ກະຊວງ ຖວທ ປະກາດແຕ່ງຕັ້ງພະນັກງານຂັ້ນຮອງກົມ


...

    

ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ຈັດພິທີປະກາດ ການແຕ່ງຕັ້ງພະນັກງານຂັ້ນ ຮອງກົມຄື: ຮອງຫົວໜ້າຫ້ອງ ການກະຊວງ ຖວທ ແລະ ຮອງ ຜູ້ອຳນວຍການໂທລະພາບແຫ່ງ ຊາດລາວ ຈັດຂຶ້ນໃນວັນທີ 17 ພະຈິກ ຜ່ານມາ ທີ່ກະຊວງດັ່ງ ກ່າວ ໂດຍການເປັນກຽດເຂົ້າ ຮ່ວມຂອງ ທ່ານ ບໍ່ແສງຄຳ ວົງດາລາ ລັດຖະມົນຕີກະຊວງ ຖວທ, ມີບັນດາແຂກຖືກເຊີນ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມ. ການປະກາດແຕ່ງຕັ້ງຄັ້ງ ນີ້ແມ່ນປະຕິບັດຕາມຂໍ້ຕົກລົງ ຂອງລັດຖະມົນຕີກະຊວງຖະ ແຫຼງຂ່າວ, ວັດທະນະທຳ ແລະ ທ່ອງທ່ຽວ ເລກທີ 1111/ຖວທ ລົງວັນທີ 2/11/2017 ວ່າດ້ວຍ ການແຕ່ງຕັ້ງລັດຖະກອນຮັບ ໜ້າທີ່ໃໝ່ ໂດຍແຕ່ງຕັ້ງທ່ານ ບຸນເລື່ອມ ສຸວັນຄຳ ເປັນຮອງ ຫົວໜ້າໂທລະພາບແຫ່ງຊາດ ລາວ ແລະ ແຕ່ງຕັ້ງທ່ານ ບົວໄລ ພານຸວົງ ເປັນຮອງຫົວໜ້າຫ້ອງ ການ ກະຊວງ ຖວທ ຕາມຂໍ້ຕົກ ລົງເລກທີ 1112/ຖວທ ຂອງ ລັດຖະມົນຕີກະຊວງຖະແຫຼງ ຂ່າວ, ວັດທະນະທຳ ແລະ ທ່ອງທ່ຽວ ວ່າດ້ວຍການຍົກ ຍ້າຍແຕ່ງຕັ້ງພະນັກງານລັດ ຖະກອນຮັບໜ້າທີ່ໃໝ່. ໂອກາດດັ່ງກ່າວນີ້, ທ່ານ ບໍ່ແສງຄຳ ວົງດາລາ ໄດ້ມີຄຳ ເຫັນໂອ້ລົມຕໍ່ພິທີ ຊຶ່ງທ່ານ ໄດ້ສະແດງຄວາມຍິນດີ ແລະ ຍ້ອງຍໍຊົມເຊີຍຕໍ່ພະນັກງານທີ່ ໄດ້ຮັບການແຕ່ງຕັ້ງໃນຄັ້ງນີ້ ຊຶ່ງເປັນພະນັກງານຫ້າວຫັນທີ່ ມີຄວາມສາມາດມີຜົນງານອັນ ພົ້ນເດັ່ນ ໃນໄລຍະຜ່ານມາ ພ້ອມນັ້ນ ທ່ານຍັງເນັ້ນໃຫ້ຜູ້ທີ່ ໄດ້ຮັບການແຕ່ງຕັ້ງຈົ່ງຕັ້ງໜ້າ ເອົາໃຈໃສ່ປະຕິບັດວຽກງານ ໃຫ້ສຳເລັດຜົນ, ເອົາໃຈໃສ່ບຸກ ບືນຝຶກຝົນຫຼໍ່ຫຼອມຕົນເອງໃຫ້ ເປັນແບບຢ່າງທີ່ດີມີຄຸນສົມບັດ ສິນທຳປະຕິວັດ, ມີຄວາມຮູ້ ຄວາມສາມາດນຳພາພະນັກ ງານພາຍໃນກົມກອງລວມໝູ່ ຂອງຕົນ, ຍາດໄດ້ຜົນງານໃໝ່ ໃຫຍ່ຫຼວງກ່ວາເກົ່າ. ເຮັດສຳ ເລັດໜ້າທີ່ທີ່ພັກ - ລັດ ແລະ ປະເທດຊາດມອບໝາຍໃຫ້. (ຂ່າວ: ນ. ຍຸພິນທອງ)