ຄະນະຜູ້ແທນລາວເຂົ້າຮ່ວມກອງປະຊຸມ ສະຫະພັນລັດຖະສະພາສາກົນ


...

    

ກອງປະຊຸມໃຫຍ່ສະຫະ ພັນລັດຖະສະພາສາກົນ ຄັ້ງທີ 137 ຫຼື IPU ໄດ້ໄຂຂຶ້ນຢ່າງເປັນ ທາງການໃນວັນທີ 14 ຕຸລາ ຜ່ານມານີ້, ທີ່ຫໍວາງສະແດງສາ ກົນ ນະຄອນເຊັນປີເຕີສະເບີກ, ສະຫະພັນຣັດເຊຍ. ໃນພິທີໄຂ ກອງປະຊຸມຄັ້ງສຳຄັນນີ້, ທ່ານ ວະລາດີເມຍ ປູຕິນ ປະທານາທິ ບໍດີ ແຫ່ງສະຫະພັນຣັດເຊຍ ໄດ້ ໃຫ້ກຽດເຂົ້າຮ່ວມ ແລະ ກ່າວ ສູນທອນພົດ ໄຂກອງປະຊຸມຕໍ່ ຜູ້ນຳ ແລະ ຕົວແທນລັດຖະສະ ພາ ທີ່ມາຈາກ 173 ປະເທດທົ່ວ ໂລກ ຊຶ່ງມີຜູ້ເຂົ້າຮ່ວມ 2.400 ທ່ານ, ນັບວ່າມີຈຳນວນຜູ້ເຂົ້າ ຮ່ວມຫຼາຍທີ່ສຸດໃນປະຫວັດ ສາດຂອງການຈັດກອງປະຊຸມ ໄອພີຢູ ນັບແຕ່ໄດ້ສ້າງຕັ້ງມາ ໃນປີ 1889. ໃນນີ້ ລະດັບປະ ທານ ລັດຖະສະພາມີ 96 ປະເທດ, ຊຶ່ງໃນນັ້ນ ຄະນະຜູ້ ແທນຈາກສະພາແຫ່ງຊາດ ລາວ ນຳໂດຍ ທ່ານ ບຸນປອນ ບຸດຕະນະວົງ ຮອງປະທານ ສະພາແຫ່ງຊາດກໍໄດ້ເຂົ້າຮ່ວມ. ກອງປະຊຸມໃຫຍ່ໄອພີຢູ ຄັ້ງທີ 137 ນີ້, ດຳເນີນໄປຈົນ ຮອດວັນທີ 18 ຕຸລານີ້, ໂດຍ ຈະໄດ້ຄົ້ນຄວ້າພິຈາລະນາ ຫຼາຍ ບັນຫາທີ່ສຳຄັນຂອງໂລກ ແລະ ພາກພື້ນ. ໃນການ ເຂົ້າຮ່ວມກອງປະຊຸມຄັ້ງນີ້, ທ່ານ ບຸນປອນ ບຸດຕະນະວົງ ຫົວໜ້າຄະນະຜູ້ແທນລາວ ກ່າວ ຄຳປາໄສໃນຫົວຂໍ້ “ສົ່ງ ເສີມສັນຕິພາບ ແລະ ຄວາມ ຫຼາກຫຼາຍທາງດ້ານວັດທະນະ ທຳ ໂດຍຜ່ານການປຶກສາຫາລື ລະຫວ່າງເຜົ່າພັນ ແລະ ສາສະ ໜາຕ່າງໆ” (Promoting Cultural Pluralism and Peace Through Inter-faith and Inter-ethnic Dialogue), ຊຶ່ງຖືວ່າເປັນຫົວຂໍ້ທີ່ມີຄວາມ ໝາຍສຳຄັນຍິ່ງຕໍ່ສັນຕິພາບ ແລະ ຄວາມໝັ້ນຄົງຂອງພາກ ພື້ນ ແລະ ສາກົນ. ພ້ອມກັນນີ້, ຄະນະຜູ້ແທນ ລາວ ຍັງຈະໄດ້ເຂົ້າຮ່ວມກອງ ປະຊຸມຄະນະກຳມະການປະ ຈຳຕ່າງໆຂອງໄອພີຢູ ເຊັ່ນ: ກຳ ມາທິການປະຈຳກ່ຽວກັບບັນຫາ ສັນຕິພາບ ແລະ ຄວາມໝັ້ນຄົງ ຂອງໂລກ, ກຳມາທິການປະຈຳ ກ່ຽວກັບການພັດທະນາແບບ ຍືນຍົງ ການເງິນ ແລະ ການ ຄ້າ, ກຳມາທິການກ່ຽວກັບ ບັນຫາປະຊາທິປະໄຕ ແລະ ສິດທິມະນຸດ, ກຳມາທິການປະ ຈຳກ່ຽວກັບກິດຈະການຂອງ ອົງການສະຫະປະຊາຊາດ, ເວ ທີປຶກສາຫາລືຂອງສະມາຊິກ ລັດຖະສະພາເພດຍິງ, ເວທີປຶກ ສາຫາລືຂອງສະມາຊິກລັດຖະ ສະພາໜຸ່ມ ແລະ ເຂົ້າຮ່ວມ ກອງປະຊຸມຂອງກຸ່ມລັດຖະສະ ພາຈາກບັນດາອາຊຽນບວກ3 ແລະ ກອງປະຊຸມກຸ່ມລັດຖະ ສະພາພາກພື້ນອາຊີ ແລະ ປາ ຊີຟິກ. ໃນກອງປະຊຸມໄອພີຢູ ຄັ້ງນີ້, ຄະນະຜູ້ແທນລາວ ໄດ້ ຮ່ວມພິຈາລະນາ ແລະ ໃຊ້ສິດ ລົງຄະແນນຮັບຮອງເອົາຍັດຕິ ກ່ຽວກັບບັນຫາຮີບດ່ວນຂອງ ໂລກ ແລະ ພາກພື້ນ ທີ່ສະເໜີ ໂດຍປະເທດສະມາຊິກເປັນຕົ້ນ ຍັດຕິກ່ຽວກັບການຍົກສູງບົດ ບາດການມີສ່ວນຮ່ວມ ແລະ ຄວາມມຸ່ງໝັ້ນຂອງລັດຖະສະ ພາໃນການປົກປັກຮັກສາສັນຕິ ພາບ ແລະ ຄວາມໝັ້ນຄົງຂອງ ໂລກ, ຍັດຕິກ່ຽວກັບບົດບາດ ຂອງໄອພີຢູໃນການແກ້ໄຂບັນ ຫາທາງການເມືອງໃນປະເທດ ສະມາຊິກເຊັ່ນ: ບັນຫາການ ເມືອງໃນປະເທດເວເນຊູເອລາ, ບັນຫາດ້ານມະນຸດສະທຳຂອງ ໂຣຮິນຢາໃນປະເທດມຽນມາ, ບັນຫາຄວາມປອດໄພ ແລະ ການຄຸ້ມຄອງຊາວອົບພະຍົບ, ຕ້ານການກໍ່ການຮ້າຍ ແລະ ບັນຫາໄພຂົ່ມຂູ່ຈາກການທົດ ລອງອາວຸດນິວເຄຼຍໃນແຫຼມ ເກົາຫຼີ ແລະ ອື່ນໆ. ພ້ອມນີ້, ຄະນະຜູ້ແທນລາວ ຍັງໄດ້ພົບ ປະສອງຝ່າຍກັບຮອງປະທານ ສະພາສູງ ແລະ ສະພາຕ່ຳຂອງ ສະຫະພັນຣັດເຊຍ ເພື່ອປຶກສາ ຫາລືກ່ຽວກັບການຮ່ວມມືລະ ຫວ່າງອົງການນິຕິບັນຍັດຂອງ ສອງປະເທດລາວ - ຣັດເຊຍ. ນອກຈາກນີ້, ຄະນະຜູ້ ແທນລາວ ຍັງໄດ້ໃຊ້ສິດລົງຄະ ແນນເລືອກຕັ້ງເອົາປະທານສະ ຫະພັນລັດຖະສະພາສາກົນ ໃໝ່ ເພື່ອປ່ຽນແທນ ທ່ານ ຊາເບີ ໂຊດາຣີ ຊາວບັງກຣາເດັດ ຊຶ່ງ ໄດ້ຮັບການເລືອກຕັ້ງໃຫ້ດຳລົງ ຕຳແໜ່ງເປັນປະທານໄອພີຢູ ໃນກອງປະຊຸມໃຫຍ່ໄອພີຢູ ຄັ້ງທີ 131 ໃນວັນທີ 16 ຕຸລາ 2014 ໃນກຳນົດເວລາ 3 ປີ ແລະ ຈະໝົດວາລະລົງໃນກອງ ປະຊຸມໄອພິຢູ ຄັ້ງທີ 137 ນີ້. ໃນການເລືອກຕັ້ງປະທານໄອ ພີຢູ ຄັ້ງນີ້ ມີຜູ້ສະໝັກ 2 ທ່ານ ທີ່ເປັນເພດຍິງ ຊຶ່ງມາຈາກ ປະເທດແມັກຊິໂກ ແລະ ປະ ເທດອູຣູກວາຍ.