ຍທຂ ດຳເນີນກອງປະຊຸມປະຈຳປີ


...

     ກອງປະຊຸມວຽກງານໂຍທາທິການ ແລະ ຂົນສົ່ງ (ຍທຂ) ທົ່ວປະເທດປະຈຳປີ 2016 ໄດ້ໄຂຂຶ້ນຢ່າງເປັນທາງ ການໃນວັນທີ 21 ກຸມພານີ້ ທີ່ຫໍປະຊຸມແຫ່ງຊາດ ໂດຍພາຍໃຕ້ການເປັນປະ ທານຂອງທ່ານ ບຸນຈັນ ສິນທະວົງ ລັດຖະມົນຕີກະຊວງໂຍທາທິການ ແລະ ຂົນສົ່ງ ໂດຍມີບັນດາລັດຖະມົນຕີ ຮອງລັດຖະມົນຕີ ຮອງເຈົ້າ ຄອງນະຄອນຫຼວງວຽງຈັນ, ຫົວ ໜ້າພະແນກ ຍທຂ ໃນທົ່ວປະ ເທດ ຕະຫຼອດຮອດແຂກຖືກ ເຊີນ ແລະ ພາກສ່ວນກ່ຽວຂ້ອງ ເຂົ້າຮ່ວມ. ກອງປະຊຸມຄັ້ງນີ້ ຈະໄດ້ ດຳເນີນໄປເປັນ ເວລາ 2 ວັນ ຊຶ່ງກອງປະຊຸມຈະໄດ້ຮັບຟັງ ການສະເໜີວິໄສທັດຮອດປີ 2030, ຍຸດທະສາດຂອງຂະ ແໜງ ຍທຂ 10 ປີ (2016 - 2025) ແລະ ແຜນພັດທະນາ ຂະແໜງການ ຍທຂ 5 ປີ (2016 - 2020), ຮັບຟັງການ ສະຫຼຸຸບຕີລາຄາຄືນການຈັດຕັ້ງ ປະຕິບັດແຜນການປະຈຳສົກ ປີ 2014 - 2015 ແລະ 2015 - 2016, ແຜນພັດທະນາປະຈຳ ປີ 2017 ຂອງກະຊວງ ຍທຂ ແລະ ສັງລວມຄວາມຄືບໜ້າການ ແກ້ໄຂບັນຫາຄົງຄ້າງ, ພົ້ນເດັ່ນ (18 ບັນຫາ) ຂອງຂະແໜງ ການ ຍທຂ ແລະ ຮັບຟັງຄຳສັ່ງ ວ່າດ້ວຍການເພີ່ມທະວີຄວາມ ເຂັ້ມງວດໃນການຄຸ້ມຄອງໂຄງ ການລົງທຶນຂອງລັດສຳລັບ ການກໍ່ສ້າງ ແລະ ສ້ອມແປງ ພື້ນຖານໂຄງລ່າງຂອງຂະແໜງ ການ ຍທຂ. ພ້ອມກັນນີ້ກອງ ປະຊຸມຍັງຈະໄດ້ພ້ອມກັນຄົ້ນ ຄວ້າ, ປຶກສາຫາລືປະກອບຄຳ ຄິດຄຳເຫັນໃສ່ບັນຫາສຳຄັນ ຕ່າງໆທີ່ນຳມາສະເໜີຕໍ່ກອງ ປະຊຸມໃນຄັ້ງນີ້ ແນໃສ່ເພື່ອ ເຮັດໃຫ້ວຽກງານຂອງຂະແໜງ ການ ຍທຂ ໃນຕໍ່ໜ້າມີຜົນງານ ຫຼາຍດ້ານ ແລະ ໄດ້ຮັບຜົນສຳ ເລັດໃໝ່ໃຫຍ່ຫຼວງກວ່າເກົ່າ. ພ້ອມກັນນີ້, ກອງປະຊຸມ ຍັງຈະໄດ້ຮັບຟັງ ທ່ານ ທອງລຸນ ສີສຸລິດ ກຳມະການກົມການ ເມືອງສູນກາງພັກ ນາຍົກລັດ ຖະມົນຕີໃຫ້ກຽດໂອ້ລົມເພື່ອ ເປັນເຂັມຊີ້ທິດເຍືອງທາງໃຫ້ ຂະແໜງການ ຍທຂ ໄດ້ຮັບ ຜົນສຳເລັດກ້າວຂຶ້ນຢ່າງບໍ່ຢຸດ ຢັ້ງ. (ຂ່າວ: ວັນສີລິ)