ່າຍັງປະຕິບັດບໍ່ທັນ ໄດ້ດີແມ່ນໃຫ້ພ້ອມກັນຮີບ ຮ້ອນຫາທາງແກ້ໄຂ ແລະ ຈັດ ຕັ້ງປະຕິບັດໃຫ້ປະກົດຜົນເປັນ ຈິງ-ທັນກັບເວລາ, ໃຫ້ເອົາໃຈ ໃສ່ຕໍ່ວຽກງານປ້ອງກັນຊາດ- ປ້ອງກັນຄວາມສະຫງົບທົ່ວ ປວງຊົນຮອບດ້ານຢ່າງແຂງ ແຮງ ເພື່ອຮັບປະກັນແກ່ການ ຈັດຕັ້ງປະຕິບັດວຽກງານຮອບ ດ້ານຂອງເມືອງ ສາມາດດຳ ເນີນໄປຢ່າງເປັນປົກກະຕິ ແລະ ໄດ້ຮັບປະສິດທິຜົນເປັນ ຢ່າງດີ ໂດຍໃຫ້ເອົາໃຈໃສ່ຕໍ່ ການຕ້ານ ແລະ ສະກັດກັ້ນປາ ກົດການຫຍໍ້ທໍ້ຕ່າງໆລວມທັງ ກົນອຸບາຍຫັນປ່ຽນໂດຍສັນຕິ ຂອງສັດຕູ ເປັນຕົ້ນບັນຫາຢາ ເສບຕິດ, ການແບ່ງແຍກຄວາມ ສາມັກຄີ, ການຍຸໂຍງສົ່ງເສີມ ປະຊາຊົນໄປໃນທາງທີ່ບໍ່ຖືກ ຕ້ອງ ແລະ ອື່ນໆ ຄົ້ນຄວ້າເບິ່ງ ຄວາມເໝາະສົມໃນການຈັດ ສັນອາຊີບໃຫ້ແກ່ປະຊາຊົນທີ່ ໄດ້ຮັບຜົນກະທົບ ໂດຍໃຫ້ເບິ່ງ 4 ດ້ານເປັນຫຼັກ ຄື: ການປູກ, ການລ້ຽງ, ການບໍລິການ ແລະ ຫັດຖະກຳ-ອຸດສາຫະກຳຂະ ໜາດນ້ອຍ ໃນນັ້ນແມ່ນໃຫ້ ເລີ່ມຈາກທ່າແຮງຂອງແຕ່ລະ ຄອບຄົວເປັນສຳຄັນເປັນຕົ້ນ ແມ່ນທ່າແຮງດ້ານທີ່ດິນ, ແຮງ ງານ, ມູນເຊື້ອຂອງປະຊາຊົນ ແລະ ທຶນຮອນເປັນຫຼັກ, ສືບຕໍ່ ຊຸກຍູ້ ການພັດທະນາດ້ານສີມື ແຮງງານ ໃຫ້ແກ່ປະຊາຊົນໃຫ້ ໄດ້ທັງປະລິມານ ແລະ ຄຸນນະ ພາບ, ມີຄວາມຮູ້ຄວາມສາມາດ ທາງດ້ານເຕັກນິກ ຄວບຄູ່ດ້ວຍ ຄວາມດຸໝັ່ນຂະຫຍັນພຽນ, ສືບຕໍ່ເອົາໃຈໃສ່ປຸກລະດົມນຳ ພາແນວຄິດຂອງປະຊາຊົນ ໃນ ການເປັນເຈົ້າການພັດະທະນາ ຕົນເອງ, ເພິ່ງຕົນເອງ ແລະ ສ້າງຄວາມເຂັ້ມແຂງດ້ວຍຕົນ ເອງ, ຫຼີກລ່ຽງແນວຄິດເອື່ອຍ ອີງ, ຂີ້ຄ້ານມັກງ່າຍ, ຖືເບົາ ແລະ ອື່ນໆ. ຫຼັງຈາກນັ້ນ ທ່ານຮອງນາ ຍົກລັດຖະມົນຕີ ໄດ້ເດີນທາງ ໄປເບິ່ງສະພາບການກໍ່ສ້າງ ເສັ້ນທາງລົດໄຟ ຢູ່ພາກສະ ໜາມໂດຍສະເພາະແມ່ນການ ຂຸດເຈາະອຸໂມງ ຢູ່ເຂດບ້ານ ພອນໄຊ, ເມືອງຫຼວງພະບາງ ຕື່ມອີກ. ໃນວັນດຽວກັນນີ້ ທ່ານ ບຸນທອງ ຈິດມະນີ ໄດ້ຮັບຟັງ ການລາຍງານຫຍໍ້ການຈັດຕັ້ງ ປະຕິບັດແຜນພັດທະນາເສດ ຖະກິດ-ສັງຄົມ ໄລຍະ 6 ເດືອນ ຕົ້ນປີ 2017 ແລະ ທິດທາງ ແຜນການສູ້ຊົນແຕ່ໄລຍະ 6 ເດືອນ ທ້າຍປີ ຈາກທ່ານ ຄຳຂັນ ຈັນທະວີສຸກ ເຈົ້າແຂວງຫຼວງ ພະບາງ ຊຶ່ງໄດ້ຍົກໃຫ້ເຫັນການ ເຕີບໃຫຍ່ຂະຫຍາຍຕົວຂອງ ຂົງເຂດເສດຖະກິດ ໄລຍະ ຜ່ານມາ ແຂວງຫຼວງພະບາງ ແມ່ນສາມາດຮັກສາໄດ້ຄວາມ ສະຫງົບໂດຍພື້ນຖານ, ເສດ ຖະກິດ ມີການຂະຫຍາຍຕົວ ຢ່າງຕໍ່ເນື່ອງ ແລະ ໝັ້ນທ່ຽງ ຊຶ່ງເຮັດໃຫ້ຊີວິດການເປັນຢູ່ ຂອງພະນັກງານ, ທະຫານ, ຕຳຫຼວດ ແລະ ປະຊາຊົນບັນ ດາເຜົ່າໃນທົ່ວແຂວງໄດ້ຮັບ ການຍົກລະດັບຂຶ້ນເປັນກ້າວໆ ຈາກນັ້ນ ທ່ານຮອງນາຍົກລັດ ຖະມົນຕີ ໄດ້ໂອ້ລົມ ເພື່ອໃຫ້ ທິດຊີ້ນຳຈັດຕັ້ງປະຕິບັດໃນ ການພັດທະນາເສດຖະກິດ-ສັງຄົມ ຂອງແຂວງຫຼວງພະ ບາງ. (ຂ່າວ: ນາງ ສີອາມອນ ອົງການກວດກາລັດຖະບານ)